Ululahu Kings 4:20 - Buka Blahi Ka Cheke Holo

²⁰ Ka narane te funei King Solomon igre naiknodi Israel nei naiknodi Juda teu igre vuragha kmana fara jateula nusu ka geri thongna ra eghu theome tangomana te kahadire. Leuleghu narane na mare ghamu nei koꞌu eghu balu glealeꞌa.

Ululahu Kings 4:20 ပူးပေါင်းရင်းမြစ်များ

Ululahu Kings 3:8

Iara au farihoteidi naikno teke vahidi iagho mala nou naikno teku iagho gre, eghuteuna mare thono kmana fara, eghuteuna theome tangomana kaisei naikno te kahadi igre.

Jenesis 22:17

Tutuani fara, iara ginauna na fablahi nigho iagho nei tusu ranghi nigho kmana vikemu eghu. Mare ginauna kmana fara jateula nathunu ka maloa na are eghu ba na jateula nusu ka glilihi na are eghu. Eghuteuna vikemu iagho gre ginauna tapla faparidi nodi naoka re nei hata nodi namono re eghu.

Jenesis 32:12

Tifa na iagho neke nhaꞌa cheke ka iara mala fablahi ghau iara nei mala tusu ranghi ghau iara kmana vike mala kmana fara jateula nusu te theome tangomana te kahadi ka glilihi na are eghu mare neku.”

Mae Khuru 2:46

Leghu narane na mare salo fodu kau nogna Sugablahi God na mala tarai fodu nei jaola ima fodu ka sugadire balu gleale'a ka nagnafa te keli,

Profet Sekaraea 9:15

Lord mae ihei te au nolaghi fateote'o igne, mana ginauna reireghi nogna naiknore jateula kaisei greoreo eghu. Nogu naikno iara re ginauna falehedi nei uludi eghu nodi naoka te piri kuava ka mare re. Kate uluni magra na, mare ginauna eha fabiꞌo jateula mae te koꞌu waen te thaviru ra eghu kate ghamu nei koꞌu teu mare na. Mare ginauna boho fara, jateula dis te fodu ka dadara mala fafara te mala tofa ka olta ra neu.

Profet Sekaraea 3:10

“ ‘Kate thoke mei narane tuana, ghotilo te gnafa na ginauna tangomana te eha meidi kherami re mala mei gnokro balumi paridi nomi gaju fig nei gaju grep ghotilo te kafe kelitamidi, te au fakeli.’ ”

Profet Maeka 4:4

Naikno te gnafa igre ginauna au fakeli, nei au muana fabrahu. Mare ginauna tangomana te au fakeli ka nodi nagare grep, eghuteuna mare tangomana te gnokro ke paridi nodi gaju fig. Eghuteuna na theo kaisei naikno nate famamhagudi. Igne nogna cheke Lord mae ihei te au nolaghi fateote'o.

Profet Isaia 22:13

Nu ghotilo maꞌe nei ei gaghamu eghu kolho! Uve, ghotilo theome gnafa te falehe buluka nei sipu teu te mala ima ghemi nei koꞌu ghemi teuna. Eghuteuna ghotilo cheke eghu koba, “Te keli na tahati ima gheda nei koꞌu gheda eghu, naugna nathuꞌu na tahati ginauna kafe lehe.”

Eklesiasti 2:24

Eghume, glepo ulu te mala eni tahati na igne kolho, tahati mala ima nei koꞌu nei glealeꞌa eghu kolho ka unha te au ka thedare. Te laseni iara na, glepo igre mei ka khamegna God.

Proveb 14:28

Mae te baubatu ka naikno te kmana na, mana fnakno nanghagna na. Mae te baubatu ka phei ba thilo naikno kolho na, igne theo nafugna kolho.

Thoutonu Eigna Mae Job 1:18

Eghuteuna kate cheke teu mae igne na, keha mae gloku ne mei cheke eghu, “Funei! Kate ei gaghamu teu thumu iagho ra ka sugagna thumu iagho teke kulu karha ia,

Ululahu Kronikols 12:39

Mae soldia igre ne au thilo narane Hebron balugna mae Devet. Kheradi mae igre ne tarabana kmana gano nei khoꞌu eghu, eghuteuna mare ne ei gaghamu biꞌo nabagna thilo narane.

Ululahu Samuel 30:16

Aonu mana athani mae Devet ne tei ka vido aheva te au teu mare na. Ka narane igne, maedi Amalek igre au tafri neu ka vido te snagla na, ima ghedi nei koꞌu ghedi eghu neu jare. Mare ne eꞌei gaghamu biꞌo, naugna mare ne atha kmana glepo funu Filistia nei ka nohi Juda.

Jenesis 15:5

Aonu Lord ne hata fajiflani mae Ebram kosi ne cheke eghu ka mana, “Filo haghe sagho ka maloa na. Jare na kmana nathunu fara te theome naba kaisei naikno te kahadire, eghume vikemu iagho re ginauna na jateula nathunu tuare eghu kmana fara.”

Jenesis 13:16

Iara ginauna na eni thumu iagho gre mala vuragha e thovu fara jateula nusu eghu. Jame la kahadi ngau mare u nusu igre ame tangomana nga mare te kahadi thumu iagho gre eghu!

Ululahu Kings 4:29

King Solomon au tagna gaoghatho te keli teke tusu ranghini God. Gaoghatho te keli nei glalase teu igre thono biꞌo fara, jateula nusu ka geri thongna ra eghu theome tangomana te kahadire.

Fapea Kings 18:31

“Thosei fanomho ka mae Hesekaea. King gna Asiria igne cheke ghami ghotilo mala jifla mei ka namono na mala lisei soru ghami themi ka khamemi ghehati. Jame te leghuni ghotilo cheke igne na, ghehati ginauna snakre ghami ghotilo mala kafe ghamu grep ka nomi nagare are nei fig teke joꞌu ghotilo are eghu. Eghuteuna ghotilo ginauna tangomana te koꞌu ka nomi seu are teuna.

Ululahu Kronikols 22:9

Nu iagho ginauna na au kaisei thumu nalhaꞌu, eghuteuna kate kegra king mana na, naiknore ginauna au ka pharikeli, eghuteuna iara ginauna na theome snakredi keha kantri are te naoka ka mana na. Eghuteuna mae sua nalhaꞌu igne iagho ginauna kiloni nanghagna Solomon, gaoghathogna Solomon teu igne, “Pharikeli” eghu. Naugna iara ginauna tusu lao nakarha te keli nei pharikeli eghu ka naiknodi Israel ka narane te kegra king mana na.

Ululahu Kings 5:9

Nogu mae gloku iara igre ginauna pala thaba funu Lebanon soru tongna. Aonu mare ginauna haru fodu, eghuteuna mare ginauna fatathao ka thongna, ari longa ka vido aheva te magnahagheni iagho na. Ka vido tuana nogu mae gloku iara gre nate ari rurutha thabare, eghuteuna nou mae gloku iagho re tangomana te pala te tei re. Te mala folidi mare na, iara magnahaghei nigho iagho te famei gano ka iara baludi mae iheire te au ka sugagu iara igre.”