Ululahu Kings 2:7 - Buka Blahi Ka Cheke Holo

⁷ “Nu iagho mala keli ranghidi thugna mae Basilae, maegna Gilead ra. Iagho hata meidi mala ima fabrahu ka sugamu na. Naugna tifa na, kani teke rikhani iara mae thabusimu Absalom na, mare neke thofno keli fara ranghi ghau iara.

Ululahu Kings 2:7 ပူးပေါင်းရင်းမြစ်များ

Fapea Samuel 9:7

Aonu mae Devet ne cheke eghu ka mana, “Iagho thosei mhaghu. Iara magnahaghei te togho nigho iagho, naugna mae kmamu iagho mae Jonatan ia neke mae kheragu keli iara. Nogna vido glose te gnafa mae kuꞌemu iagho mae king Sol ra, iara ginauna nake tusu fapulo ka iagho, eghuteuna iara magnahaghei nigho iagho te mei ima balugu iara koba ka nogu tevo iara igne.”

Fapea Samuel 9:10

Eghuteuna iagho baludi thumu nei nou mae gloku teura, ghotilo mala loku nagare, nei hata mei gano ka nagare tuare eghu ranghini mana. Eghume ka puhi igne vikegna mae Sol igre ginauna au ghedi gano. Nu mae Mefiboset gne ginauna mei ima balugu iara koba.” Nu mae Siba gne au nabotho thugna nalhaꞌu, nei varadaki mae gloku.

Luku 12:37

Hatimare mae gloku re keli tadi fara kate ke pulo mei nodi mae funei na te filodi mare te kulu tarabana ofoni mana teu. Tutuani fara te chekeni iara ka ghotilo na, mana ginauna tabadi mare. Mana na pipichi nogna pohe na mala tarabana gano maladi mare, eghuteuna chekedi mare mala ima balugna.

Proveb 27:10

Iagho thosei ghatho ihodi kheramure. Kate thoke mei hoholo na, thosei tei ka vikemure. Naugna kheramu iagho te au balumu teu igre thofno uludi fara vike te au delei are.

Fapea Samuel 19:28

Tutuani, iagho nabamu te kafe aknu falehe ghami ghehati teke vikegna mae kuꞌegu iara king Sol. Nu iagho kokhoni ghau iara ne snakre ghau iara te mala mei ima koba ka sugamu iagho na. Iara theo kaisei nogu nolaghi te mala toreni kaisei glepo ka iagho na.”

Jenesis 40:14

Kate au glealeꞌa teu iagho kate loku ranghini teu mana na iagho ke ghatho mei ghau iara eghu. Iagho kokhoni ghau iara mala ke toutonu ka mae king mala ke hata fajifla ghau iara mana ka bara igne.

Esra 2:61

Eghuteuna keha pris teke figri funudi Babilonia igre neke karha mei ka tharaknadi mae Hobaea, nei mae Hakos, nei mae Basilae. (Mae Basilae gne neke tolaghi ka kaisei thugna gaꞌase kaisei maegna Gilead, nanghagna na Basilae, eghume mana hata nanghagna kmagna khetogna na.)

Profet Jeremaea 52:33

Aonu King Jehoeakin ne rusu koko nogna pohe sosolo na ne tusu lao pohe majaghani ka mana. Eghuteuna leuleghu narane funu ka narane igne te ghilei gnafa nakarhagna na, mana ghamu koba ka tevo balugna king.

Fapea Kings 25:29

Aonu King Jehoiakin ne hata koko pohe sosolo na, funu ka narane igne te ghilei hui nakarha gna na, mana ghamu koba balugna king ka nogna tevo na.

Fapea Kings 25:30

Aonu king gna Babilonia igne ne tufa sileni mala foli gano mae Jehoiakin leuleghu narane neke ghilei lehe mae Jehoiakin.