Ululahu Kings 22:32 - Buka Blahi Ka Cheke Holo

³² Aonu kate filoni mae komanda igre te mei mae king Jehosafat te pipichi ka famane pohe na, mae te magra ka hose igre gaoghathodi na jame igne ngala mae king gna Israel na neu ne tei magra ka mana. Nu King Jehosafat ne eha fabiꞌo,

Ululahu Kings 22:32 ပူးပေါင်းရင်းမြစ်များ

Proveb 13:20

Te fofodu balugna mae te autagna gaoghatho te keli na, iagho ginauna hata gaoghatho te keli. Nu te fofodu balugna mae te fameomekro na, iagho ginauna au papara.

Nodi Khoje Hatimare Mae Jiu 91:15

Kate kilo mei mare ka iara na, iara na cheke tughu ka mare. Nei iara ginauna au baludi kate thoke mei puhi ka mare na. Uve, iara na atha fajifladi ka puhi nei tusu ranghidi nafnakno.

Nodi Khoje Hatimare Mae Jiu 50:15

Eghume jame te eha ghotilo ka iara kate au ghotilo ka hoholo na iara na togho ghami ghotilo, eghuteuna ghotilo ginauna na pala hagheni nanghagu iara na.”

Fapea Kronikols 18:31

Aonu kate filoni King Jehosafat igne, nogna komanda king gna Siria igre gaoghathodi mare na ne king gna Israel neu nodini ne tei magra ka mana. Nu King Jehosafat ne eha fabiꞌo ka Lord, eghuteuna Lord ne toghoni mana. God brue teidi mare ne tei kokoni mana.

Eksodas 14:10

Kate filoni hatimare mae Israel mae king gna Ijep na te mei balugna nogna tothoghei soldia na, naiknore ne thono mhaghu nodi fara ne toreni Lord mala toghodi mana.

Ululahu Kings 22:31

King gna Siria igne ne cheke eghu ka nogna tolufulu phei mae komanda te magra ka hose. “Ghotilo tei magra kolho ka king gna Israel!”

Ululahu Kings 22:33

eghuteuna kate nomhini mare naogla gna mana na, mae komanda igre laseni mana te theome king gna Israel na neke figri ne theome ngolhini mana.