Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ululahu Kings 5:6 - Buka Blahi Ka Cheke Holo

6 “Eghume, iara magnahaghei nigho iagho te mala chekedi nou mae glokudi Sidon ra mala tei Lebanon mala kato keha gaju sida jare, mala babana iara Sugablahi igne. Nu iara ginauna kurudi nogu mae gloku igre mala ari toghodi mare. Eghuteuna iara ginauna foli nigho unha te chekeni iagho na mala folidi iagho nou mae glokure. Tapa kafe lasedi nou mae gloku iagho are thofno lalase salaꞌudi keha mae te kato thabara.”

အခန်းကိုကြည့်ပါ။ ကော်ပီ




Ululahu Kings 5:6
20 ပူးပေါင်းရင်းမြစ်များ  

“Iara lasedi fara nou mae gloku iagho ra mare lase kato thaba Lebanon. Eghume iara magnahaghei nigho iagho te famei keha famane thaba ka gaju sida, gaju paen nei gaju almug. Nogu mae gloku iara igre tangomana te ari loku baludi nou mae gloku iagho ra.


Kheraguro, iara magnahaghei te chekeni kaisei glepo ka ghotilo. U puhi te keli fara te mala ghathodi koba ghotilo re igre. Jateula ngau puhi te tutuani, puhi te fnakno, puhi te doglo nei puhi te famane nei puhi te thofno keli fara ka nonomho dire.


Kraes neke tusu ranghi ghita soasopai khokofakasai te mala loku ranghini God leghuni thofno gaoghathogna.


Thosei tughu fapulo unha najafra teke eni ranghi ghami ihei na. Ghotilo eni ngala unha te keli ka tathadi naikno te gnafare.


Chekegna Lord na ne klopa gaju thubi te maku na gna ka Thogele Lebanon.


Aonu naiknore ne falao sileni mala folidi mae kapenta baludi mae iheire te lase kato thina. Eghuteuna mare ne fatei gano, nei waen, nei oliv oel eghu ka phei namono Taea ghe Saedon, mala foli gaju sida gna Lebanon mala horo gna Sugablahi na, leghuni unha teke chekeni King Saeras gna Pesia. Mare tangomana te lilisei gaju igre tongna, mala hata soru ka naprona biꞌo Jopa.


Iara tangomana te folidi nou mae gloku iagho are ka kaisei gobi phiatutu glima thogha baeg wit biꞌo, nei kaisei gobi phiatutu glima thogha baeg bali biꞌo, nei fati gobi phiatutu thogha lita waen, nei fati gobi phiatutu thogha lita oliv oel.”


Brahugna Chogho te Blahi fara igne thokeni nheva mita, eghuteuna krepagna na, nheva mita, eghuteuna haghegna na nheva mita. Ka vido te gnafa ke lamnagna chogho igne mare toku tafru ka famane gol thaba gnare. Eghuteuna Olta gna na mare jaola toku tafru ka famane gol.


Eghuteuna lamna ka khukru gna Sugablahi na, mare horo kaisei chogho ikoi, mare kiloi chogho igne, “Chogho Thono Blahi Fara.” Brahugna chogho igne thokeni nheva mita, eghuteuna mare horo gringni igne ka thaba sida. Gringni igne funu pari tei posa kligna.


Mae Kenan neke au phei mae thugna nalhaꞌu, mae Saidon ghe mae Het. Mana jaola neke kuꞌedi mae Jebus, mae Amora, mae Gagas, mae Hivi, mae Arka, mae Sini, mae Arvat, mae Semar, nei mae Hamat. Vikegna mae Kenan gre ne fnota ne sopagna tei tafri.


Kate nomhini King Hiram nogna cheke King Solomon igne, mana ne keli tagna fara. Aonu mana ne cheke eghu, “Gognarona iara cheke fakelini Lord! Naugna Mana ne tusu ranghini mae Devet kaisei thugna te au tagna gaoghatho te keli mala ke tughuni mana nei funei fruni ka kantri te rheta igne.”


Aonu King Hiram ne kuru tei keha nogna mae kru te lase loku ka vaka. Aonu mare tei ne loku baludi nogna mae gloku mae Solomon ka vaka igre.


Eghuteuna naiknodi Taea nei Saedon teu gre jaola hata ne mei phugra gaju sida ka mae Devet, eghuteuna theo kaisei naikno naba te kahadire thaba igre.


Eghuteuna iara cheke eghu ka mare, “Jame ghotilo magnahaghei te foli nomi taba ka iara, ghotilo foli. Nu jame te theo na, keliu kolho.” Eghuteuna mare skel tolufulu silva ne famei ka iara mala foli ghau iara.


Eghuteuna king igne theome mala au kmana hose ka nogna armi na, ba kurudi keha mae mala ke pulo Ijep mala foli hose. Naugna Lord neke chekehi mala thosei ke pulo ghotilo Ijep.


Eghuteuna mare jaola horo keha namono biꞌo mala lilisei gano, chariot mala magra nei hose. Eghuteuna mare jaola ne horo keha glepo te magnahaghei edi mana Jerusalem nei Lebanon, nei ka keha vido aheva te funei frunidi mana re.


Mae Solomon au kaisei thogha fati gobi chariot mala magra, nei nabotho phei thogha hose maladi mae armi. Kehare mana lilisei Jerusalem, eghuteuna kehare au ka keha namono Israel.


Mae Solomon ne hata kaisei thogha fati gobi chariot nei nabotho phei thogha hose mala magra. Eghuteuna mana ne lilisei kehare Jerusalem, eghuteuna kehare ka namono te ulu ke lamna Israel.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ