Ululahu Kings 3:26 - Buka Blahi Ka Cheke Holo

²⁶ Nu gaꞌase te thofno idogna sua igne ne kokhoni ni fara thugna na ne cheke eghu, “King, thosei faleheni. Iagho tusu lao ka naꞌa sua na!” Nu keha gaꞌase na ne cheke eghu, “Theo kaisei ka ghepa nate hata sua igne. Lisa lao ka mare mala alha pea sua tuana!”

Ululahu Kings 3:26 ပူးပေါင်းရင်းမြစ်များ

Profet Isaia 49:15

Aonu, Lord ne cheke eghu, “Ba, gaꞌase na tangomana te ghatho ihoni thugna te chuꞌu teuna? Ba, naꞌa tangomana te tirognani thugna teke karha ka thegna na? Thono theo fara! Nu iara jateula kaisei gaꞌase te theome ghatho ihoni thugna na ia eghu theome tangomana te ghatho iho ghami ghotilo na.

Profet Jeremaea 31:20

Nu te chekeni iara ka ghotilo gognarona. Efrem gne thofno mae thugu iara, iara thofno namhani nei gleale'ani eghu mana. Kmana fata iara diꞌatagu fara ka mana eidi nakhibogna manare. Nu neuba, leuleghu fata na iara ghathoni mana, naugna iara namhani nei kokhoni noguni eghu mana.

Ululahu Jone 3:17

Jame kaisei naikno khiloau dedei eghuteuna filoni mae kheragna fofodu ka khiloau te kmoꞌei ka glepo na, eghuteuna theome kokhonini mae kheragna na teuna, nogna namha God na theo kolho ka nagnafagna naikno khiloau te dedei tuana.

Jenesis 43:30

Mae Josep ne diꞌanagnafa fara ka mae tahigna na ne namo tanhi fabiꞌo, aonu mana ghosei ne jifla kokodi mare ne tei ka nogna chogho na ne tanhi poru neu jare.

Profet Hosia 11:8

“Israel! Iara theome tangomana nate tei koko ghami ghotilo na, ba te rikha ghami na. Iara na theome roꞌe ghami ghotilo jateula teke eni iara tifa ka phei namono biꞌo Adma ghe Seboim ra. Theo. Iara thofno namha ghami ghotilo ka nagnafagu na. Iara theome magnahaghei te eni kaisei puhi te diꞌa jateula ghotilo teuna.

Filipae 2:1

Gaoghathomi ghotilo na heta fara, naugna ghotilo kaisei ngala balugna mae Kraes, nei mana namha ghami ghotilo. Eghuteuna ghotilo kaisei balugna mae Tharunga te Blahi nei ghotilo namhadi nei kokhonidi eghu naiknore.

Filipae 1:8

God na lase ghau iara te thono magnahaghei filo ghami ghotilo na. Naugna iara namha ghami ghotilo ka nogna namha mae Jisas Kraes.

Fapea Timoti 3:3

Mare ginauna theome namhani ihei. Mare ginauna tirodi hata fadelei nakhibogna ihei. Mare ginauna vuavuha cheke eidi keha naiknore. Mare ginauna magnahaghei magra koba nei eꞌei puhi eghu. Mare ginauna theome magnahaghei kaisei glepo te keli.

Letas Teke Riso Tei Mae Pol Ka Khiloau Rom 1:31

Mare theome ghaoghatho fakeli, eghuteuna mare lase chaichaghi fara, theome kokhonidi keha naiknore.

Nodi Khoje Hatimare Mae Jiu 39:3

Glamnagu na iara nanga nogu fara. Eghuteuna kate ghaoghathoni teu iara puhi igne na, gaoghathogu iara na raꞌe diꞌa ne tei jafra fara. Eghume gognaro na iara theome tangomana te au kmu na. Theo fara.

Ululahu Kings 3:25

Eghuteuna king ne cheke eghu ka nogna mae gloku na, “Iagho hata sua te karha teu ana mala alha pea. Kaisei vido malagna gaꞌase igne, eghuteuna keha vido na malagna keha gaꞌase na eghu.”

Ululahu Kings 3:27

Aonu King Solomon ne cheke eghu ka nogna mae gloku na, “Iagho thosei faleheni sua na. Tusu lao sua na ka gaꞌase ululahu ana. Naugna naꞌa magnahagheini sua igne te karha teu, neuba iara ne tusu lao sua igne ka keha gaꞌasei. Naꞌa ngala te thofno idogna sua na.”