Ululahu Kings 2:9 - Buka Blahi Ka Cheke Holo

⁹ Nu gognarona iagho parani mana. Naugna iagho kaisei mae glalase fara. Eghume iagho laseni ka unha puhi nate leghuni iagho te mala faleheni mana na.”

Ululahu Kings 2:9 ပူးပေါင်းရင်းမြစ်များ

Ululahu Kings 2:6

Eghume, iagho parani mana leghuni unha te ghathoni iagho na. Eghuteuna iagho thosei snakreni mana mala lehe ka pharikeli.

Jenesis 42:38

Nu mae Jekop ne cheke eghu, “Mae thugu iara Benjamin igne theome tangomana te tei balumi ghotilo na. Theo. Naugna mae thofno tighagna na la lehehi, kaisei mana kolho te au teu balugu iara gognaro na. Te mhaghuni iara na, glahula edi keha glepo te diꞌa fara ka mana ka nabrou te tei ghotilo Ijep ana. Meu la na, iara ginauna na lehe ka diꞌanagnafa, naugna iara la mae khueku'ehi.”

Thoutonu Eigna Mae Job 9:28

Iara thono mhaghu nogu fara ka puhi biꞌo te thoke ghau iara igne, naugna te laseni iara na iagho ginauna chekeni ne theome doglo iara teuna.

Ululahu Kings 3:28

Kate nomhini naikno gna Israel eigna puhi te famane fadoglini King Solomon puhi biꞌo farihoteidi phei gaꞌase vine igre, mare ne thofno ghatho tahuni mana. Naugna mare laseni God neke tusu lao ka King Solomon famane gaoghatho te keli mala fate fadoglidi mana naiknore.

Ululahu Kings 3:12

Eghume, iara ginauna eni unha te toreni iagho na. Iara ginauna tusu ranghi nigho kmana gaoghatho te keli nei glalase eghu uludi iheire teke kulu karha ka iagho nei iheire nate karha mei ke leghumu iagho.

Naba 32:23

“Nu jame te theome edi ghotilo na, ghotilo jateula te eni puhi te diꞌa ranghini Lord eghu. Eghuteuna ghotilo jaola thofno laseni eigna Lord te ginau para ghami ka puhi te diꞌa te edi ghotilo re.

Eksodas 22:28

“Ghotilo thosei cheke fadiꞌa ghau iara Lord, ba cheke fadiꞌani kaisei mae funei te mala reireghidi naikno gre.

Eksodas 20:7

“Thosei cheke faparini nanghagu iara na. Iara nomi Lord nei God eghu ghotilo. Tutuani, iara ginau na paradi naikno te cheke faparini nanghagu iara na.

Fapea Samuel 16:5

Kate mei namo mae King Devet baludi naiknore ka namono Bahurim, kaisei mae ka vikegna mae Sol jifla mei balu diꞌatagna ne cheke fadiꞌani mae Devet. Mae igne nanghagna na, Simei, thugna mae Gera.

Eksodas 22:27

Naugna kaisei phoko tuana ngala te mala totoku te mala brana mana thinigna na bongi ro. Jame te theome ke tusu fapulo ghotilo nogna phoko mana na, unha gne na teke totoku te mala thuru mana na? Thono theo fara. Jame te tore mana ka iara mala toghoni teuna, iara ginau na nomhini nogna thore mana na, naugna iara tangomana te kokhonidi naikno te kuma re.

Fapea Samuel 3:39

Tutuani, God neke vahi ghau iara mala king. Nu gognarona iara theo kaisei nogu nolaghi te mala ke tughu fapulo puhi te diꞌa teke eni phei thugna Seruia igre. Phiamae igre thono nheta fara. Eghume Lord gnala te laseni unha nate eni ka phia mae igre, eigna puhi te diꞌa te eni phiamare igne.”