Ululahu Kings 4:21 - Buka Blahi Ka Cheke Holo

²¹ King Solomon ne funei frunidi kantri te ikodi te gnafa funu ka Khoꞌu biꞌo Iufretis ke raru na tei posa Filistia ke mosu na, eghuteuna tei posa ka nohi Ijep ke mata. Eghuteuna kantri igre foli takis ka mana, nei au ke parigna nogna nolaghi mana kate karha teu mana na.

Ululahu Kings 4:21 ပူးပေါင်းရင်းမြစ်များ

Jenesis 15:18

Ka narane igne Lord ne nhaꞌa cheke ka mae Ebram. Lord ne cheke eghu ka mana, “Iara ginauna na tusu ari ka vikemu iagho re namono igne. Funu ka khoꞌu biꞌo Ijep tei posa ka Khoꞌu biꞌo Iufretis.

Josua 1:4

Namono igne, funu ke mata namono nagou tei posa ke raru Thogele Lebanon. Aonu ke maghati na funu ka Khoꞌu biꞌo Iufretis tei posa ka nodi vido mae Hit. Eghuteuna funu jare tei posa ke mosu Thongna Mediterenian.

Nodi Khoje Hatimare Mae Jiu 68:29

Nolaghi igne jifla mei ka iagho ka sugamu Jerusalem, ka vido aheva hatimare mae king te hata mei namha ka iagho.

Ululahu Kings 4:24

Mana funei frunidi kantri ke mosu Khoꞌu biꞌo Iufretis, fufunu ka nohi Tifsa tei posa ka nohi Gasa. Eghuteuna mana loku fodu kantri te au faligoho igre mala au ka pharikeli.

Eksodas 23:31

“Iara ginau na tusu ari ka ghotilo vido te funu ka grathagna ke mata ka Thonga Ukru igne tei posa ka Thonga biꞌo ke mosu Mediterenian. Eghuteuna funu ka Khoꞌu biꞌo Iufretis ke raru na tei posa ka namono nagou ke maghati. Eghuteuna iara ginau na tusu ari nolaghi ka ghotilo mala funei frunidi ghotilo naikno te au ka vido glose igne, eghuteuna kate tei ghotilo te ruma ka kantri igne na, ghotilo ginau na brue fajifladi naikno teke kulu au teku jare ra.

Nodi Khoje Hatimare Mae Jiu 76:11

Tahati te gnafa na mala kafe mhaghuni hui noda Lord God. Ghotilo hui ka kantri te gnafa te au rhegna Israel mala tusu ranghini mana unha teke nhaꞌa chekedi ghotilo ka mana ra. Eghuteuna atha mei nomi namhare ka mana.

Esra 4:20

Tifa na keha mae king te au nodi nolaghi biꞌo igre, mare neke funei fruni ni provins thongana tei posa ke mosu Khoꞌu biꞌo Iufretis. Eghuteuna leuleghu fata na mare hata thua nafnata takis ka naiknogna provins tuana.

Fapea Kronikols 32:23

Leuleghu fata na, kmana naikno mei Jerusalem, hata mei gano mala tusu ranghini Lord, nei tusu lao namha ka King Hesekaea. Eghuteuna funu ka narane tuana, naikno ka namono te gnafa igre ne ghatho tahuni King Hesekaea.

Fapea Kronikols 17:5

Eghume Lord ne toghoni mana mala kaisei king rheta te funei frunini nogna kantri na. Eghuteuna naiknodi Juda igre mei ne tusu ranghini mana nodi namha re. Aonu mana gognarona kaisei mae dedei fara nei fnakno eghu ka tathadi naikno te gnafa ka kantri Juda.

Diutronomi 11:24

Aheva te tei tapla ghotilo tagna na, glose tuana nomi ghotilo. Nomi nohi ghotilo na ginauna funu ke mata namono nagou tei posa ke raru Thogele Lebanon, eghuteuna funu ke maghati Khoꞌu biꞌo Iufretis tei posa ke mosu Thongna Mediterenian.

Fapea Kings 17:3

Ka narane tuare, King Salmanesa gna Asiria neke mei magra ka mana. Mae Hosea lisa laoni thegna ka khamegna King Salmanesa, eghuteuna mae Hosea ne foli takis biꞌo ka mana.

Ululahu Samuel 10:27

Nu keha mae te diꞌa ne cheke eghu, “Tore! Na tangomanani ngau si mae igne nate fakarhi ghita tahati naia?” Eghuteuna mare ne tirodi tusu lao namha ka mana, naugna mare ne theome magnahagheni mana. Nu King Sol ne au kmu kolho.

Fapea Samuel 8:2

Mana jaola ne tei goigonidi mae Moab, eghuteuna mana ne fathuru sorudi pari ka glose na ne fananaba gnarho mala laseni mae ihei nate lehe ka mare na. Ihei te mei naba kaisei nei phei teuna mala lehe. Nu ihei te mei fatilo na, mae tuana te mala karha. Aonu naiknodi Moab igre ne au ke parigna mana ne foli takis ka mana.

Fapea Samuel 8:6

Aonu mae Devet ne lilisei kmana soldia Damaskas. Eghuteuna naiknodi Aram igre ne au ke parigna mana, aonu mare ne foli takis ka mana. Ka vido aheva te tei magra mae Devet na, Lord na toghoni mana te mala uluni mana magra na.

Ululahu Kings 3:13

Eghuteuna iara ginauna jaola tusu ari ka iagho keha nafnata glepo teke theome toredi iagho re: Iagho ginauna dedei fara, eghuteuna naiknore ginauna ghatho tahu nigho fara ke tulaodi puhi teke ghatho tahudi mare keha mae king ra.

Ululahu Kings 4:22

King Solomon nei mae iheire te loku ka mana re ghamu jateula igne eghu leuleghu narane na: Phei gobi varadaki baeg famane flaoa te biꞌo, fati gobi phiatutu baeg flaoa biꞌo langau,

Ululahu Kings 12:4

“Filo sagho. Kmamu iagho King Solomon ia neke huhuru ghami ghehati mala loku heta fara. Jame te roi fablagna ari iagho katha vido ikoi ka gobigna lepo te tahu ghami ghehati igre na, ghehati ginauna au ke parigna nou nolaghi iagho.”

Lamentations 1:1

Namono Jerusalem, tifa na neke fodu ka naikno. Gognarona krogha. Tifa, naiknogna nauthoglu igne neke ghatho tahuni namono Jerusalem. Gognarona jateula gaꞌase teke lehehi khetogna ra eghu, te au thegna kolho. Namono igne tifa na jateula Kuin te funei frunidi keha namono ra neku. Gognarona jateula kaisei naikno sneka eghu kolho.

Profet Esikiel 16:13

“ ‘Eghume, iagho au nou glepo te keli teke horo mare ka gol nei silva mala famane fara iagho filomu na. Eghuteuna leuleghu fata na iagho na pipichi ka pohe teke horo mare ka famane pohe vegha te thofno keli fara filogna na. Iagho au gheu faghano gano te keli jateula bret teke hohoro mare ka famane flaoa, nei jurukuli, nei oliv oel. Iagho thofno famane fara filomu na eghuteuna iagho nabamu fara te mala kaisei Kuin.

Eklesiasti 2:25

Jame te theome tusu mei God glepo igre ka tahati na, tahati ginauna theo gheda gano, eghuteuna tahati ginauna na theome glealeꞌa.