Ululahu Kings 3:6 - Buka Blahi Ka Cheke Holo

⁶ Aonu mae Solomon ne cheke eghu, “Kmagu iara na neke thofno leghu nigho iagho tutuani neke eni unha te doglo na. Eghume, leuleghu fata na iagho thofno magnahagheni fara mana. Eghuteuna gognarona, iagho jaola vahi ghau iara mae thugna mana na mala tughuni mana te mala king na.

Ululahu Kings 3:6 ပူးပေါင်းရင်းမြစ်များ

Ululahu Kings 9:4

“Iagho mala leghuni kolho puhigu iara te doglo gne, jateula kmamu King Devet tifa ia eghu. Iagho mala leghudi nogu vetula iara gre, eghuteuna edi gobigna lepo teke chekedi iara ka iagho ra.

Ululahu Kings 1:48

Eghuteuna mana ne cheke eghu, ‘Lord, nodi God mae Israel, iara cheke fakeli nigho, naugna gognarogne, iagho snakre ghau iara te filoni kaisei mae thugu iara te kegra tughu ghau ka sapegna king.’ ”

Fapea Korin 9:11

God ginauna togho ghami mala dedei ghotilo ka glepo te kmana, naba ghotilo tangomana te tufa fabrahu kmana glepo na. Eghuteuna kmana naikno ginauna cheke fakelini ka God eigna sileni teke salo ghotilo te hata te tei ghehati ka mare igne.

Ululahu Kings 2:4

Jame te leghuni iagho Lord na, mana ginauna eni unha teke nhaꞌa chekeni ka iara tifa ia. Mana neke cheke eghu ka iara, ‘Jame thofno leghu ghau iara fabrahu iheire te karha mei ka vikemu iagho igre ka nakarhadi nei gaoghathodi teure meuna, leuleghu fata na kaisei ka mare ginauna mala king gna Israel.’

Fapea Korin 9:5

Eghume te ghathoni iara na, iara na toredi thilo mae thabusigna igre mala kulu ari ka ghotilo ame ari nga ghehati eghu, mala tarabana unha teke nhaꞌa chekehi ghotilo ra. Ghehati laseni te tufa ghotilo ra naugna ghotilo thofno magnahaghei te tufa ka namha, theome naugna te huhuruni ghehati ka ghotilo.

Nodi Khoje Hatimare Mae Jiu 119:17

God, iara magnahaghei nigho iagho te reireghi fakeli ghau iara nou mae gloku gne mala karha fakeli iara te mala leghudi nou cheke iagho re.

Nodi Khoje Hatimare Mae Jiu 116:7

Eghuteuna iara gognaro na kela keli tagu fara, naugna Lord na thofno keli fara ranghi ghau iara.

Nodi Khoje Hatimare Mae Jiu 15:2

Uve, jame ihei ngala te leghudi nei edi teu koba teu gobigna lepo te keli fara ka tathamu iagho na. Nogna chekere mala tutuani nei keli eghu koba,

Fapea Kings 20:3

“Lord, ghatho mei ghau. Iara loku ranghi nigho iagho ka nogu nolaghi fateote'o nei ka gaoghathogu fateote'o, eghuteuna iara fariuriu mala edi gobigna lepo te magnahaghedi iagho re.” Eghuteuna mana ne funu tanhi fabiꞌo.

Fapea Samuel 7:5

“Iagho tei cheke eghu ka mae Devet, nogu mae gloku iara ia, ‘Theome iagho mae ihei te mala horo nogu suga iara na.

Naba 12:7

Nu iara theome eghu ka mae Moses mae ihei te kaisei nogu mae gloku iara na. Mana kolho mae lidadi nogu naikno iara re.

Nodi Khoje Hatimare Mae Jiu 13:6

Uve, iara ginauna na koje mala kilo fnakno nigho God. Naugna iagho ne keli fara ranghi ghau iara.

Ululahu Kings 15:5

Naugna King Devet neke eni unha te doglo ka tathagna Lord na, eghuteuna mana theome huhughuni kaisei nogna cheke mana ka nakarhagna na. Kaisei glepo te diꞌa kolho teke eni mana ka mae Uraea, vikegna mae Het.

Ululahu Kings 3:14

Eghuteuna jame iagho te leghu ghau iara na, eghuteuna leghudi nogu vetula nei nogu cheke teu iara igre jateula mae kmamu Devet teuna, iara ginauna jaola tusu ranghi nigho nakarha te brahu.”

Fapea Kronikols 1:8

Mae Solomon ne cheke eghu, “Lord God, iagho neke magnahagheni fara mae kmagu iara Devet. Eghuteuna gognarona iagho vahi ghau iara mala ke tughuni mana mala kegra king. Lord God, fathokeni sagho nou Nhaꞌa Cheke teke eni iagho tifa balugna mae kmagu iara ia. Iagho la vahi ghauhi iara, eghuteuna iara gognarona funei frunidi naikno te kmana te theome tangomana kaisei naikno te kaha tokedi re.

Jenesis 24:40

“Nu mana neke cheke eghu, ‘Iara kaisei mae mala leghuni chekegna Lord na. Eghuteuna mana ginauna na kuruni nogna engel na balumu iagho mala togho nigho iagho mala hata mei iagho kaisei gaꞌase malagna mae thugu iara na ka vikegna mae kmagu iara te au jare ra.

Fapea Samuel 22:21

“Lord na togho ghau iara fabrahu, naugna iara ne leghuni puhi te doglo na. Mana fablahi ghau iara koba, naugna iara ne theome eni kaisei glepo te diꞌa.

Fapea Samuel 22:25

Lord tusu mei glepo keli ka iara, naugna iara ne leghuni puhi te doglo na. Eghuteuna iara theome magnahaghei te eni kaisei nakhibo.