Ululahu Kings 21:5 - Buka Blahi Ka Cheke Holo

⁵ Kuin Jesebel, khetogna na filoni igne ne ghusna eghu ka mana, “Naugna unha sagho te diꞌanagnafa te theome ghamu gnea?”

Ululahu Kings 21:5 ပူးပေါင်းရင်းမြစ်များ

Nogna Buka Esta 4:5

Aonu Kuin Esta ne ehani mae Hatak. Mae Hatak gne kaisei mae neke vavahi king mala loku ranghini Esta. Esta ne kuruni mae igne ne tei ka mae Modikae mala hironi gaoghathogna unha te eni mana igne.

Nehemaea 2:2

Aonu mana ne ghusna eghu ka iara, “Nehemaea, naugna unha site theome glealeꞌa iagho gnea? Iara te filo nigho iagho na, iagho theome fogra. Eghume jame kaisei glepo te diꞌanagnafani iagho na.” Iara rhana nogu ka cheke mana igne ne mhaghu nogu,

Ululahu Kings 21:25

(Theo kaisei mae te jateula King Ehab teu te snakreni nakarhagna na te mala eni glepo te thono diꞌa fara ka tathagna Lord na. Gobigna lepo te edi mana igre thono diꞌa fara, khetogna mana Jesebel igne te batuni mana na.

Ululahu Kings 19:2

Aonu Kuin ne fatei cheke igne ka mae Elija, “Iara ginauna falehe nigho iagho jateula teke falehedi iagho nogna profet Baal ra eghu. Nathuꞌu jateula gognarogne teuna, iagho ginauna lehe. Jame te theome eni iara igne na, god tuare tangomana te falehe ghau iara na.”

Ululahu Kings 18:4

Kate aknu falehe te gnafa Kuin Jesebel nogna profet Lord igre na, mae Obadaea ne hata kaisei gobi mae profet te karha teure ne tei pophoru ke lamnadi phei gluma thina. Mana tufa mae profet igre ne glimafulu mae ka keha na, eghuteuna glimafulu mae ka keha na neu. Eghuteuna mana ne faghamudi nei fakoꞌudi neu koba mae profet igre leuleghu narane.

Ululahu Kings 16:31

Ehab loku jateula Jeroboam eghu, nu mana diꞌa fara salaꞌuni mae King Jeroboam, naugna mana tolaghi ka Jesebel thugna mae Et-Baal, king gna Saedon, eghuteuna mana ne funu tarai ka god Baal.

Fapea Samuel 13:4

Aonu mae Jonadab ne cheke eghu ka mana, “Thabusigna! Iagho thugna king. Naugna unha sagho te au diꞌanagnafa te theome gleale'a leuleghu narane gnea?” Mae Amnon ne cheke eghu ka mana, “Iara magnahagheni fara Tama greghagna mae Absalom igne.”

Jenesis 3:6

Kate filo laoni naꞌa gaju igne na, naꞌa ne keli tagna fara naugna gaju igne ne thofno keli fara fifilogna na, nei sisi gna re jaola keli fara te mala ghamu na. Aonu naꞌa ne cheke eghu ka nagnafa gna thegna na, “Uve, jame te imani iara sisi gna gaju igne na, iara gne jame kaisei naikno glalase fara.” Aonu naꞌa ne hata keha sisi ne ima. Eghuteuna naꞌa ne tusu lao keha ka mae Adam khetogna na. Mana ne jaola ne ima sisi gna gaju tuana.

Ululahu Kings 21:4

Aonu king Ehab neke pulo ka suga na, eghuteuna mana ne diꞌanagnafa gna fara ka nogna cheke mae Nebot igre. Eghuteuna mana tei ne thuru ka nogna sape na ne figri lao fei gringni na, ne tirogna ghamu.

Ululahu Kings 21:6

Eghuteuna mana ne cheke eghu ka naꞌa, “Iara neke toreni mae Nebot mala foli nogna nagare mana na neku, ba jame te magnahaghei mana na, iara tangomana te snakre lao ka mana keha nagare. Nu unha te chekeni mana ka iara na, mana theome tangomana te snakreni ka iara na.”