Ululahu Kings 17:22 - Buka Blahi Ka Cheke Holo

²² Aonu Lord ne nomhini nogna tharai mae Elija igne, eghuteuna mana neke tusu fapulo nakarha na ka mae sitei igne neke keli fapulo!

Ululahu Kings 17:22 ပူးပေါင်းရင်းမြစ်များ

Thakle 11:11

Nu ke leghu thilo narane vidogna, God phaphanga lao ke klignadi neke fakarha fapulodi phiamare. Eghuteuna kate filodi phiamare teke nonolo na, naiknore ne mhaghu nodi fara.

Diutronomi 32:39

“ ‘Filo si ghotilo. Iara kolho God te tutuani na! Jare na theo kaisei god te au na! Iara tangomana te faleheni naikno na, nei tangomana te fakarhini naikno na. Iara tangomana te faghorehoni naikno na, nei tangomana teke fakeli fapuloni naikno na. Theo kaisei naikno tangomana te fanograni unha te eni iara na.

Hibru 11:35

Keha gaꞌase te fatutuani ni God, thudi teke lehere neke karha fapulo. Keha naikno te fatutuani ni God re, mae te naoka ka mare re puridi ne ghilei lehe, naugna mae naokare ne cheke eghu ranghidi, “Ghehati tangomana te fasnagla ghami eghu jame te chekeni ghotilo te theome fatutuani ni God teuna.” Nu mae fatutuanire ne cheke eghu, “Theo fara! Ghehati theome magnahaghei te leghuni nomi vetula ghotilo na.” Mare magnahaghei te karha fapulo ka glehe te mala au fabrahu balugna God kligna.

Letas Teke Riso Tei Mae Pol Ka Khiloau Rom 14:9

Naugna Kraes neke lehe, eghuteuna ke karha fapulo, mala nodi Lord iheire te karha teu ba iheire tela lehehi.

Jone 11:43

Ke leghugna te cheke eghu igne, mae Jisas ne eha fabiꞌo, “Lasaros, jifla mei!”

Fapea Kings 13:21

Kaisei fata, keha naiknodi Israel pala kaisei thini mala tei giugilu. Eghuteuna mare ne filoni kaisei tothoghei soldia gna Moab ne mei, aonu mare ne koko sukha thini igne ka beku gna profet Elisa na ne rikha nodi. Nu kate tei te loku fodu thini igne ka nhubra gna mae Elisa gre, thini igne neke karha fapulo ne kegra haghe!

Ululahu Samuel 2:6

“Lord tangomana te faleheni naikno na, eghuteuna mana tangomana teke fakarha fapuloni mana na. Mana tangomana te kuruni mana te mala tei ka namonodi mae te lehe ra, eghuteuna mana tangomana teke hata fapuloni naikno na ka namono tuana.

Mae Khuru 20:12

Mare hata mae sitei igne ne tei ka sugagna na. Eghuteuna naiknore ne gleale'a fara naugna mae sitei na neke karha fapulo.

Luku 8:54

Nu mae Jisas loku ka khamegna sua gaꞌase na, ne cheke eghu, “Sua gaꞌase, kegra haghe.”

Luku 7:14

Aonu, mana lao ne habo ka glele na. Hatimare mae teke pala re ne kegra snoto. Mae Jisas ne cheke eghu ka masitei na, “Mae majaghani! Te chekeni iara ka iagho na, ‘Ke karha fapulo sagho!’ ”

Ululahu Kings 17:23

Mae Elija pala neke soru funu ka chogho kligna na neke tusu fapulo ka idogna na, ne cheke eghu, “Filo sagho, thumu iagho na kela karhahi!”