Ululahu Kings 4:31 - Buka Blahi Ka Cheke Holo

³¹ Nogna gaoghatho te keli mana igne salaꞌu fara, salaꞌudi keha mae re, tulao, mae Etan vikegna mae Esra, nei salaꞌuni mae Heman, nei mae Kalkol, nei mae Dada, thilo thugna mae Mahol. Eghuteuna thoutonu eigna mana na tei posa ka kantri te gnafa te falithuini Israel.

Ululahu Kings 4:31 ပူးပေါင်းရင်းမြစ်များ

Ululahu Kronikols 2:6

Aonu mae Sera ne au glima thugna nalhaꞌu: Mae Simri, mae Etan, mae Heman, mae Kalkol nei mae Dada.

Ululahu Kings 3:12

Eghume, iara ginauna eni unha te toreni iagho na. Iara ginauna tusu ranghi nigho kmana gaoghatho te keli nei glalase eghu uludi iheire teke kulu karha ka iagho nei iheire nate karha mei ke leghumu iagho.

Luku 11:31

Kau narane tuana God ginauna fatedi naikno te gnafare, nakrupe biꞌo gna Siba na kegra haghe mala cheke thakle ghami ghotilo naikno gognaro gre te thono jafra tutuani na. Naugna naꞌa neke mei funugna ka namono te gaꞌu fara mala fanomho ka nogna farirhiu te keli King Solomon. Eghuteuna te chekeni iara ka ghotilo na, kaisei mae te biꞌo uluni King Solomon na auhi agne mala toutonuni chekegna God!

Matiu 12:42

Kau narane tuana God ginauna fatedi naikno te gnafare, nakrupe biꞌo gna Siba na kegra haghe mala cheke thakle ghami ghotilo naikno gognaro gre te thono jafra tutuani ghotilo na. Naugna naꞌa neke mei funugna ka namono te khaba fara mala fanomho ka nogna farirhiu te keli mae King Solomon. Eghuteuna te chekeni iara ka ghotilo na, kaisei mae te biꞌo uluni mae King Solomon na auhi agne mala toutonuni chekegna God na!”

Ululahu Kronikols 6:33

Igre mae te mala hulu khoje re: Mae Heman, mae ihei teke karha ka vikegna mae Kohat. Eghuteuna susureigna mana na neke funu mei ka kmagna mae Joel, thugna mae Samuel. Mae Samuel gne neke thugna mae Elkana. Mae Elkana gne neke thugna mae Jeroham. Mae Jeroham gne neke thugna mae Eliel. Mae Eliel gne neke thugna mae Toha. Mae Toha gne neke thugna mae Suf. Mae Suf gne neke thugna mae Elkana. Mae Elkana gne neke thugna mae Mahat. Mae Mahat gne neke thugna mae Amasaea. Mae Amasaea gne neke thugna mae Elkana. Mae Elkana gne neke thugna mae Joel. Mae Joel gne neke thugna mae Asaraea. Mae Asaraea gne neke thugna mae Sefanaea. Mae Sefanaea gne neke thugna mae Tahat. Mae Tahat gne neke thugna mae Asiri. Mae Asiri gne neke thugna mae Ebiasaf. Mae Ebiasaf gne neke thugna mae Kora. Mae Kora gne neke thugna mae Isaha. Mae Isaha gne neke thugna mae Kohat. Mae Kohat gne neke thugna mae Livae. Eghuteuna mae Livae gne neke thugna mae Israel.

Kolose 2:3

Eghuteuna mae Kraes ne tothora ranghidi naikno te gnafare nogna gaoghatho te keli nei glalase eghu God teke au poru funu tifa.

Matiu 4:24

Thoutonu eigna mae Jisas na ne tei tongana heva heva ka Provins Siria, eghuteuna mare hata ne mei ka mana naikno te gnafa te fogra re. Naikno igre au tadi soasopai khabru. Keha au naitu, keha snosnogho, nei keha lehe ghahedi nei khamedi teure. Tutuani, mae Jisas ne kafe fakarhadi.

Nodi Khoje Hatimare Mae Jiu 88:1

Lord God, iagho nogu God iara mala togho ghau. Ka narane nei ka bongi teuna, iara diꞌanagnafa nei tanhi fabiꞌo eghu ka iagho mala mei togho ghau.

Fapea Kronikols 9:23

Kmana king ka nauthoglu igne magnahaghei fara te mei fanomho ka nogna gaoghatho te keli teke nhaꞌa lao God ka nagnafagna mana na.

Ululahu Kronikols 15:17

Nanghadi mare re igre: Mae Heman, thugna mae Joel, eghuteuna mae Asaf, thugna mae Berekaea, eghuteuna mae Etan, thugna mae Kusaea ka vikegna mae Merari, thilo mae igre mala lalahu ka babuban. Mare vahidi mae Sekaraea, mae Jasiel, mae Semiramot, mae Jehiel, mae Uni, mae Eliab, mae Masea, mae Benaea mala lalahu ka khodili leghuni naoglagna glepo te kiloni mare Alamot. Te mala lalahu ka gita biꞌo igre te mala leghuni naoglagna glepo te kiloni mare Seminit igne, mare ne vahidi mae Matitaea, mae Elifelehu, mae Miknea nei mae Asasaea, eghuteuna mae Obed-Idom ghe mae Jel phia mae mala reireghigna Sugablahi na.

Ululahu Kings 10:6

Aonu kuin ne cheke eghu ka King Solomon, “Thoutonu te nomhidi iara ka nogu kantri na eidi nou gloku nei nou glalase teu iagho igre thofno tutuani fara.

Ululahu Kings 10:1

Kate nomhini Kuin gna Seba thoutonu eigna Lord te tusu lao nafnakno biꞌo ka King Solomon igne, naꞌa mei ne filoni mana Jerusalem. Naꞌa magnahaghei te fariuriuni nogna glalase king na ne edi kmana faghusna te ninhigrana fara.

Ululahu Kings 5:7

Kate nomhini King Hiram nogna cheke King Solomon igne, mana ne keli tagna fara. Aonu mana ne cheke eghu, “Gognarona iara cheke fakelini Lord! Naugna Mana ne tusu ranghini mae Devet kaisei thugna te au tagna gaoghatho te keli mala ke tughuni mana nei funei fruni ka kantri te rheta igne.”