Ululahu Kings 18:10 - Buka Blahi Ka Cheke Holo

¹⁰ Ka nanghagna Lord mae ihei te karha te tifa, iara thofno cheke kate tutuani ka iagho, King Ehab neke kurudi nogna mae glokure mala tei tongana ka kantri te gnafa ka nauthoglu igne mala hiro nigho iagho. Jame kaisei mae king chekeni te thosei au iagho ka nogna kantri na teuna, mana na eni kaisei cheke te nheta fara mala laseni te tutuani nogna cheke mana igne.

Ululahu Kings 18:10 ပူးပေါင်းရင်းမြစ်များ

Ululahu Kings 17:1

Profet Elija mae gna Tisbe, ka nohi Gilead. Mana tei ne cheke eghu ka King Ehab, “Iara nogna mae gloku Lord, nodi God mae Israel te karha te tifa. Ka nanghagna Lord iara na cheke fadoglo ari ka iagho, ginauna na theome nakhete keha finogha. Jare ginauna theo kaisei nakhete ba nabubla nate soru mei na ghilei chekeni iara na teke soru mei nakhete na.”

Jone 8:59

Kate nomhidi mare cheke te edi mae Jisas igre, mare atha thina ne rodi fada faleheni mana. Nu mae Jisas poru ne jifla ka Sugablahi na.

Profet Jeremaea 36:26

Aonu mae king ne kuruni Jeramel thugna mana na, mae Seraea thugna mae Asriel, nei mae Selemaea thugna mae Abdel teu igre mala tei lokidi mae profet Jeremaea ghe mae Baruk. Nu mare ne theome filodi mae Jeremaea ghe mae Baruk, naugna Lord ne pophorudi phei mare.

Nodi Khoje Hatimare Mae Jiu 91:1

God na fnakno kligna lahu nei au nolaghi biꞌo eghu. Naikno te rouronuni Lord te mala reireghi fakelidire na cheke eghu, “Iagho nogu God iara, eghume iara rouronu nigho. Iagho mala reireghi ghau nei baubatu ghau eghu iara.”

Nodi Khoje Hatimare Mae Jiu 31:20

Iagho pophorudi ka vido aheva te au teu themu na, nei reireghi fakelidi ka vido aheva te theome tangomana mae iheire te magnahaghei cheke fadiꞌani nei falehedi teu mare re.

Nodi Khoje Hatimare Mae Jiu 10:2

Naikno te diꞌa gre mare neke dokha khora mala snoꞌo naikno te kuma gre neku. Nu iara magnahaghei nigho te snakre laodi ka khora tuare mala snoꞌo thedi. Naugna mare ne fahaehaghe fara ne ngolhi tafridi naikno te kuma re.

Ululahu Kings 18:15

Nu mae Elija ne cheke eghu ka mana, “Iagho thosei mhaghu. Iara nogna mae gloku Lord mae ihei te au nolaghi fateote'o te karha te tifa. Tutuani fara, ka nanghagna Lord, King Ehab ginauna filo ghau iara ka narane gognarogne.”

Ululahu Kings 17:12

Eghuteuna gaꞌase igne ne cheke eghu ka mana, “Thono kokhoni ghita fara! Ka nanghagna Lord nou God mae ihei te karha fabrahu te tifa te tifa, iara theo kaisei bret. Iara au kaisei kapu flaoa, nei katha oel eghu kolho. Iara mei hata katha gaju mala gahu katha gano tuana mala ghamu ghepa thugu. Tuana ngala leghu lahu gna ghemi gano ghepa na, jau ke leghu na ghepa ginauna lehe.”

Ululahu Kings 17:9

“Iagho tei au ka namono biꞌo Sarefat rhegna Saedon, kaisei glehe kokoi au ka namono biꞌo tuana. Iara la chekehi ka naꞌa te mala togho nigho ka gano na.”

Ululahu Kings 17:5

Aonu mana ne leghuni cheke gna Lord igne ne tei au ka Jari Kerit.

Ululahu Kings 2:24

Tutuani, Lord mae ihei te karha na vahi ghau iara hi te mala tughuni mae kmagu te mala king na. Eghuteuna mana nhaꞌa chekehi ka vikegu iara gne te mala king fabrahu na. Te chekeni iara ka iagho na, mae Adonaeja gne mala lehe gognaro gne.”

Ululahu Kings 1:29

Aonu king ne nhaꞌa cheke eghu ka naꞌa, “Tutuani, Lord neke fakarhi ghau iara ka thua puhi biꞌo fateoteꞌo ra.

Ululahu Samuel 29:6

Aonu mae Akis ne ehani mae Devet ne cheke eghu ka mana, “Iara magnahaghei nigho iagho te mei balugu ka magra. Nu te chekeni iara ka iagho na, ka nanghagna Lord mae ihei te karha te tifa, iara theome filoni kaisei glepo te diꞌa te eni iagho funu meimu ka iara te ghilei mei posa ka narane igne. Nu hatimare mae komanda igre theome keli tadi ka iagho.

Ululahu Kings 18:9

Mae Obadaea ne cheke eghu, “Mae biꞌo, naugna unha sagho te magnahaghei lisa lao ghau iara ka khamegna mae Ehab gnea, mala falehe ghau iara? Iara neke theome eni kaisei glepo te diꞌa!

Ululahu Kings 18:11

Nu gognarona iagho cheke ka iara mala tei cheke eghu iara ka nogu funei na, ‘Mae Elija na au agne.’

Ululahu Kings 22:14

Nu mae Maekaea ne cheke eghu, “Ka nanghagna Lord mae ihei te karha te tifa, iara ginauna cheke fadoglo ari kolho ka iagho unha teke chekeni Lord ka iara na.”

Profet Jeremaea 36:19

Aonu mare ne cheke eghu ka mana, “Ghopa mae Jeremaea rikha tei poru! Eghuteuna ghopa thosei falalase ka ihei nga vido aheva te au teu ghopa na!”

Ululahu Samuel 23:23

Ghotilo tei hirodi vido aheva te tei poru mana na, eghuteuna ghotilo faghose mei cheke ka iara. Iara ginauna ari balumi ghotilo, jame au teu mana ka vido tuana na, iara ginauna hiro ghilei deni mana. Neuba iara ne tei tongana ka nodi vido vikegna mae Juda, iara ginauna filoni mana.”