Ululahu Kings 3:11 - Buka Blahi Ka Cheke Holo

¹¹ Aonu God ne cheke eghu ka mana, “Iara keli tagu fara ka iagho, naugna iagho theome toreni nakarha brahu na, ba dedei na, ba te mala falehedi iara nou naokare. Nu iagho toreni kolho gaoghatho te keli na mala tangomana iagho te funei frunidi naiknore ka puhi te doglo.

Ululahu Kings 3:11 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 8:26

Jaola, Tharunga te Blahi na neke togho ghita naugna tahati theome heta kolho. Tahati theome laseni eigna tharai na, nu Tharunga te Blahi thegna te tarai heta ka God eida tahati ka natanhi te theome tangomana tahati te rurutha gaoghathogna na.

Ululahu Kings 3:9

Eghume tusu ranghi ghau gaoghatho te keli nei glalase eghu mala tangomana iara te funei frunidi nou naikno iagho igre ka puhi te doglo. Eghuteuna mala filo glanidi iara unha te doglo, nei unha te jafra. Jame te theo na, iara na theome laseni te mala funei frunidi naikno igre.”

Proveb 16:31

Khakla te nufa na jateula nogna khepi nafnakno eghu mae biꞌo na. Mana tangomana te thokeni ka nakarha te doglo.

Nodi Khoje Hatimare Mae Jiu 4:6

Lord, kmana naikno tarai eghu, “God filo mei ghami. Ghehati magnahaghei nomi kmana glepo te keli ka iagho.”

Ululahu Kings 3:10

Lord ne keli tagna fara, naugna mae Solomon ne toreni glepo igne.

Ululahu Kings 3:28

Kate nomhini naikno gna Israel eigna puhi te famane fadoglini King Solomon puhi biꞌo farihoteidi phei gaꞌase vine igre, mare ne thofno ghatho tahuni mana. Naugna mare laseni God neke tusu lao ka King Solomon famane gaoghatho te keli mala fate fadoglidi mana naiknore.

Fapea Kronikols 1:11

Lord ne cheke eghu ka mana, “Nou thore iagho igne thofno keli fara! Eigna iagho theome tore ghau iara mala kaisei mae dedei nei kaisei mae te au nogna kmana glepo eghu. Iagho jaola neke theome tore ghau iara mala hata nafnakno biꞌo, ba nakarha brahu, ba mala falehedi nou naokare. Nu iagho neke tore ghau iara mala tusu ranghi nigho gaoghatho te keli nei glalase, mala tangomana iagho te funei frunidi nogu naikno iara gre, eigna iara neke vahi nigho iagho mala nodi king naiknodi Israel.

Profet Jeremaea 45:5

Ba! Iagho tangomana te kegra heta ke uludi keha naikno igre na? Theo. Iagho thosei hironi nafnakno na. Naugna iara ginauna atha mei puhi biꞌo ke klignadi naikno te gnafa ka nauthoglu igne. Nu iara ginauna snakre nigho iagho mala rikha tei ka vido aheva nate tei iagho na.” Igne chekegna Lord.