Ululahu Kings 18:1 - Buka Blahi Ka Cheke Holo

¹ Ka fatilo finogha te theome nakhete igre, Lord ne cheke eghu ka profet Elija. “Iagho tei filoni King Ehab. Eigna iara ginauna na theome raugha na kuru meini nakhete na.”

Ululahu Kings 18:1 ပူးပေါင်းရင်းမြစ်များ

Luku 4:25

Uve, unha te chekeni iara ka ghotilo gne thofno tutuani fara. Ka narane gna mae Elija na neke theome nakhete thilo finogha namno nhigra. Aonu heva te heva na ne behu neke theo gano. Eghuteuna kmana naikno biꞌo te glehe kokoi neke au jare Israel ka narane tuare.

Jemes 5:17

Tahati laseni eigna mae profet Elija ia. Mana kaisei mae jateula tahati eghu kolho. Nu mana neke tarai heta ka God mala theome soru nakhete ka nauthoglu gne. Aonu theome nakhete naba thilo finogha namno nhigra.

Ululahu Kings 17:1

Profet Elija mae gna Tisbe, ka nohi Gilead. Mana tei ne cheke eghu ka King Ehab, “Iara nogna mae gloku Lord, nodi God mae Israel te karha te tifa. Ka nanghagna Lord iara na cheke fadoglo ari ka iagho, ginauna na theome nakhete keha finogha. Jare ginauna theo kaisei nakhete ba nabubla nate soru mei na ghilei chekeni iara na teke soru mei nakhete na.”

Diutronomi 28:12

“Maloa gne jateula kaisei suga te mala liliseidi nogna famane glepo Lord ra eghu, eghuteuna mana ginauna tothora maloa gne mala soru mei nakhete ka thofno narane gna na. Lord ginauna fablahidi ghemi nagare ghotilo are mala au kmana gano. Eghume ghotilo ginauna au ghemi kmana gano, eghuteuna naiknodi keha kantri are tangomana te mei kaoni ka ghotilo. Eghuteuna theo kaisei glepo nate faꞌiho ghami ghotilo te mala tei kaoni ghotilo ka keha kantri delei.

Ululahu Kings 18:2

Aonu mae Elija kegra haghe ne tei filoni King Ehab. Ka narane igre, grofo na thofno diꞌa fara jare Samaria.

Profet Joel 2:23

Ghotilo naiknomi ka namono Saion! Ghotilo gleale'a ka unha teke edi iara nomi Lord nei nomi God, iara eni igne mala togho ghami ghotilo. Ka narane te joꞌu ghotilo na, iara na snakre mei nakhete mala karha gano te joꞌu ghotilo ka nagare ra, jateula teke eni iara ka ghotilo tifa ia eghu.

Levitikas 26:4

iara ginauna kuru mei nakhete malami ghotilo ka thofno narane gna na, mala tangomana ghotilo te au ghemi kmana gano ka nomi glose ghotilo re, eghuteuna nomi gaju ghotilo re tangomana jaola te au kmana sisi na.

Thakle 11:6

Phei mae igre au nodi nolaghi te mala fothini maloa gne te mala theome soru mei nakhete kate toutonuni teu phiamare chekegna God na. Eghuteuna phiamare jaola au nodi nolaghi te mala figri khoꞌu na teke vuhai dadara na. Phiamare au nodi nolaghi te mala kuru meidi thua nafnata papara ka nauthoglu igne. Phiamare tangomana te eni igne niha fata phiamare te magnahagheni na.

Profet Emos 4:7

“Iara neke theome snakreni nakhete na mala thosei soru mei ka nomi nagare ghotilo ra. Eghuteuna iara neke snakreni nakhete na maladi keha namono ghu kolho. Nu kehare theo kolho, eghuteuna khoꞌu na theome naba ka naikno te gnafare.

Profet Jeremaea 14:22

Ba, nodi god mae bongihehe igre au nolaghi te mala snakre mei nakhete ka ghehati na? Ba, maloa thegna kolho te au nolaghi te mala snakre mei nakhete ka ghehati na? Thono theo fara! Lord nomi God, kaisei iagho kolho te tangomana na. Ghehati fatutuani nigho iagho kolho, naugna iagho kolho te tangomana te edi gobigna lepore.

Profet Jeremaea 10:13

Kate cheke mana na, naoglagna mana igne poha jateula fila eghu, eghuteuna khoꞌu ka maloa na soru poha fabiꞌo. Mana cheke ranghini khoveo na mala mei funu ka keha phile nauthoglu na. Mana cheke ranghini nakafli na mala phae ka nakhete biꞌo na, eghuteuna mana cheke ranghini nuri na mala jifla mei ka vido teke augna na.

Profet Isaia 5:6

Iara ginauna lisa lao ka gnarho fachuchuru mala thafru ka vido igne, eghuteuna iara ginauna theome snakreni nakhete na mala soru mei ka nagare igne. Iara ginauna lisa lao vido igne mala vuhai namono nagou kolho.”

Ululahu Kings 17:15

Aonu naikno biꞌo igne posa ka namono na ne eni unha teke chekeni mae Elija na, eghuteuna leuleghu narane na, naikno biꞌo igne ghe thugna, nei mae Elija eghu, retilo theome kmoꞌe ka gano na.

Ululahu Kings 17:7

Mana au neu jare ne ghilei krango khoꞌu ikoi igne, naugna ne theome nakhete.

Thakle 11:2

Nu iagho thosei fananaba vido ke kosigna Sugablahi ana, naugna vido tuana la snakrenihi mare ka hatimare mae te theome Jiu are. Mare ginauna goigoni ni Jerusalem naba phia tutu phei nhigra.

Ululahu Kings 8:36

Jame te eghuna, neuba iagho ne au neu kligna, fanomho mei ka nodi tharai naikno gre. Hata fadelei nakhibodi nou naikno Israel igre. Farirhiudi ka puhi te doglo, eghuteuna snakre mei nakhete ka vido glose teke tusu lao iagho ka nou naiknore mala au fabrahu tagna.