Ululahu Kings 21:2 - Buka Blahi Ka Cheke Holo

² Kaisei narane, King Ehab ne cheke eghu ka mae Nebot, “Famei ka iara nou nagare iagho ana mala joꞌu gano iara tagna, naugna ne namo fara ka nogu suga biꞌo iara gne. Iara ginauna nake tughu kaisei nagare teke kelignai tuanai, ba jame te magnahaghei iagho na, iara ginauna foli ka iagho.”

Ululahu Kings 21:2 ပူးပေါင်းရင်းမြစ်များ

Ululahu Samuel 8:14

Nomi famane nagare gano, nagare grep nei oliv teu ghotilo are mana ginauna snakre lao ka nogna mae biꞌore.

Ululahu Timoti 6:9

Bligi fara ranghidi iheire te magnahaghei kolho dedei na te snoꞌo ka fariuriu na. Mare tangomana te tapla jafra ka nafnata glepo te fanoinoli ba glepo te diꞌa. Glepo igre tangomana te korho fadeleidi mare ghilei diꞌa fara nakarhadire, eghuteuna God ginauna na paradi fara.

Luku 12:15

Mae Jisas tudu ne cheke eghu, “Fiofilo fakeli ghami ka kmana nafnata khiri te magnahaghedi ghotilo igre. Naugna thofno nakarhagna naikno na theome leghudi kolho glepo kmana te khotodi mana re.”

Profet Jeremaea 22:17

Nu iagho King Jehoiakim, fariu riu mala atha glepo ka puhi te theome doglo. Leuleghu fata na, iagho falehedi iheire te theome eni kaisei glepo te diꞌa, iagho fakabru naikno, nei chaghi tafridi iheire te diꞌa.”

Famane Khoje 4:15

Iagho jaola jateula kaisei glokha khoꞌu ka nagare, aheva te fodu ka khoꞌu te keli. Jateula khoꞌu te loloro soru funu ka thogele ro Lebanon.

Eklesiasti 2:5

Iara joꞌu kmana gano nei thua nafnata gaju mala ima.

Fapea Kings 9:27

King Ahasaea filoni Jehu te aknu faleheni King Joram igne ne figri nogna chariot na rikha ne tei Bet-Hagan. Nu mae Jehu ne ngolho leghuni mana ne cheke eghu ka nogna mae soldiare, “Fadi faleheni!” King Ahasaea ne leghu nabrou ne tei Gua, eghuteuna kate tei namo ka namono Ibleam igne, mare ne fadini King Ahasaea. Nu mana rikha ne tei thoke Megido ne lehe jare.

Ululahu Samuel 29:6

Aonu mae Akis ne ehani mae Devet ne cheke eghu ka mana, “Iara magnahaghei nigho iagho te mei balugu ka magra. Nu te chekeni iara ka iagho na, ka nanghagna Lord mae ihei te karha te tifa, iara theome filoni kaisei glepo te diꞌa te eni iagho funu meimu ka iara te ghilei mei posa ka narane igne. Nu hatimare mae komanda igre theome keli tadi ka iagho.

Ululahu Samuel 8:6

Mae Samuel ne theome gleꞌani nodi cheke mare igne, aonu mana ne tarai ka Lord.

Diutronomi 11:10

Glose nate tei ghotilo tagna te hata igne, theome jateula glose Ijep te jifla kokoni ghotilo ia eghu. Jare na, leuleghu narane na ghotilo gloku biꞌo fara kate pala khoꞌu te tei lilisei ka nomi nagare re.

Diutronomi 5:21

Thosei mamagnadi nogna glepo kherami fofodu na mala hata mala nomi themi. Thosei mamagnani khetogna mana na, ba nogna suga na, ba nogna nagare na, ba nogna naikno gloku na, ba nogna buluka na, ba nogna dongki na, ba unha nogna glepo mae kheramu fofodu na.”

Eksodas 20:17

“Thosei mamagnani nogna glepo ihei. Thosei mamagnadi nogna suga, khetogna, nogna naikno gloku, nogna buluka, nogna dongki ba keha glepo la ngau eghu teke nogna mana re.”

Jenesis 16:6

Nu mae Ebram ne cheke eghu ka Sarai, “Tutuani, Hega gne nou naikno gloku iagho ngala. Eghuteuna iagho tangomana te eni unha te magnahagheni iagho na.” Aonu Sarai ne theome glepo bligi ranghini Hega, eghuteuna Hega ne rikha.

Jenesis 3:6

Kate filo laoni naꞌa gaju igne na, naꞌa ne keli tagna fara naugna gaju igne ne thofno keli fara fifilogna na, nei sisi gna re jaola keli fara te mala ghamu na. Aonu naꞌa ne cheke eghu ka nagnafa gna thegna na, “Uve, jame te imani iara sisi gna gaju igne na, iara gne jame kaisei naikno glalase fara.” Aonu naꞌa ne hata keha sisi ne ima. Eghuteuna naꞌa ne tusu lao keha ka mae Adam khetogna na. Mana ne jaola ne ima sisi gna gaju tuana.

Ululahu Kings 21:3

Nu mae Nebot ne cheke eghu ka mana, “Glose tuana nodi glose vikegu iara, funu ka kuꞌemi tifa ra ghilei mei posa ka narane gognarogne. Theome doglo ka tathagna Lord na jame te snakre ari iara ka iagho na.”

Ululahu Kings 21:6

Eghuteuna mana ne cheke eghu ka naꞌa, “Iara neke toreni mae Nebot mala foli nogna nagare mana na neku, ba jame te magnahaghei mana na, iara tangomana te snakre lao ka mana keha nagare. Nu unha te chekeni mana ka iara na, mana theome tangomana te snakreni ka iara na.”