Ululahu Kings 5:1 - Buka Blahi Ka Cheke Holo

¹ King Hiram mae biꞌo gna Taea igne mana kaisei kheragna keli King Devet. Eghuteuna kate nomhini mana mae Solomon te king tughuni mae kmagna na, mana ne kurudi keha nogna mae mala tei filoni mana.

Ululahu Kings 5:1 ပူးပေါင်းရင်းမြစ်များ

Ululahu Kronikols 14:1

King Hiram maegna ka namono Taea, ne kurudi keha mae biꞌo mala tei filoni King Devet. Eghuteuna mana jaola fatei gaju sida, keha mae te lase kato thina, nei keha mae mala horo nogna suga King Devet. Eghuteuna mae igre mei ne horo kaisei nogna suga King Devet.

Fapea Kronikols 2:3

Eghuteuna mae Solomon riso tei ka mae Haeram, king gna namono biꞌo Taea. Mana ne cheke eghu ka letas igne, “Iara magnahaghei nigho iagho te togho ghau iara jateula te sughu edi iagho ka mae kmagu iara Devet tifa ra eghu, iagho neke toghoni mana neke famei thaba gaju sida ka mana neke horo nogna suga ra.

Fapea Samuel 5:11

Mae Hiram king gna Taea igne ne kurudi keha mae biꞌo ka gavman mala tei filoni king Devet. Mana jaola ne fatei gaju sida, keha mae mala loku ka suga, nei loku ka thina. Eghuteuna mare hata taba sida baludi mala horo nogna suga mae Devet.

Ululahu Kings 5:10

Aonu mae Hiram ne fatei kmana gaju sida nei gaju te keli eghu ka King Solomon naba nihai teke toredi mana re.

Profet Emos 1:9

Lord ne cheke eghu, “Kmana fata naiknodi Taea tapla jafra ka nakhibo. Mare theome gnafa katha vido ikoi ka puhi igne. Thono theo fara. Kate tei ka magra te uluni kaisei namono na, mare hata naiknogna namono tuana mala tei foli jateula naikno sneka eghu ka kantri Idom. Tifa na mare neke nhaꞌa cheke mala au ka pharikeli baludi vike igre, nu mare theome leghuni kolho nodi nhaꞌa cheke na. Tutuani fara, iara ginauna roꞌeni namono biꞌo Taea eidi nafnata puhi te diꞌa te edi naiknore igre.

Nodi Khoje Hatimare Mae Jiu 45:12

Naiknodi ka namono Taea ginauna atha mei namha ka iagho. Eghuteuna mae te dedeire ginauna na jaola fariuriu nigho iagho mala magnahaghei nigho.

Ululahu Kings 5:13

King Solomon ne hata tolufulu thogha maedi Israel, eghuteuna huhurudi mare mala eni gloku igne.

Fapea Samuel 8:10

Mana thofno kelitagna fara ne kuruni Joram mae thugna na ne tei cheke fakelini King Devet. Naugna Toi kmana fatahi te magra balugna King Hadadesa. Ka narane igne mae Joram hata ne mei keha namha ka mae Devet, gol, silva nei bras.

Profet Isaia 23:1

Igne unha nate thoke mei ka namono biꞌo Taea. Ghotilo mae te loku ka vaka ra, ghotilo tanhi nei diꞌanagnafa eghu, naugna nomi namono ghotilo igne la groꞌehi ka mae naoka, eghuteuna theo kaisei suga te kegra teu ka namono Taea. Ghotilo ginauna filoni igne kate pulo mei funu ka moumolu Saeprus.

Jenesis 15:18

Ka narane igne Lord ne nhaꞌa cheke ka mae Ebram. Lord ne cheke eghu ka mana, “Iara ginauna na tusu ari ka vikemu iagho re namono igne. Funu ka khoꞌu biꞌo Ijep tei posa ka Khoꞌu biꞌo Iufretis.

Eksodas 34:24

Iara ginauna khi fajifladi naikno ka glose nate tei ghotilo tagna igne, eghuteuna iara ginauna eni fakrepa biꞌo nomi glose ghotilo igne. Eghuteuna neuba ghotilo ne mei ka thilo narane biꞌo igre ne tarai nei pogho soru neu ka iara Lord nomi God gne, ginauna theo kaisei mae nate fariuriu blauni ka ghotilo glose igne.

Naba 24:7

Nakarhami ghotilore ginauna keli fara jateula naikno te au ghedi famane khoꞌu ra eghu, eghuteuna vikemi ghotilore ginauna nheta jateula gano te au kmana khoꞌu tadi te karha kelidi ra eghu. Nomi king ghotilo na ginauna uluni mae Agag, nodi king vikegna mae Amalek, eghuteuna mana ginauna funei frunidi kmana kantri.

Diutronomi 20:11

Jame te faꞌuveni mare nomi cheke ghotilo na te tothora ka ghotilo grengathagna namono na, naikno te gnafa te au ke lamnagna namono igne ginauna mala nomi naikno sneka ghotilo, eghuteuna ghotilo ginauna tangomana te huhurudi mare te mala edi nomi gloku ghotilo re.

Ululahu Samuel 10:27

Nu keha mae te diꞌa ne cheke eghu, “Tore! Na tangomanani ngau si mae igne nate fakarhi ghita tahati naia?” Eghuteuna mare ne tirodi tusu lao namha ka mana, naugna mare ne theome magnahagheni mana. Nu King Sol ne au kmu kolho.

Ululahu Kings 10:25

Leuleghu finogha na naiknore hata mei namha ka King Solomon. Mare hata mei glepo te horo ka gol nei silva, famane pohe, glepo mala magra, sitha mala insens, hose nei dongki.

Fapea Kronikols 9:26

Mana funei frunidi hatimare mae king funu ka khoꞌu biꞌo ke raru Khoꞌu biꞌo Iufretis tei posa ke mosu Filistia, eghuteuna tei posa ka nohi ke mata Ijep.

Fapea Kronikols 17:11

Naiknodi Filistia igre hata ne mei kmana silva nei keha namha eghu ka King Jehosafat. Eghuteuna naiknodi Arab hata ne mei fitu thogha fitu gobi sipu nalhaꞌudi eghuteuna fitu thogha fitu gobi nanigot nalhaꞌudi ne tusu lao ka mana.

Esra 4:20

Tifa na keha mae king te au nodi nolaghi biꞌo igre, mare neke funei fruni ni provins thongana tei posa ke mosu Khoꞌu biꞌo Iufretis. Eghuteuna leuleghu fata na mare hata thua nafnata takis ka naiknogna provins tuana.

Nodi Khoje Hatimare Mae Jiu 72:8

Te keli na jame mana king ka kantri te gnafa gre, funu ke maghati tei posa ke mosu. Uve, funu ka Khoꞌu biꞌo Iufretis tei posa ka namono te gnafa ka nauthoglu igne.

Nodi Khoje Hatimare Mae Jiu 80:12

God, naugna unha sagho te snakredi mae naoka gre te mei atha nomi glose ghehati grea? Mare neke tei salaꞌu jare neke blau nomi glepo ghehatire nei mare jaola neke goigonidi gobigna lepore.

Profet Esikiel 19:11

Gregegna re rheta, naba mala horo nogna khodo king. Gaju grep igne kotu mei haghe salaꞌudi keha gaju mhata are. Naikno te gnafa re tangomana te filoni gaju igne naugna kotu ne brahu fara, eghuteuna au kmana grege.

Luku 7:5

Naugna mae biꞌodi hatimare mae armi igne thono namha ghami ghehati fara neke babana nomi suga tharai ghehati na.”