Ululahu Kings 18:12 - Buka Blahi Ka Cheke Holo

¹² Iara theome laseni aheva Tharunga gna Lord nate hata nigho te tei kate jifla koko nigho iara na. Jame te tei cheke iara ka King Ehab, eghuteuna theome filo nigho mana teuna, mana ginauna falehe ghau iara. Neuba, iara ghatho tahuni nei pogho soruni eghu koba Lord funu suagu.

Ululahu Kings 18:12 ပူးပေါင်းရင်းမြစ်များ

Mae Khuru 8:39

Kate daka mata phiamare ka khoꞌu na, mae Tharunga te Blahi na megei nga ne hata fadeleini mae Filip. Mae biꞌo na ne theome filoni mae Filip, aonu mana doglo neke pulo ka namono Itiopia balu gleꞌa.

Fapea Kings 2:16

Eghuteuna mare ne cheke eghu ka mae Elisa, “Ghehati glimafulu mae nheta. Eghuteuna ghehati magnahaghei te tei hironi nou mae funei iagho na. Glahula mei Tharunga gna Lord na hata tei liseini mana ka kaisei thogele ba ka kaisei glogu.” Nu mae Elisa ne cheke eghu ka mare, “Theo, ghotilo thosei tei.”

Profet Esikiel 8:3

Mae igne jateula mae te ngafa mei khamegna na eghu filogna na, eghuteuna mana ne loku ka khakla ka phaꞌugu iara na. Aonu nogna nolaghi God na ne pala haghe ghau iara kligna farihoteidi maloa ghe nauthoglu, eghuteuna mana hata ghau iara ne tei Jerusalem. Mana hata ghau iara ne tei ruma ka grengathagna bara te au ke rarugna Sugablahi igne, mala tei ruma ka vido glalaba ikoi rhegna Sugablahi na. Ka glalaba ikoi igne, jare au kaisei mumuju god, tuana te thono diꞌatagna fara God na, naugna naiknore tarai ka mumuju igne.

Profet Esikiel 37:1

Lord ne habo ghau iara ka nogna nolaghi na, eghuteuna Tharunga te Blahi na neke mei ka iara mala batuni gaoghathogu iara na. Eghume, iara ne soru ka kaisei glogu te au kmana nhubradi naikno teke lehera, eghuteuna nhubra igre au tafri pari ka vido tuana.

Profet Esikiel 11:24

Aonu nogna nolaghi God ne pala haghe ghau iara, hata ghau iara neke pulo ka vido aheva teke hata mare maedi Israel teke huhurudi teke tei au Babilonia. Ka narane tuana, mifi igne tei ne dofini.

Fapea Kings 2:11

Phiamare toutonu nolo ne tei. Aonu kaisei khaꞌaghi te jateula chariot mala magra te korho ka hose ra teuna ne mei salaꞌu farihoteidi phiamare. Eghuteuna ka vido tuanala, kaisei seseuru ne mei hatani mae profet Elija ne haghe kligna.

Mae Khuru 12:19

Mae Herod ne cheke faheta ka mare mala hironi mae Pita, nu mare ne theome tangomana te ludeni mana na. Aonu mae Herod kilodi mae soldia igre ne ghusnadi mare. Ke leghugna igne mana ne cheke eghu, “Naugna igne, mae soldia igre mala lehe.” Mae Herod ne jifla Judia ne tei au katha vido ka namono Sisaria.

Luku 1:15

Naugna ginauna mana na kaisei mae nafnakno ka tathagna Lord na. Eghuteuna mana na theome koꞌu waen ba unha nafnata khoꞌu te nheta fara. Nu funu ka karhagna na, mana na fodu ka Tharunga te Blahi.

Matiu 4:1

Tharunga te Blahi na batuni mae Jisas ne tei ka namono nagou na mala mei mae Satan mala fariuriuni mala jafra mana.

Eklesiasti 7:18

Te keli na iagho famane ghaoghatho fakeli eidi phei farirhiu igre. Jame te ghatho tahuni iagho God na, iagho ginauna thofno keli fara.

Proveb 8:13

Jame te ghatho tahuni iagho Lord na, iagho na theome magnahagheni puhi te diꞌa na. Iara theome magnahagheni puhi te fahaehaghe na, puhi te filo faparini ihei na, puhi te diꞌa na, nei cheke te diꞌa na.

Fapea Kronikols 34:3

Ka fahana finogha Josia te king kate mae sitei fara nga teuna, mana ne funu tarai ka nogna God kuꞌegna King Devet. Eghuteuna ka fabotho phei finogha na, mana ne funu fagagae Jerusalem ghe Juda mala klino ka tathagna Lord. Mana ne goigoni fahui nodi vido blahi mae bongihehe re, nei hata koko mumuju gna god gaꞌase Asera nei keha mumuju langau eghu.

Ululahu Samuel 2:26

Nu mae Samuel ne biꞌo haghe, eghuteuna Lord ne keli tagna ka mana, eghuteuna naiknore jaola ne keli tadi ka mana.

Ululahu Samuel 2:18

Nu ka narane tuana, mae sua Samuel ne au faleghu neu Saelo mala loku ranghini Lord. Mana fahaghe kaisei phoko blahi te kiloi “efod”.

Fapea Timoti 3:15

Jaola, vuha suamu te mei na, iagho lasedihi u grioriso te blahi igre. Eghuteuna farirhiu igre tangomana te tusu ranghi nigho gaoghatho te keli nei batu nigho kau nakarha te keli naugna iagho ne fatutuani ni mae Jisas Kraes.

Matiu 2:16

Kate laseni mae Herod te chaghini maedi ke maghati gre, mana ne diꞌatagna fara. Aonu, mana ne chekedi nogna mae soldiare mala tei mala falehe gnafa goro mae sua nalhaꞌu te au ka namono Betlehem, nei ka nohi te au faligohoni Jerusalem. Mana neke cheke mala kafe falehedi goro mae sua nalhaꞌu te funu ka phei finogha nei teke karhala. Mae Herod ne eni igne, naugna leghuni unha teke chekeni maedi ke maghatire kau narane teke thaklegna u nathunu na.

Profet Isaia 50:10

Ghotilo te gnafa igre ghatho tahuni Lord nei leghudi nogna cheke nogna mae gloku Lord ra, neuba ghotilo ne au ka narane te ninhigrana, ghotilo mala fatutuani ni mana, nanghagna na Lord. Uve, ghotilo mala rouronu ka mana.

Ululahu Kings 18:11

Nu gognarona iagho cheke ka iara mala tei cheke eghu iara ka nogu funei na, ‘Mae Elija na au agne.’

Ululahu Samuel 16:2

Nu mae Samuel ne cheke eghu, “Jame te nomhini mae Sol eigna igne na, mana ginauna diꞌatagna falehe ghau iara.” Aonu Lord ne cheke eghu, “Theo. Iagho ginauna hata tei balumu kaisei sua buluka gaꞌasegna. Kate posa iagho ka namono na, iagho ginauna cheke eghu ka naiknore, ‘Iara gne mei mala fafara ka Lord.’

Nodi Khoje Hatimare Mae Jiu 71:5

Lord God, iara fatutuani fabrahu nou nhaꞌa cheke iagho na. Uve, funu kani mae majaghanigu te mei na iara fatutuani nigho iagho fabrahu.