Ululahu Kings 2:37 - Buka Blahi Ka Cheke Holo

³⁷ Jame te jifla iagho ka namono biꞌo igne, te tei kasa ka glogu Kidron ana, ghehati ginauna aknu falehe nigho, naugna nou najafra themu.”

Ululahu Kings 2:37 ပူးပေါင်းရင်းမြစ်များ

Fapea Samuel 15:23

Kate jifla king Jerusalem baludi mae te leghuni mana re, naiknore ne tanhi fabiꞌo fara. Aonu king ne tei kasa ka glogu Kidron, eghuteuna naiknore leghu brou ne tei posa ka namono nagou na.

Josua 2:19

Jame ihei te jifla ka suga igne, eghuteuna lehe ka ghehati teuna, tuana nakhibogna thegna, ghehati ginauna theome au papara tagna. Nu jame kaisei ka ghehati te aknu falehe kaisei te au ke lamnagna suga igne na, ghehati ginauna au papara tagna.

Jone 18:1

Kate gnafa tharai na, mae Jisas ne jifla baludi nogna mae fanomhore. Mare ne tei kasa ka glogu te kiloi Kedron. Ka keha phile glogu tuana, jare au kaisei nagare gaju. Mae Jisas ne tei jare baludi nogna mae fanomhore.

Profet Esikiel 18:13

Mana tufa sileni koba ka keha mae na mala hata sileni biꞌo. Ba, mae igne ginauna au ka karha? Theo! Mana ginauna mala lehe! Mana edi koba glepo te diꞌa re, eghume mana ginauna mala lehe kolho. Nu najrafagna thegna igre kolho nate faleheni mana na.

Fapea Kings 23:6

Mana hata fajifla ka nogna Sugablahi Lord na mumuju gna gaꞌase Asera igne pala ne tei ka glogu Kidron ke kosi Jerusalem ne gnubra jare. Mana hata nakrofu gna na ne toatofa ke kligna bekudi naiknore.

Levitikas 20:9

“Jame kaisei naikno tibrini idogna ba kmagna na, ghotilo aknu faleheni mana, eghuteuna glehegna mana na najafra gna thegna.

Profet Jeremaea 31:40

Eghuteuna glogu ke mata na mala koko thinidi naikno te lehe nei mala koko nakrofu khaꞌaghi, eghuteuna ka nagare ke holo Glogu Kedron te tei posa ke maghati Grengatha Hos, vido igne thofno blahi fara ka iara Lord. Eghuteuna namono igne ginauna na theo ihei nate roꞌeni ba nate goigoni ni na.”

Fapea Kronikols 29:16

Mae pris re ne tei ruma ka Sugablahi igne mala gae ka tathagna Lord. Gobigna lepo te diꞌa ka tathagna God na, mare koko fadelei. Mare lilisei glepo te diꞌa igre ka glalaba na ke kosigna Sugablahi igne. Aonu mae Livaet gre hata ne tei ka Glogu Kidron ke kosi namono.

Ululahu Kings 15:13

Mana jaola ne fagnafani kavegna na ka sapegna Kuin, naugna naꞌa ne eni kaisei mumuju god gaꞌase Astarot. Eghuteuna mana ne kato soru mumuju god gaꞌase igne ne koko lao ka khaꞌaghi ka glogu Kidron.

Ululahu Kings 2:33

Mae Joab nei vikegna teu mana ra nabadi te au papara eidi dadaradi mae Abna ghe mae Amasa ra. Nu ghehati vikegna mae Devet te gnokro ka sapegna king igre, Lord ginauna togho ghami ghehati mala au fabrahu ka pharikeli.”

Ululahu Kings 2:31

King ne cheke eghu ka mana, “Eni sagho unha te chekeni mae Joab na! Faleheni nei giugiluni eghu mana. Mala nu iara nei vikegna mae kmagu teura theome naba te au papara eigna unha teke eni mana kani teke fiti aknu falehedi mae Abna mae komanda ka armi gna Israel ghe mae Amasa mae komanda ka armi gna Juda tifa ra.

Ululahu Kings 2:38

Aonu mae Simei ne cheke eghu, “King, nou cheke iagho igne thofno keli fara, iara ginauna leghuni unha te chekeni iagho igne.” Aonu mae Simei ne au raugha Jerusalem.