Ululahu Kings 18:17 - Buka Blahi Ka Cheke Holo

¹⁷ Eghuteuna kate filoni mae Elija na, mana ne cheke eghu, “Tore! Iagho si mae te ei puhi biꞌo agne Israel ia?”

Ululahu Kings 18:17 ပူးပေါင်းရင်းမြစ်များ

Josua 7:25

Mae Josua ne cheke eghu ka mana, “Naugna unha sagho te eni ka ghehati puhi biꞌo ignea? Nu Lord ginauna na jaola tusu ari puhi biꞌo ka iagho.” Aonu naiknore ne kafe hata thina ne fada falehedi mae Ekan nei tharaknagna. Eghuteuna mare ne gnubra ka khaꞌaghi thinidire balu nodi gobigna lepo fateote'o.

Ululahu Kings 21:20

Kate filoni mae Elija na, King Ehab ne cheke eghu, “Sei! Nogu naoka iara gne kela mei filo ghauhi iara!” Mae Elija ne cheke eghu ka mana, “Uve, iara mei filo nigho iagho, naugna iagho ne eni puhi te thono diꞌa fara na ka tathagna Lord.

Mae Khuru 17:6

Nu kate dofidi phiamare na, mare neke lokini kolho mae Jason nei keha naikno khiloau ne korhodi ne tei ke uludi goro mae biꞌogna namono na. Naiknore ne eha fabiꞌo ne cheke eghu, “Phei mae igre eꞌei puhi heva heva ka nauthoglu gne. Eghuteuna gognaro na phiamare la mei thoke ka noda namono tahati gne.

Mae Khuru 16:20

Mare ne hatadi mae Pol ghe mae Silas ka maedi Rom te au ka namono igne mala fatedi phiamare. Mare ne cheke eghu, “Phei mae Jiu igre ne edi kmana puhi ka noda namono tahati gne.

Mae Khuru 24:5

“Eghume te filo glanini ghehati na mae igne kaisei mae mala eꞌei puhi ke lamnadi mae Jiu gre heva heva ka nauthoglu igne. Mana kaisei mae mala baubatu ka tothoghei gna Nasaret.

Profet Emos 7:10

Aonu Amasaea mae ihei te pris ka namono Betel, mana ne fatei ripot eigu iara ka King Jeroboam mae ihei te king Israel. Ripot igne cheke eghu, “Mae Emos gne gognarona salo fodu mei naiknore mala ei puhi ranghi nigho iagho. Nogna cheke re, mana ginauna thofno goigoni ni noda kantri tahati igne.

Profet Jeremaea 38:4

Aonu mae biꞌo igre tei ne filoni mae king ne cheke eghu ka mana, “Mae igne nabagna te lehe! Nogna cheke mana igre faglaꞌedi fara gaoghathodi noda mae soldia tahati te au teu baludi keha naikno igre. Mae igne theome fariuriu toghodi kolho naikno igre, theo, mana magnahaghei te goigonidi kolho naiknore.”

Ululahu Kings 18:16

Aonu mae Obadaea tei ne thafoni King Ehab ne cheke ka mana, eghuteuna mae Ehab kegra haghe ne tei cheke faheta ka profet Elija.