Ululahu Kings 19:16 - Buka Blahi Ka Cheke Holo

¹⁶ Eghuteuna iagho tofa oel ka phaꞌugna mae Jehu, thugna mae Nimsi mala king gna Israel. Eghuteuna iagho tofa oel ka phaꞌugna mae Elisa, thugna mae Safat maegna Abel-Mehola, fablahini mana mala profet ke tughu nigho iagho.

Ululahu Kings 19:16 ပူးပေါင်းရင်းမြစ်များ

Fapea Kings 2:15

Glimafulu mae profet di Jeriko ne filoni unha te eni mae Elisa ka narane igne. Eghuteuna mare ne cheke eghu, “Tore! Nolaghi te mala cheke jateula mae profet Elija teuna la meihi ka mae Elisa!” Aonu mare tei ne thafoni mana, eghuteuna mare ne pogho soru pari ka glose na ne fafnaknoni mana.

Fapea Kings 2:9

Ke leghu kate kasahi phiamare na, mae Elija ne cheke eghu ka mae Elisa, “Lord na la namo mei hati ghauhi iara, eghuteuna iara ginauna na tei koko nigho iagho gognaro na. Jame te au iagho kaisei glepo te magnahaghei ghau iara te kulu eni ranghi nigho na, te keli na iagho cheke ranghi ghau iara.” Eghuteuna mae profet Elisa ne cheke eghu, “Iara magnahaghei nigho iagho te tusu mei ka iara u nolaghi teke tusu ari God ka iagho teke edi iagho nogna gloku mae profet igre. Eghuteuna eni sagho ka iara u nafnata puhi te eni mae mama ka thugna ulu lahu na te tusu lao kmana glepo ka mana ra, mala tangomana iara te hata sapemu iagho na te mala eni nogna gloku mae profet na.”

Luku 4:27

Aonu ka narane gna mae profet Elisa na kmana naiknodi Israel neke thubu biꞌo, khabru te kiloi leprosi. Nu mae profet Elisa neke theome fakelini kaisei naiknogna Israel. Nu kaisei mae Naman ka kantri Siria ngala teke fakelini mana na.”

Ululahu Kings 4:12

Mae Bana thugna mae Ahilud, mana mala reireghidi phei namono biꞌo Tanak ghe Megido, nei vido te gnafa ka namono biꞌo Bet-San. Vido igne namo ka namono biꞌo Saretan ke mata namono biꞌo Jesrel. Fofota gna nohi igne tei posa ka namono biꞌo Abel Mahola eghuteuna ka namono biꞌo Jokmeam.

Ululahu Samuel 18:19

Kate thoke mei narane te mala snakre laoni Merab ka mae Devet na, king neke tughu gaoghathogna, aonu mana neke snakre laoni Merab igne ka mae Adriel kaisei maegna Mehola.

Fapea Samuel 21:8

Nu mana ne hata phei thugna Rispa nei glima thugna Merab. Rispa gne kaisei khetogna mae Sol, eghuteuna phei thugna re, mae Amoni ghe mae Mefiboset. Mae Adriel gne thugna mae Basilae, maegna Mehola, kmadi glima thugna Merab.

Ululahu Kings 1:34

Jare ghopa pris Sadok ghe profet Natan ra tofa oel ka phaꞌugna mae Solomon mala king gna Israel. Ke leghugna igne, ghotilo kufli nei thagru eghu fabiꞌo, ‘King Solomon, iagho king fabrahu tifa tifa!’

Fapea Kings 2:1

Namo ka narane Lord te hatani profet Elija te haghe kligna na, Lord ne kuruni kaisei seseuru biꞌo mala mei hatani mae Elija. Ka narane igne, profet Elija ghe profet Elisa jifla Gilgal ne nolo ne tei.