Ululahu Kings 20:30 - Buka Blahi Ka Cheke Holo

³⁰ Eghuteuna keha soldia di Siria te karha teura ne kafe rikha ne tei ka namono Afek. Nu gringni thinagna namono na ne grofo soru ne lehe keha varadaki fitu thogha ka mare. Eghuteuna King Ben-Hadad ne jaola ne rikha ne tei lamna namono biꞌo ne tei poru ka kaisei suga.

Ululahu Kings 20:30 ပူးပေါင်းရင်းမြစ်များ

Fapea Kronikols 18:24

Nu Profet Maekaea ne cheke tughu eghu ka Sedekaea, “Iagho ginauna laseni kate thoke mei puhi biꞌo ka iagho na, eghuteuna iagho ginauna rikha tei poru ka kaisei chogho ke lamnagna kaisei suga.”

Ululahu Kings 22:25

Nu profet Maekaea ne cheke eghu, “Iagho ginauna na laseni kate thoke mei puhi biꞌo ka iagho na, eghuteuna iagho na rikha tei poru ka kaisei chogho ke lamnagna kaisei suga.”

Ululahu Kings 20:26

Ka keha finogha ke leghugna nhigra te reka fara na, King Ben-Hadad ne hata nogna armi na ne tei ka namono Afek mala magra ka armi gna Israel.

Luku 13:4

Ba, eidi nabotho nhana naikno teke lehe ka suga brahu Siloam na kate grofo ke klignadi ira ba? Ba, naikno igre jafra fara ke tulaodi keha naiknodi Jerusalem gre sia?

Profet Emos 9:3

Neuba mare ne haghe poru tafri ke kligna Thogele Kamel, iara ginauna tei hirodi mala ke hata fapulodi. Eghuteuna neuba mare ne jufu pari ne tei poru pari ka khotogna nhorora gno, iara ginauna cheke faheta ka mogo biꞌo te au ka khotogna nhorora na mala ghamudi mare.

Profet Emos 5:19

Narane igne ginauna mei jateula kaisei mae te mhaghu lion te rikha te tei thafoni bea na te lehe ra eghu. Narane igne ginauna mei jateula kaisei mae te pulo mei ka nogna suga na, eghuteuna kaisei mogo kathini kate habo lao mana ka gringnigna suga na ia eghu.

Profet Daniel 4:37

Iara mae Nebukadnesa, iara gognarona cheke fakelini God mae king gna kligna. Gobigna lepo fateote'o te edi Mana igre thofno keli fara nei doglo eghu. Eghuteuna Mana tangomana te nhaꞌa faparini ihei te magnahaghei nhaꞌa hagheni thegna kligna lahu na.”

Profet Jeremaea 48:44

Naikno te mhaghudi glepo igre te magnahaghei rikha na, ginauna tei snoꞌo ka khora. Eghuteuna naikno te magnahaghei rikhani phighoro igne, ginauna snoꞌo tagna. Uve, iara neke vahini narane igne mala mei paradi naiknodi Moab.” Igne cheke gna Lord.

Profet Isaia 24:18

Naikno te mhaghu te magnahaghei rikha na, ginauna snoꞌo ka khora. Eghuteuna naikno te magnahaghei rikhani phighoro igne na ginauna khale tagna. Eghuteuna nakhete biꞌo ginauna soru mei, eghuteuna khotogna glose igne ginauna nghali.

Nodi Khoje Hatimare Mae Jiu 18:25

God, ihei te au balumu fabrahu, iagho na au balugna mana fabrahu. Ihei te eni puhi te doglo na iagho tabani mana ka puhi te doglo.

Ululahu Kings 20:20

Mare ne aknu falehe ne hui soldia di Siria teke tarabana mala mei magra ka mare teku ra. Aonu hatimare mae soldia di Siria ra mhaghu ne rikha, nu mae soldia di Israel ra ne tei ke leghudi mare. Nu King Ben-Hadad ne tei ka nogna hose na ne rikha baludi keha nogna soldia te saghe ka hose.

Ululahu Kings 20:10

Aonu, King Ben-Hadad neke fatei cheke igre ka King Ehab, “Iara ginauna kuru ari kmana soldia mala ari roꞌeni Samaria. Eghuteuna mare ginauna na paꞌe soru nomi suga ghotilo are ghilei vuhai chara kolho. Jame te theome eni iara igne na, nogu god iara igre ginauna falehe ghau iara.”

Josua 13:4

Eghuteuna phei namono biꞌo Kenan ghe Maera te au ka nohi Saedon. Vido igne tei posa ka namono Afek nohi fofotagna nodi vido mae Amor.

Ululahu Samuel 29:1

Aonu armi gna Filistia ne loku fodu ka namono Afek, eghuteuna hatimare mae Israel ne mei lisei haghe nodi suga tapuale rhegna glokha khoꞌu Jesrel.

Ululahu Kings 20:29

Ka narane tuare, soldia di Siria nei soldia di Israel teu igre au neu ka nodi suga tapuale re. Mare au fari khasai neu fari thedi nabagna fitu narane. Ka fafitu narane na, mare ne fufunu magra na. Ka narane igne, Israel ne aknu falehe kaisei gobi thogha soldia gna Siria.

Fapea Kings 10:24

Aonu mae Jehu ghe mae Jehonadab ne tei ka nogna vido blahi Baal na ne gahu fafara ka mana. Eghuteuna mae Jehu ne vavahi nhanasalei soldia mala tarabana ke kosigna Sugablahi na. Mana ne cheke eghu ka mare, “Ghotilo thosei snakreni kaisei naikno ke lamnagna Sugablahi igne mala rikha. Jame ihei ka ghotilo te snakreni kaisei naikno te rikha na, mae tuana mala lehe tughuni naikno te rikha tuana.”

Profet Isaia 30:13

Ghotilo la tapla jafrahi ka nakhibo, eghuteuna nakhibo na jateula kaisei bara thina eghu theome tangomana te fakarhi ghami ghotilo na, nu jare na au kaisei khora biꞌo tarabanau te mala snoꞌo ghotilo tagna na.

Jajis 9:40

Mare magra ne ghilei rikha Gaal. Aonu Abimelek balugna nogna soldia re ne ngolhini Gaal ne aknu falehe kmana ka nabrou na ne ghilei tei posa ka grengathagna namono na.

Fapea Samuel 18:8

Magra igne ne tei tongana mata heva heva ke lamna kantri. Nu mae soldia te lehe ka glepo te diꞌa mata igre kmana fara salaꞌudi mae te lehe ka magra igre.

Fapea Kings 9:2

Kate posa lao iagho ka namono igne, iagho tei hironi mae Jehu thugna mae Jehosafat thugna mae Nimsi. Eghuteuna iagho kiloni mae Jehu mala jifla mei ka kheragna re, eghuteuna hatani mana tei lamna chogho.