Ululahu Kings 4:1 - Buka Blahi Ka Cheke Holo

¹ Aonu, Solomon ne king fruni Israel.

Ululahu Kings 4:1 ပူးပေါင်းရင်းမြစ်များ

Eklesiasti 1:12

Iara kaisei mae glalase, eghuteuna iara king gna Israel, iara au ka namono biꞌo Jerusalem.

Fapea Kronikols 9:30

Solomon neke king Jerusalem, funei frunidi vike te gnafa Israel phiatutu finogha.

Ululahu Kronikols 12:38

Mae soldia igre kelitadi kolho te loku fodu ka nogna armi mae Devet. Mare ne kafe mei ka namono Hebron, eghuteuna mare ne kaisei gaoghatho ngala ka mae Devet te mala king gna Israel. Tutuani, naiknodi Israel te gnafa igre jaola ne au nafnata gaoghatho igne.

Ululahu Kings 11:13

Nu iara ginauna na theome hata fadelei vike te gnafa Israel igre ka mana, nu iara ginauna na snakreni mana funei frunini kaisei vike mala au ka khamegna mana. Naugna iara neke ghatho tahuni mae kmamu iagho nogu mae gloku iara King Devet ia, eghuteuna iara jaola ghatho tahuni namono biꞌo Jerusalem teke vavahi iara ia.”

Fapea Samuel 5:5

Ulu lahu na mana neke au Hebron neke king frunini Juda fitu finogha namno nhigra. Eghuteuna ke leghu na, mana king frunidi gnafa Israel ghe Juda jare Jerusalem tolufulu thilo finogha.

Ululahu Kings 3:28

Kate nomhini naikno gna Israel eigna puhi te famane fadoglini King Solomon puhi biꞌo farihoteidi phei gaꞌase vine igre, mare ne thofno ghatho tahuni mana. Naugna mare laseni God neke tusu lao ka King Solomon famane gaoghatho te keli mala fate fadoglidi mana naiknore.

Ululahu Kings 4:2

Igre nanghadi nogna mae biꞌo mana re: Pris Asaraea thugna mae pris Sadok.

Ululahu Kings 12:6

Eghuteuna King Rehoboam ne kilodi goro mae biꞌo teke loku ranghini King Solomon kmagna mana tifa ra. Mana ne cheke eghu ka mare, “Unha gne nate cheke tughudi iara ka naikno igre na?”

Fapea Samuel 8:15

Mae Devet ne funei frunidi vido te gnafa Israel, ne edi unha te keli nei doglo eghu ranghidi nogna naiknore.

Fapea Samuel 20:23

Ka narane tuana, mae Joab komanda ka armi gna Israel. Mae Benaea thugna mae Jehoeada, komanda ka soldia te mala reireghini king. Mae igne maegna Keret nei Pelet.

Fapea Kronikols 1:13

Aonu mae Solomon jifla ka vido blahi na Gibeon aheva te au Suga Tapuale te Blahi na neke pulo Jerusalem. Funu ka narane igne mana ne funei frunidi naiknodi Israel.

Nehemaea 13:26

Eghuteuna iara neke cheke eghu ka mare, “Naugna tifa na nafnata gaꞌasedi delei igre teke batuni Solomon king gna Israel gne ka nakhibo. Mana kaisei mae king te biꞌo lahu ka mae king te gnafa ka keha kantri are, eghuteuna God na namhani fara mana. Eghuteuna God neke vahini mana mala king frunidi vike te gnafa Israel. Nu neuba, mana khoko ka puhi te diꞌa ka gaꞌase bongihehe te tolaghi mana tadire.