Ululahu Kings 22:16 - Buka Blahi Ka Cheke Holo

¹⁶ Nu King Ehab ne cheke faheta eghu ka mana, “Jame te cheke iagho ka nanghagna Lord na, iagho chekeni ngala unha te tutuani na! Niha fata chekeni iara glepo igne ka iagho?”

Ululahu Kings 22:16 ပူးပေါင်းရင်းမြစ်များ

Mae Khuru 19:13

Keha mae Jiu jaola ne tei tongana ka naikno te fogra re mala fariuriu brue fajifladi naiture ka nanghagna noda Lord Jisas. Mare ne cheke eghu, “Ka nanghagna mae Jisas te toutonu mae Pol igne, iara cheke faheta ranghi nigho mala jifla mei!”

Nonomho Te Keli Teke Risoi Mae Mak 5:7

Eghuteuna mae Jisas ne cheke eghu, “Iagho naitu, jifla mei ka mana!” Aonu, mana ne eha eghu fabiꞌo, “Jisas, Thugna God ka maloa kligna! Iagho ginauna na faꞌunha ghau iara sia? Ka nanghagna God iara tore mala thosei para ghau iara!”

Matiu 26:63

Nu mae Jisas ne theome cheke. Aonu mae pris biꞌo na ne cheke eghu, “Gognarona iagho nhaꞌa cheke ka ghehati. Iara magnahaghei nigho iagho ka nanghagna God te karha, cheke kate tutuani ka ghehati. Iagho ngala si mae Kraes Thugna God na ia?”

Fapea Kronikols 18:15

Nu King Ehab ne cheke faheta eghu, “Jame te cheke iagho ka iara ka nanghagna Lord na, iagho chekeni kolho unha te tutuani na! Niha fata chekeni iara glepo igne ka iagho?”

Ululahu Samuel 14:24

Aonu, soldia di Israel igre ne glaꞌe soru naugna mare ne thono rofo fara. Mare theome ghamu, naugna mae Sol neke cheke farheta eghu ka mare, “Blahi kaisei mae te ghamu na ghilei blulu naprai na. Ulu lahu na tahati mala kulu aknu falehe ghu noda naoka igre mala ke tughu fapulo puhi biꞌo teke edi mare ra. Jame ihei te huhughuni unha te blahi na, mana mala lehe!” Naugna igne, theo kaisei mae ka mare te ghamu na narane igne.

Josua 6:26

Ka narane igne, mae Josua ne cheke faheta eghu fara ka nanghagna Lord, “Jame ihei te fariu riu babana fapulo namono Jeriko igne, Lord ginauna parani mae tuana. Kate fufunu mana gloku igne na, thugna nalhaꞌu ulu lahu mana na ginauna lehe. Eghuteuna kate loku fahui mana grengathagna bara thina igne na, thugna nalhaꞌu leghu lahu mana na ginauna lehe.”

Ululahu Kings 22:15

Aonu mana mei ne kegra ke ulugna King Ehab, eghuteuna Ehab ne ghusna eghu ka mana, “Profet Maekaea. Jame tei te magra ghepa King Jehosafat ka king gna Siria jare Ramot-Gilead na, ghepa ginauna uluni magra igne, ba theo?” Eghuteuna mae Maekaea ne cheke eghu ka mana, “Iagho tei magra ka king gna Siria jare Ramot-Gilead, Lord ginauna togho nigho iagho mala ke hata fapulo iagho namono tuana.”

Ululahu Kings 22:17

Aonu mae Maekaea ne cheke eghu, “Iara ginauna chekeni ka iagho unha te filoni iara ka mifi na. Ka mifi igne iara ne filodi soldia te gnafa Israel igre ne thofa tafri ke kligna thogele jateula sipu te theo kaisei mae te mala reireghidi ra neu. Eghuteuna Lord ne cheke eghu, ‘Mae soldia igre theo kaisei nodi mae lida te keli. Nu te keli na mare tei ka namono, naugna magra na la gnafahi.’ ”

Profet Jeremaea 37:17

Keha narane ke leghudi igre, King Sedekaea ne fatei cheke ka mare mala atha fapuloni mae Jeremaea ka nogna suga na. Mana ne ghusna eghu ka mae Jeremaea, “Ba, Lord na cheke ranghi nigho iagho keha nonomho, ba theo?” Mae Jeremaea ne cheke eghu ka mana, “Uve! Lord neke cheke mei ka iara. Mare ginauna lisa lao nigho iagho ka khamedi mae Babilonia!”

Profet Jeremaea 38:14

Ke leghugna igne, King Sedekaea ne kurudi keha mae mala athani mae profet Jeremaea tei ka fatilo grengatha gna nogna Sugablahi Lord na. Kate au teu phiamare na, king ne cheke eghu ka mana, “Profet, iara magnahaghei te ghusna nigho iagho kaisei faghusna, eghuteuna iagho mala cheke tughu fadoglo mei ka iara, iagho thosei pophoru kaisei glepo ka iara.”

Naba 22:38

Nu mae Balam ne cheke eghu ka mana, “Uve, iara la meihi gognaro na. Nu iara na theome chekeni kaisei glepo mala togho nigho iagho. Nu iara na chekedi kolho unha teke cheke mei God ka iara re.”

Profet Jeremaea 23:28

Jame kaisei mae profet chaichaghi magnahaghei te toutonu eigna nogna mifi na, mana tangomana te eni igne gognarona. Nu mae ihei te nomhini thofno chekegu iara na, mana na famane cheke fadoglo jateula teke tusu lao iara ka mana na eghu. Nodi mifi mae igre nei chekegu iara na teuna theome nanaba, naugna khune wit nei ganogna teure jaola theome nanaba!