Ululahu Kings 3:14 - Buka Blahi Ka Cheke Holo

¹⁴ Eghuteuna jame iagho te leghu ghau iara na, eghuteuna leghudi nogu vetula nei nogu cheke teu iara igre jateula mae kmamu Devet teuna, iara ginauna jaola tusu ranghi nigho nakarha te brahu.”

Ululahu Kings 3:14 ပူးပေါင်းရင်းမြစ်များ

Proveb 3:2

Jame te leghuni iagho cheke igne na, iagho ginauna au raugha ka nauthoglu igne, eghuteuna iagho ginauna au ka pharikeli.

Nodi Khoje Hatimare Mae Jiu 91:16

Iara ginauna fakarhidi nei tusu ranghidi nakarha te brahu, mala keli tadi mare.”

Profet Sekaraea 3:7

“Lord mae ihei te au nolaghi fateote'o igne ne cheke eghu, ‘Jame te leghuni iagho puhigu iara te doglo gne nei faꞌuvedi iagho nogu vetula iara gre teuna, iara ginauna snakre nigho iagho mala reireghini nogu Sugablahi iara gne baludi glalaba blahi te lithuini. Eghuteuna iara ginauna togho nigho iagho mala au nou nolaghi iagho te mei kegra ke ulugu iara, jateula iheire te kegra fabrahu ke ulugu iara igre eghu.

Ululahu Kings 15:5

Naugna King Devet neke eni unha te doglo ka tathagna Lord na, eghuteuna mana theome huhughuni kaisei nogna cheke mana ka nakarhagna na. Kaisei glepo te diꞌa kolho teke eni mana ka mae Uraea, vikegna mae Het.

Proveb 3:16

Gaoghatho te keli na ginauna tusu ranghi nigho dedei nei togho nigho mala au raugha ka nauthoglu igne. Eghuteuna naiknore ginauna ghatho tahu nigho iagho.

Fapea Kronikols 34:2

King igne mana edi glepo te doglo re ka tathagna Lord, eghuteuna mana leghudi koba nogna baubatu te keli teke edi kuꞌegna King Devet tifa ra, nei edi fabrahu kolho unha glepo te doglo.

Ululahu Kings 3:6

Aonu mae Solomon ne cheke eghu, “Kmagu iara na neke thofno leghu nigho iagho tutuani neke eni unha te doglo na. Eghume, leuleghu fata na iagho thofno magnahagheni fara mana. Eghuteuna gognarona, iagho jaola vahi ghau iara mae thugna mana na mala tughuni mana te mala king na.

Mae Khuru 13:22

Ke leghugna igne, God neke hata fadeleini mae King Sol eghuteuna ke vahini mae Devet mala ke mae king tughuni mana. Igne unha teke chekeni God eigna mana na, ‘Iara filo glanini mae Devet thugna mae Jesi. Mae igne ngala nafnata mae te magnahagheni iara na. Mana ginauna na edi gnafa unha mala edi mana teku iara re.’

Nodi Khoje Hatimare Mae Jiu 132:12

Nu mae thumu nalhaꞌu iagho re mala leghu fakelidi nogu nhaꞌa cheke iara gre baludi vetula teke farirhiudi iara ra. Eghuteuna thudi nalhaꞌu mare nate karha mei thogheirore ginauna nake gnokro ka nou sape nafnakno iagho na mala funei frunidi naiknore tifa e tifa.”

Nodi Khoje Hatimare Mae Jiu 21:4

Iagho neke tusu lao u nakarha te keli teke toreni mana na. Eghuteuna iagho neke tusu lao u nakarha te keli tuana ka mana mala au fabrahu tifa e tifa.

Ululahu Kronikols 28:9

King Devet ne cheke eghu ka Solomon, “Thuguo, ghatho tahuni Lord noda God. Iagho mala thofno leghuni mana, nei iagho mala sasaꞌa fara mala edi nogna gloku mana re. Lord na lasedi gaoghathoda tahatire, eghuteuna mana lasedi fara gobigna lepo te magnahaghedi tahati re eghu. Jame te hironi mana iagho na, iagho ginauna tangomana te filoni mana na, nu jame te figri tagruni iagho mana na, mana ginauna figri tagru nigho iagho fabrahu.

Diutronomi 5:16

Ghatho tahudi idomi kmami re, jateula teke chekeni iara Lord nomi God ia eghu. Eghume ghotilo ginauna au raugha ka nakarha te keli ka glose nate tusu ari iara Lord, nomi God.

Ululahu Timoti 4:8

Jame te keli na tahati fariuriudi thinida gre mala heta. Nu te fariuriu tahati nakarhada ka khiloau gne te mala heta na, tuana te thofno keli fara na. Naugna ginauna tangomana te togho ghita ka puhi te gnafa ka nakarhada gognaro nei ka nakarha nate mei nathuꞌu nauriha.

Fapea Kronikols 29:2

Mana edi puhi te doglo ka tathagna Lord, jateula kuꞌegna King Devet tifa ia neu.

Ululahu Kings 3:3

Neuba mae Solomon ne namhani Lord ne leghudi cheke te gnafa teke farirhiuni mae kmagna na. Nu mana jaola neke fafara nei gahu insens neku ka keha vido blahi ke kligna thogele.

Diutronomi 25:15

“Kate skel ghotilo tahudi glepo, ba ghotilo skel niha lita glepo igre, ghotilo mala famane edi fadoglo fara. Jame te eni ghotilo igne na, ghotilo ginauna tangomana te au raugha ka glose teke tusu ari Lord ka ghotilo igne.

Diutronomi 5:33

Ghotilo mala leghudi mare gnafa. Eghuteuna jame te eni ghotilo igne na, nakarhami ghotilo re ginauna keli fara, eghuteuna ghotilo ginauna tangomana te au raugha ka glose nate au ghotilo tagna na.”

Ululahu Kings 11:34

“ ‘Nu iara ginauna na theome hata fadelei nogna nolaghi mae Solomon te mala funei fruni kate karha teu mana na, naugna iara neke vahini mana mala king te mala funei fruni fabrahu ka nakarha gna na. Iara ginauna snakreni mana mala funei fruni, naugna iara ghatho tahuni King Devet, eigna iara neke vahini mana, eghuteuna mana neke leghudi nogu vetula nei nogu cheke teku iara re.

Ululahu Kronikols 28:7

Eghuteuna jame te thofno leghudi mana nogu vetula nei nogu cheke teu iara gre, jateula te edi iagho gognarogre teuna, tharaknagna mana na ginauna king fabrahu tifa tifa.’ ”

Nodi Khoje Hatimare Mae Jiu 21:5

Mana au nafnakno biꞌo naugna iagho neke toghoni mana mala tapla sorudi mana nogna naokare. Nogna naiknore neke cheke fakelini nei kilo fafnaknoni neku mana.