Ululahu Kings 18:4 - Buka Blahi Ka Cheke Holo

⁴ Kate aknu falehe te gnafa Kuin Jesebel nogna profet Lord igre na, mae Obadaea ne hata kaisei gobi mae profet te karha teure ne tei pophoru ke lamnadi phei gluma thina. Mana tufa mae profet igre ne glimafulu mae ka keha na, eghuteuna glimafulu mae ka keha na neu. Eghuteuna mana ne faghamudi nei fakoꞌudi neu koba mae profet igre leuleghu narane.

Ululahu Kings 18:4 ပူးပေါင်းရင်းမြစ်များ

Ululahu Kings 18:13

Jau iagho theome nomhini unha teke eni iara kate falehedi koba Kuin Jesebel nogna Profet Lord ra. Iara neke pophoru kaisei gobi Profet ke lamnadi phei gluma thina. Iara lilisei glimafului ka keha na, eghuteuna glimafului ka keha na. Eghuteuna iara fei ghedi gano nei khoꞌu eghu leuleghu narane ka mare.

Hibru 11:38

Nauthoglu igne theome keli nabadi mare! Mae fatutuani gre au tafri kolho ka namono nagou ba kau thogele, ba lamna gluma thina ba ka khora glose.

Matiu 25:40

“Iara mae King ginauna cheke eghu ranghidi, ‘Tutuani fara, te chekeni iara na. Kate eni ghotilo ranghini kaisei nogu naikno iara te au pari lahu ka igre, ghotilo jateula te eni ranghi ghau la iara eghu!’

Matiu 25:35

Naugna kate rofo iara na, ghotilo faghamu ghau iara. Kate roi koꞌu iara na, ghotilo fakoꞌu ghau iara. Kate jifla kokoni iara sugagu na te tei delei na, ghotilo taji ghau iara ka sugamire.

Matiu 21:35

“Hatimare mae greireghi nagare igre ne lokidi mae gloku igre. Kaisei ne puphuri, keha na ne falelehe nei fatilo na ne fada falehe ka thina.

Nehemaea 9:26

“Nu neuba ngau, mare figri tagru nigho nei theome leghu nigho, nei theome magnahaghedi nou vetulare. Mare falehedi nou mae profet, mae iheire te mala cheke ranghidi mala teke pulo mei mare ka iagho. Mare edi thua nafnata glepo te diꞌa mala goigoni nigho iagho.

Ululahu Kings 13:16

Nogna mae gloku God igne ne cheke eghu, “Iara theome tangomana teke figri ka sugamu iagho na te mala ima nei koꞌu teu balumu iagho ka vido igne.

Ululahu Kings 18:5

Aonu, mae Ehab ne cheke eghu ka mae Obadaea, “Tapa mala tei filo ka glogu te ikodi nei ka glokha khoꞌu teu te au tafri ka noda vido theda ra. Glahula tapa tangomana te filodi keha buburu ka vido tura maladi nogu hose nei dongki teu iara igre, glahu lehe reꞌe.”

Fapea Kings 6:32

Aonu king gna Siria igne ne kuruni kaisei mae mala hata mei mae profet igne. Ka narane igne, mae Elisa au neu ka nogna suga na baludi hatimare mae lida gna namono biꞌo na. Eghuteuna ame posa meinga mae igne ka suga na teuna, mae Elisa ne cheke eghu ka mae lida igre, “King gne mae mala falehe naikno. Mana kuru mei niu kaisei mae mala kusu phaꞌugu iara na. Mae tuana meiu gognarona, eghume kate mei posa mana agne na, ghotilo bobotho grengatha na, thosei snakreni mala mei lamna suga. Eghuteuna king gna Israel na jaola mei au ke leghugna mana.”

Fapea Kings 9:7

Iagho mala roꞌeni nou King Joram, nei iheire te gnafa ka vikegna mae Ehab, naugna tifa na Kuin Jesebel neke aknu falehedi mae profet nei keha nogu mae gloku iara ra. Ka puhi igne, iara ginauna nake tughu fapulo puhigna naꞌa te diꞌa ra.

Profet Isaia 16:3

Naiknore toreni king ne cheke eghu, “Togho ghami. Bara fothi ghami ka nomi naoka gre mala au fakeli ghehati ke parigna nou nolaghi iagho, jateula gaju biꞌo te tei poru naiknore ka naungogna na kate brana fara naprai na ia eghu. Ghehati la rikha kokodihi namonomi ra. Thosei snakre ghami mala ke pulo ka khamedi nomi naoka ra.

Profet Jeremaea 26:24

Nu ka narane te magnahaghei faleheni mae Jeremaea naiknore igne, mae Ahikam thugna mae Safan igne ne toghoni mae Jeremaea mala theome tangomana mare te faleheni mana na.

Profet Jeremaea 36:19

Aonu mare ne cheke eghu ka mana, “Ghopa mae Jeremaea rikha tei poru! Eghuteuna ghopa thosei falalase ka ihei nga vido aheva te au teu ghopa na!”

Ululahu Kings 17:11

Eghuteuna kate tei naikno biꞌo na te mala hata khoꞌu teuna, mae Elija ne eha eghu tei ka naꞌa, “Iagho jaola hata mei keha bret.”