Ululahu Kings 2:24 - Buka Blahi Ka Cheke Holo

²⁴ Tutuani, Lord mae ihei te karha na vahi ghau iara hi te mala tughuni mae kmagu te mala king na. Eghuteuna mana nhaꞌa chekehi ka vikegu iara gne te mala king fabrahu na. Te chekeni iara ka iagho na, mae Adonaeja gne mala lehe gognaro gne.”

Ululahu Kings 2:24 ပူးပေါင်းရင်းမြစ်များ

Ululahu Kronikols 22:10

Mae igne ngala nate tangomana te horo Sugablahi igne mala mei naiknore mala kilo fnaknoni nanghagu iara na. Mana ginauna mae thugu iara, eghuteuna iara kmagna mana na. Eghuteuna iheire nate karha mei ka vikegna mana re, mare ginauna king fabrahu agne Israel.’ ”

Nodi Khoje Hatimare Mae Jiu 127:1

Jame te theome totogho Lord ka ihei te loku ka suga na, gloku te eni mana igne theo nafugna kolho. Eghuteuna jame te theome reireghi fakeli Lord balugna mae ihei te reireghi gna nogna namono na glahula mei ruma naokare ka nogna namono na teuna, reireghi te eni mana igne theo nafugna kolho.

Ululahu Kronikols 29:23

Aonu mae Solomon neke tughuni mae kmagna na ne kegra king gna Israel. Hatimare goro nogna mae biꞌo mae Devet igre nei hatimare mae soldia te ulu tulao, nei keha thugna King Devet ra teu igre ne kafe nhaꞌa cheke te mala leghuni King Solomon. Mana kaisei mae thofno king keli fara, eghuteuna naikno te gnafa Israel igre ne leghuni mana.

Ululahu Kronikols 17:23

“Lord, u nhaꞌa cheke teke eni iagho ka iara nei ka vikegu iara gre teu igne mala au fabrahu tifa tifa. Iara tore nigho iagho mala edi iagho unha teke nhaꞌa chekedi iagho ra.

Ululahu Kronikols 17:17

God, eidi gobigna lepo te chekedi iagho unha nate thoke mei nathuꞌu nauriha ka vikegu iara gne thofno keli fara salaꞌudi unha glepo teke edi iagho ka iara tifa ra. Iara khogla naikno kolho, nu iagho Lord God, iagho eni kaisei glepo te thofno keli fara ka iara.

Ululahu Kings 10:9

Iara cheke fakelini Lord nou God mae ihei te kelitagna ka iagho nei vahi nigho mala king gna Israel! Naugna Mana thofno ghatho tahu ghami ghotilo fabrahu naiknomi Israel, mana vahi nigho king mala tangomana iagho te leghuni fabrahu puhi te doglo na, nei fatedi naiknore ka puhi te doglo.”

Ululahu Kings 1:52

Aonu mae Solomon ne cheke eghu, “Uve, iara na theome eni kaisei glepo te diꞌa ka mana jame te thofno leghu ghau iara mana na. Nu jame te eni mana puhi te diꞌa na, mana ginauna lehe.”

Ululahu Kings 1:29

Aonu king ne nhaꞌa cheke eghu ka naꞌa, “Tutuani, Lord neke fakarhi ghau iara ka thua puhi biꞌo fateoteꞌo ra.

Fapea Samuel 7:27

“Lord God, iagho mae ihei te au nolaghi fateote'o ia, iagho nodi God mae Israel, iagho neke chekeni kaisei cheke ka iara nou mae gloku gne. Te chekeni iagho na, iagho ginauna vahini kolho vikegu iara igne te au nolaghi te mala king na. Eghume iara theome mhaghu te tarai ka iagho na.

Ululahu Samuel 25:28

“Iagho atha fadelei najafragu iara nou gaꞌase gloku iagho gne. Lord ginauna vahi nigho iagho mala king, leghu fata na, mana ginauna vahini koba kaisei mae ka vikemu iagho na te mala king na, naugna iagho ne magra jateula te chekeni mana na neu. Nakarhamu iagho ginauna keli fabrahu jame te theome eni iagho kaisei puhi te diꞌa na.

Fapea Samuel 12:10

Iagho tirou ghau iara neke blau khetogna mae Uraea na. Eghume, keha naikno nate karha mei ka vikemu iagho re ginauna lehe ka magra.’

Ululahu Kings 1:46

Gognarona mae Solomon la gnokrohi ka nogna sape nafnakno king.

Proveb 20:2

Diꞌatagna mae funei na jateula lion te fangangara ra eghu. Te faꞌeiꞌei iagho te diꞌatagna mana na, iagho ginauna lehe.