Ululahu Kings 22:18 - Buka Blahi Ka Cheke Holo

¹⁸ Aonu King Ehab ne cheke eghu ka King Jehosafat, “Tore! Iara neke kulu chekehi ka ghotilo eigna mae igne, eigna mana theome tangomana te chekeni kaisei glepo te keli, nu chekedi kolho glepo te diꞌa re ka iara.”

Ululahu Kings 22:18 ပူးပေါင်းရင်းမြစ်များ

Ululahu Kings 22:8

Aonu King Ehab ne cheke eghu, “Uve, kaisei nogna profet Lord na au agne, nanghagna na mae Maekaea, thugna mae Imla. Tapa tangomana te ghusnani mana te mala nomhini gaoghathogna Lord na. Nu iara tiroguni mae igne eigna leuleghu fata na mana theome chekeni kaisei glepo te keli ka iara, nu nonomho diꞌa eigu iara kolho!” Mae Jehosafat ne cheke eghu ka mana, “Iagho theome tangomana te cheke jateula tuana teuna. Fanomho sagho ka unha te chekeni mana na!”

Luku 11:45

Kaisei mae ka hatimare mae velepuhigna vetula nogna mae Moses na ne nomhini mae Jisas ne cheke eghu ka mana, “Ghema, velepuhi, kate cheke eghu iagho igre, iagho jaola cheke fapari ghami ghehati mae velepuhigna vetula gre.”

Proveb 29:1

Mae ihei te patugama fabrahu neuba mare ne cheke faheta kmana fata tagna, mae tuana ginauna parani fara, eghuteuna theo kaisei glepo nate toghoni mana na.

Proveb 27:22

Neuba iagho ne parani fara naikno te fameomekro na, iagho theome tangomana te koko puhigna mae te fameomekro na.

Proveb 10:24

Unha te mhaghuni mae te diꞌa na, ginauna thokeni mana unha teke mhaghuni mana na. Nu naikno te doglo na, ginauna hata unha glepo te magnahagheni fara mana na.

Ululahu Kings 22:19

Nu profet Maekaea tudu ne cheke eghu, “Fanomho fakeli ka unha te chekeni Lord igne! Iara filoni ka kaisei mifi Lord te gnokro teu ka nogna sape nafnakno na kligna. Eghuteuna nogna engel mana re kegra fei nhetagna, eghuteuna kehare fei mairigna.