Mae Solomon ne hata kaisei thogha fati gobi chariot nei nabotho phei thogha hose mala magra. Eghuteuna mana ne lilisei kehare Jerusalem, eghuteuna kehare ka namono te ulu ke lamna Israel.
Eghuteuna mana au fati thogha vido mala lilisei hose nei chariot, nei nabotho phei thogha mae mala saghe ka hose. Mana tathaji kehare Jerusalem, eghuteuna keha ka namono jare Israel.
Mae Devet ne hata ka mare varadaki thogha soldia nei kaisei thogha fitu gobi soldia te saghe ka hose. Eghuteuna mana jaola ne hata kaisei gobi hose mala tungnu chariot. Nu keha hosere mare rarhave kolho ghahedire mala theome tangomana reꞌe te nonolo na.
Eghuteuna king igne theome mala au kmana hose ka nogna armi na, ba kurudi keha mae mala ke pulo Ijep mala foli hose. Naugna Lord neke chekehi mala thosei ke pulo ghotilo Ijep.
Hatimare nabotho phei nogna mae gavana mana igre hata mei gano ka king kaisei nhigra ke lamnagna kaisei finogha. Mae gavana igre hata mei gano ka mana nei ka iheire te au ka sugagna king mala theome kmoꞌe ka unha te magnahagheni mare na.
Eghuteuna mare jaola horo keha namono biꞌo mala lilisei gano, chariot mala magra nei hose. Eghuteuna mare jaola ne horo keha glepo te magnahaghei edi mana Jerusalem nei Lebanon, nei ka keha vido aheva te funei frunidi mana re.