Ululahu Kings 20:34 - Buka Blahi Ka Cheke Holo

³⁴ King Ben-Hadad ne cheke eghu ka mana, “Iara nake tusu fapulo ka iagho namono biꞌo teke hata mae mama ka mae kmamu iagho tifa ra. Iagho tangomana te eꞌei bisnis Damaskas jateula teke eni mae mama Samaria tifa ia eghu.” King Ehab ne cheke eghu, “Jame te cheke tutuani iagho ka igne na, iara ginauna snakre nigho iagho mala tei ka nasnagla.” Aonu phei mae king igre ne nhaꞌa cheke pharikeli, eghuteuna mae Ehab snakreni mae Ben-Hadad ne tei ka nasnagla.

Ululahu Kings 20:34 ပူးပေါင်းရင်းမြစ်များ

Ululahu Kings 15:20

Aonu King Ben-Hadad ne kaisei gaoghatho ka nogna cheke King Asa igne ne kurudi hatimare mae komanda balugna nogna armi na ne tei magra Israel. Ka magra igne, King Ben-Hadad ne uludi thilo namono igre, Ijon, Dan nei Abel-Bet-Maka, nei vido te namo ka Kholo Galili, nei ka nohi Naftali.

Profet Isaia 26:10

Neuba iagho ne namhadi naikno te diꞌa igre, mare ginauna na theome laseni kolho puhimu iagho te doglo na. Eghuteuna neuba mare ne au farihoteidi naikno te doglo igre, mare ginauna leghudi fabrahu kolho puhi te diꞌare, eghuteuna mare theome tangomana te filo glani nigho iagho King te haghe fara na.

Ululahu Kings 20:42

Eghuteuna profet ne cheke eghu ka mana na, “Naugna iagho ne fakarhini King Ben-Hadad, mae ihei teke chekeni mala lehe teku ia iagho mala lehe tughuni mana, eghuteuna nou naikno iagho are ginauna jaola mala lehe tughudi nogna naikno mana ra.”

Profet Isaia 8:12

“Ghema Isaia, te ghathoni mare na, iagho ne fatei tei cheke poru te mala roꞌeni kantri Juda, nu iagho thosei ghathoni igne. Eghuteuna iagho thosei mhaghuni glepo te mhaghuni mare igne.

Fapea Kronikols 18:30

Aonu king gna Siria igne ne cheke faheta eghu ka mae komanda di nogna chariot mala magra re, “Ghotilo mala magra ka king gna Israel kolho, eghuteuna ghotilo thosei magra ka keha soldia di delei.”

Fapea Kronikols 16:4

King Ben-Hadad nomhini nogna cheke King Asa igne ne leghuni nogna cheke mana na. Aonu mana ne kurudi hatimare mae komanda balugna nogna armi na ne tei magra ka namono te au ke raru Israel. Eghuteuna mare ne uludi thilo namono Ijon nei Dan, nei Abel-Maem, nei namono te gnafa te mala lilisei glepo ka nohi Naftali.

Ululahu Kings 22:31

King gna Siria igne ne cheke eghu ka nogna tolufulu phei mae komanda te magra ka hose. “Ghotilo tei magra kolho ka king gna Israel!”

Ululahu Samuel 11:1

Ka narane tuana, King Nahas gna kantri Amon ne haghe balu nogna soldia ka nohi Gilead, aonu mare mei ne kegra faligohoni namono Jabes tarabana mala magra. Nu naiknogna namono igne ne cheke eghu ka King Nahas, “Ghehati magnahaghei ghita tahati te eni kaisei nhaꞌa cheke gognarogne, jame te theome mei ghotilo te magra balumi ghehati na, ghehati ginauna snakre ghami ghotilo mala funei fruni ghami ghehati.”

Ululahu Kings 20:33

Nogna mae biꞌo mae Ben-Hadad igre magnahaghei kaisei fagaglana ka mae Ehab. Aonu kate kegra haghe mae Ehab te kiloni mae Ben-Hadad gne kheragna keli teu na, mare ghosei ne cheke eghu, “Tutuani! Mae Ben-Hadad gne kheramu keli iagho.” Aonu mae king Ehab ne cheke eghu ka mare, “Ghotilo tei hata meini mana ka iara agne.” Kate mei mae Ben-Hadad na, mae Ehab ne cheke ka mana mala saghe balugna ka nogna chariot na.

Diutronomi 7:2

nu mana ginauna lisa ari naikno igre ka khamemi ghotilo, eghuteuna ghotilo ginauna uludi mare. Ka narane tuana, ghotilo mala aknu falehedi gnafa. Ghotilo mala thosei eni kaisei nhaꞌa cheke te mala au fakeli baludi mare na. Eghuteuna ghotilo mala thosei kokhonidi mare.

Ululahu Samuel 15:8

Mare aknu falehe ne hui naiknodi Amalek, nu mare ne theome faleheni mae Agag nodi king mare na. Eghuteuna mare jaola ne hata famane buluka nei sipu teu igre baludi thudi re, nei keha famane glepo la ngau eghu. Mare ne theome goigoni glepo igre. Nu mare ne goigonidi kolho glepo te theome keli filodi re.