Ululahu Kings 18:32 - Buka Blahi Ka Cheke Holo

³² Eghuteuna mae Elija hata nabotho phei thina igre ne babana haghe olta na ka nanghagna Lord. Aonu mana ne dokha kaisei jolohomno falithui ni olta igne. Jolohomno igne biꞌo nabagna nabotho glima lita khoꞌu te au tagna na.

Ululahu Kings 18:32 ပူးပေါင်းရင်းမြစ်များ

Kolose 3:17

Gobigna lepo te edi ba te chekedi ghotilo re la kafe edihi malagna noda Lord Jisas Kraes. Eghuteuna ghotilo cheke fakelini God Kmada ka mana.

Ululahu Korin 10:31

Uve, tutuani, jame te ima, ba koꞌu ba eni ghotilo unha na, ghotilo mala edi gobigna lepore ka puhi te mala kilo fnaknoni God.

Ululahu Samuel 7:17

Nu leuleghu fata na, mana ke pulo mei Rama ka nogna namono na. Eghuteuna mana jaola fatedi puhi biꞌo te edi naiknore. Eghuteuna ka namono igne mana ne eni kaisei olta mala tufru soruni Lord.

Ululahu Samuel 7:9

Aonu mae Samuel ne aknu falehe kaisei sipu ikoi ne gahu knoro ka khaꞌaghi jateula kaisei fafara neu ka Lord. Eghuteuna mana ne tarai heta ka Lord mala toghodi naiknodi Israel. Eghuteuna Lord ne nomho ka nogna tharai mana na.

Jajis 21:4

Hamerane boibongi ka keha narane na, mare ne kaisei olta mala gahu soasopai nafnata fafara mala ke fofodu fakeli balugna Lord.

Jajis 6:26

Ke leghu na, iagho famane eni fakeli kaisei nogna olta Lord ke kligna thogele te mala pogho soru ka iara. Eghuteuna iagho aknu falehe buluka igne eghuteuna kato khegra blahi igne mala gaju mala gahu buluka ke kligna olta mala fafara ka iara.”

Ululahu Kings 18:33

Aonu mae Elija ne lilisei gaju igre ke kligna olta. Eghuteuna mana ne vahe faꞌikoi buluka nalhaꞌugna igne, ne lilisei ke klignadi gaju igre. Aonu mana ne cheke eghu, “Ghotilo toho fafodu fati botol biꞌo are ka khoꞌu mala tofa ke klignadi nafnahi te mala fafara are baludi gaju are.” Eghuteuna mare ne leghuni unha te chekeni mana na.

Jenesis 12:7

Nu Lord ne thakle ka mae Ebram ne cheke eghu ka mana, “Iara ginauna na tusu ari ka vikemu iagho re namono igne mala au nodi tagna.” Mae Ebram ne cheke eghu, “Lord, iagho keli fara ne chekeni igne ka iara.” Aonu mae Ebram ne hohoro kaisei olta ka thina jare malagna Lord.

Jajis 6:24

Eghuteuna Gidion ne horo kaisei olta mala tarai ka Lord ka vido igne, eghuteuna mana ne kiloni vido igne “Lord neke tusu mei pharikeli.” Eghuteuna olta igne au ngala namono Ofra ka nodi glose vikegna Abiesa.

Ululahu Kings 18:35

Eghuteuna khoꞌu te tei faligohoni olta igne nei jolohomno teu igre fodu ne sala'ui fara.