Ululahu Kings 22:22 - Buka Blahi Ka Cheke Holo

²² “Lord ne cheke eghu ka mana, ‘Ka unha nate eni iagho na?’ Naitu igne ne cheke eghu, ‘Iara ginauna tei chekedi nogna profet mae Ehab igre mala cheke chaichaghi mare.’ “Lord ne cheke eghu, ‘Tei sagho gognarogne, mala tei mana ka magra.’ ”

Ululahu Kings 22:22 ပူးပေါင်းရင်းမြစ်များ

Jajis 9:23

God ne kuruni kaisei naitu ne faꞌeiꞌei puhi biꞌo farihoteigna Abimelek nei naiknodi Sekem, eghuteuna naiknodi Sekem ne magra ka funei igne.

Ululahu Samuel 19:9

Kaisei narane, naitu teke kuru mei Lord igne neke mei faheta ka mae Sol. Mana louloku goru na gnokro neu lamna suga. Mae Devet filoni teke pulo mei ka mana naitu igne ne atha nogna ghita na ne lalahu, jateula te edi koba thegnara neu.

Ululahu Samuel 16:14

Aonu Tharunga gna Lord na ne theome au balugna king Sol. Eghuteuna Lord ne kuru tei kaisei naitu mala mhaghu mana.

Thakle 20:10

Aonu mare ginauna koko laoni mae Satan ka kholo khaꞌaghi te ngire ka thina te ngaja fara. Satan, mae ihei te chaichaghidi naiknore, ginauna au baludi bosu ghe mae profet chaichaghi. Thilomare na au jare mala papara bongi narane tifa tifa.

Thakle 13:14

God snakreni fapea bosu na mala edi kofubobhoi igre ke ulugna bosu ulu lahu na. Eghuteuna naugna te edi mana kofubobhoi igre, mana ne chaghidi naikno te gnafa ka nauthoglu igne mala leghuni mana. Mana chekedi naiknore mala fafnaknoni bosu ulu lahu na kate eni mare kaisei mumuju jateula bosu ulu lahu. Bosu gne neke falelehe mare ka naflahi nu kela karha fapulohi teu na eghu.

Profet Esikiel 14:9

“ ‘Jame kaisei mae chaghini kaisei mae profet, eghuteuna mae profet igne tusu lao kaisei cheke tughu chaichaghi, mana ginauna jateula iara Lord te chaghini na eghu. Eghuteuna iara ginauna roꞌeni mana ka nogu naiknore.

Thoutonu Eigna Mae Job 12:16

Uve, God na nheta fara, eghuteuna mana uludi fabrahu nogna naokare. Neuba mae te chaichaghi na, ba mae ihei te fatutuani ni chaichaghi na, phiamare te gnafa na lamna ka khamegna mana.

Ululahu Kings 22:20

Eghuteuna Lord ne ghusna eghu ka mare, ‘Ihei nate tei chaghini King Ehab te mala tei te magra Ramot-Gilead te mala lehe jare na?’ “Eghuteuna engel igre ne chekedi keha soasopai gaoghatho.

Ululahu Samuel 18:10

Kaisei narane ke leghugna igne, naitu teke kuru mei God ka mae Sol igne ne mei faheta fara ne jateula mae te nolinira neu mana. Aonu mae Devet ne jateula te sughu edi thegna leghu naranera neu ne atha nogna ghita na ne lalahu ka mana. Nu mae Sol ne atha kaisei jata ne cheke eghu ka gaoghathogna na, “Iara ginauna fadi jatani mae igne mala chakhi mana ka gringni ana.” Mana phia fata fariu riu fadi faleheni mae Devet, nu jata igre ne jafra kolho ka mae Devet.

Thakle 20:7

Kate sala'u kaisei thogha finogha igre, mare ginauna nake snakre fajiflani mae Satan ka sosolo.

Thakle 17:17

Mare na eni igne, naugna God neke lilisei gaoghatho tuana ka nagnafadire, nei mala eni mare unha te magnahagheni mana na. Mare ne kaisei gaoghatho ne mala snakre lao ka bosu na nodi nolaghi te mala funei fruni na. U bosu na ginauna funei frunidi naiknore ghilei thokeni narane God nate roꞌeni namono Babilon jateula teke chekeni mana tifa ia eghu.

Ululahu Jone 4:6

Nu tahati nogna God. Ihei te laseni God na fanomho ka tahati, nu ihei te theome nogna God na theome fanomho ka tahati. Eghume, igne puhi te mala laseni tahati gaoghatho te tutuani ba chaichaghi.

Ululahu Timoti 4:1

Mae Tharunga te Blahi neke thono cheke fara eidi keha naiknore ginauna tei kokoni nodi fatutuani na ka narane te mei thogheiro re. Mare ginauna leghudi keha naitu te lase chaichaghi fara re, eghuteuna mare ginauna leghu dila nogna farirhiu mae Satan.

Jone 8:44

Ghotilo mae kmami na mae Satan. Ghotilo nogna naikno mana eghuteuna ghotilo magnahaghei edi unha glepo te magnahaghedi mana re. Mana kaisei mae falehe naikno funu tifa. Mana theome magnahaghei te leghuni u nabrou te tutuani na, naugna theo kaisei tutuani ke lamnagna mana. Mana kaisei mae chaichaghi, eghuteuna mana jateula chaichaghi te chekedi thegna tuare eghu. Eghuteuna, u chaichaghi te gnafare mei funudi ka mana.

Nodi Khoje Hatimare Mae Jiu 109:17

Mae igne neke magnahaghei te tibri falehedi keha naiknore. Eghume, jame te keli na, tibri teke edi mana tuare mala ke thokeni thegna! Mana neke theome magnahaghei te eni kaisei glepo te keli ranghidi keha naiknore. Eghume, thosei snakreni kaisei glepo te keli te mei ka mana na!

Ululahu Kings 22:21

Aonu kaisei naitu mei ne kegra ke ulugna Lord, ne cheke eghu, ‘Iara ginauna tei mala kuruni mana.’

Fapea Kings 3:13

Mae Elisa filoni mae King Joram gna Israel igne ne cheke eghu, “Naugna unha sagho te mei ka iara gnea? Tei sagho filodi nodi profet idomu ghe kmamu ra!” Nu mae king gna Israel igne ne cheke eghu, “Theo. Lord na jame lisa lao ghamihi ghetilo ka khame gna king gna Moab.”

Profet Sekaraea 13:2

“Jaola ka narane tuana, iara ginauna atha fadelei mumuju blahi te gnafa ka glose igne, mala theome tangomana naiknore teke ghathodi nanghadi re. Iara ginauna ngolhi fajifladi profet chaichaghi te kilodi thedi nogna profet God nu theome tutuani, baludi iheire te magnahaghei fara te mala tarai ka mumuju blahi igre.

Ululahu Kings 13:18

Mae profet khuekuꞌe igne ne cheke eghu, “Iara jaola kaisei mae profet jateula iagho eghu. Eghuteuna Lord neke kuruni kaisei engel neke mei cheke ka iara mala mei tali fapulo nigho iagho mala ke pulo ghamu nei koꞌu eghu ka sugagu iara na.” Nu mae khuekuꞌe igne chaghini mana kolho.

Thoutonu Eigna Mae Job 1:12

Lord ne cheke eghu ka Satan, “Uve, gobigna lepo te au ka mae Job igre, ka khamemu iagho gognarona. Eghume iagho tangomana te eni unha te magnahagheni iagho ka gobigna lepo te khotodi mana re. Nu iagho thosei eni kaisei glepo ka mana.” Aonu Satan jifla ne tei.

Profet Isaia 19:14

Lord magnahaghedi mare te cheke ka naiknore, nu nodi cheke mae igre theome doglo kolho. Naugna phaꞌudi mae igre theome doglo, eghuteuna mae igre jateula mae te koꞌu te salaꞌu te thuru ke klignadi gluꞌadi thedi ra eghu kolho.