Ululahu Kings 3:28 - Buka Blahi Ka Cheke Holo

²⁸ Kate nomhini naikno gna Israel eigna puhi te famane fadoglini King Solomon puhi biꞌo farihoteidi phei gaꞌase vine igre, mare ne thofno ghatho tahuni mana. Naugna mare laseni God neke tusu lao ka King Solomon famane gaoghatho te keli mala fate fadoglidi mana naiknore.

Ululahu Kings 3:28 ပူးပေါင်းရင်းမြစ်များ

Kolose 2:3

Eghuteuna mae Kraes ne tothora ranghidi naikno te gnafare nogna gaoghatho te keli nei glalase eghu God teke au poru funu tifa.

Profet Daniel 2:47

Mana ne cheke eghu ka mae Daniel, “Tutuani fara, nou God iagho igne haghe fara salaꞌudi keha god te gnafa te tufru sorudi ghehati igre. Mana nodi Lord hatimare mae king te gnafa igre. Eigna Mana tangomana te fakakhana gaoghathodi gobigna lepo te poru ka iara igre. Gognarona iara laseni igne, naugna iagho la rurutha la thofno glola fakeli ka iara.”

Ululahu Korin 1:24

Nu tahati naikno teke kilo ghita God ra, neubane mae Jiu ba theome Jiu, tahati laseni u thoutonu eigna Kraes igne, falalase ranghi ghita God te nolaghi nei lalase fara.

Profet Daniel 2:21

God na funei frunidi narane, nei naprai, nei nakhete. Mana tusu lao nolaghi ka hatimare mae king, eghuteuna mana jaola hata koko nolaghi na ka mare. Mana ngala te tusu lao gaoghatho te keli nei glalase biꞌo teu ka naikno na.

Eklesiasti 7:19

Gaoghatho te keli na tangomana te toghoni kaisei mae mala uludi nodi nanheta nabotho mae funei te funei frunini kaisei namono biꞌo.

Proveb 24:21

Thuguo, ghatho tahudi Lord ghe lida. Iagho au fadelei ka naikno te theome keli ranghidi phiamare are.

Esra 7:25

“Iagho ghema Esra, loku ka famane gaoghatho te keli teke tusu ranghi nigho nou God na mala vavahi mae funei nei mae mala fate mala tangomana mare te fate ka puhi te doglo. Naikno te au ka provins ke mosu Khoꞌu biꞌo Iufretis igre mare leghudi nogna Vetula nou God iagho na. Eghuteuna jame ihei te theome lasedi Vetula igre na, te keli na, iagho mala farirhiudi.

Ululahu Korin 1:30

Nu God neke togho ghami ghotilo mala kaisei ghotilo balugna mae Jisas Kraes. Eghuteuna ka Kraes na, tahati lalase fara, eghuteuna doglo fara ka tathagna God na, nei mala nogna naikno blahi mana. Kraes na jaola neke foli fajifla ghita ka nakhibo.

Profet Daniel 5:11

Fanomho sagho! Iara laseni kaisei mae glalase au agne ka nou kantri iagho igne. Eghuteuna tharungadi god te blahi igre au ka mana. Ka narane teke kegra funei kuꞌemi King Nebukadnesa ia, mana laseni mae igne au tagna glalase te keli. Eghuteuna nogna gaoghatho nei glalase teure biꞌo fara jateula god eghu. Eghume, kuꞌemu iagho King Nebukadnesa neke vahini mana mala mae funeidi hatimare nogna mae kastom te gnafa nei keha mae glalase teu igre.

Nodi Khoje Hatimare Mae Jiu 72:2

Te keli na iagho funei fruni ghami ghehati ka puhi te doglo, nei fadoglidi puhidi iheire te au ke paridi naikno te diꞌa puhidi gre eghu.

Ululahu Samuel 12:18

Aonu mana ne tarai ka Lord, eghuteuna ka narane tuanala, Lord ne kuru mei fila balu nakhete, eghuteuna naiknore ne mhaghu nodi fara ka Lord ghe mae Samuel.

Josua 4:14

Ka narane igne, Lord ne fafnaknoni mae Josua ka gaoghathodi naikno te gnafa Israel. Mare ne ghatho tahuni fabrahu mae Josua ka nakarhagna mana na, jateula mare teke ghatho tahuni mae Moses tifa ia neu.

Eksodas 14:31

Kate filoni hatimare mae Israel gre nogna nolaghi biꞌo Lord te tapla faparidi mae Ijep gre, mae Israel gre ne pogho soru ka mana, nei ghatho tahuni Lord nei nogna mae gloku Moses.

Nodi Khoje Hatimare Mae Jiu 72:4

Te keli na jame mae king tangomana te fadoglidi puhidi iheire te kuma, nei toghodi naikno te theo kaisei nodi glepo. Eghuteuna tapla sorudi iheire te magnahaghei goigonidi keha naiknore.

Kolose 2:2

Iara eni igne mala heta ghotilo nagnafamire nei au fodu ghotilo kau namha. Ka puhi igne, ghotilo thofno lase fakelini mae ihei God teke theome falalaseni tifa, mae igne Jisas Kraes thegna.

Ululahu Kings 3:27

Aonu King Solomon ne cheke eghu ka nogna mae gloku na, “Iagho thosei faleheni sua na. Tusu lao sua na ka gaꞌase ululahu ana. Naugna naꞌa magnahagheini sua igne te karha teu, neuba iara ne tusu lao sua igne ka keha gaꞌasei. Naꞌa ngala te thofno idogna sua na.”

Ululahu Kings 4:1

Aonu, Solomon ne king fruni Israel.

Proveb 16:10

Nogna cheke mae te mala baubatu na, au tagna nolaghi. Eghume mana mala cheke fadoglo kolho.

Profet Isaia 28:6

Mana ginauna tusu lao gaoghatho te doglo ka iheire te lase fate, eghuteuna mana ginauna toghodi nogna naiknore mala kegra heta nei reireghi fakeli eghu nodi namono na ka mae naoka.

Profet Daniel 1:17

God ne tusu lao glalase te keli ka fati mae majaghani igre. Mae igre lase iu'iju nei rioriso eghu ka buka, eghuteuna nodi cheke re thofno keli fara. Aonu God jaola ne tusu lao glalase ka mae Daniel mala rurutha mifi.

Ululahu Kings 10:9

Iara cheke fakelini Lord nou God mae ihei te kelitagna ka iagho nei vahi nigho mala king gna Israel! Naugna Mana thofno ghatho tahu ghami ghotilo fabrahu naiknomi Israel, mana vahi nigho king mala tangomana iagho te leghuni fabrahu puhi te doglo na, nei fatedi naiknore ka puhi te doglo.”

Proveb 8:15

Iara toghodi hatimare mae lida mala funei fruni, nei gavman mala lilisei vetula te keli.

Proveb 25:2

Iagho ghatho tahuni God, naugna mana pophoru kmana glepo. Nu iagho ghatho tahunila mae lida na, naugna mana ne hiro dedi glepo igre.