Ululahu Kings 17:12 - Buka Blahi Ka Cheke Holo

¹² Eghuteuna gaꞌase igne ne cheke eghu ka mana, “Thono kokhoni ghita fara! Ka nanghagna Lord nou God mae ihei te karha fabrahu te tifa te tifa, iara theo kaisei bret. Iara au kaisei kapu flaoa, nei katha oel eghu kolho. Iara mei hata katha gaju mala gahu katha gano tuana mala ghamu ghepa thugu. Tuana ngala leghu lahu gna ghemi gano ghepa na, jau ke leghu na ghepa ginauna lehe.”

Ululahu Kings 17:12 ပူးပေါင်းရင်းမြစ်များ

Ululahu Kings 17:1

Profet Elija mae gna Tisbe, ka nohi Gilead. Mana tei ne cheke eghu ka King Ehab, “Iara nogna mae gloku Lord, nodi God mae Israel te karha te tifa. Ka nanghagna Lord iara na cheke fadoglo ari ka iagho, ginauna na theome nakhete keha finogha. Jare ginauna theo kaisei nakhete ba nabubla nate soru mei na ghilei chekeni iara na teke soru mei nakhete na.”

Jenesis 21:16

Aonu naꞌa ne tei fakhaba katha vido ikoi jame nabagna kaisei gobi mita ne gnokro soru pari, ne cheke eghu ka gaoghathogna na, “Iara theome magnahaghei te filoni glehegna thugu na.” Aonu naꞌa gnokro neu jare ne funu tanhi.

Lamentations 4:9

Mare theo ghedi gano ka nagare, eghuteuna mare thono rofo nodi fara. Te keli na mare nabadi te lehe na, jateula iheire te lehe ka magra ra eghu.

Profet Jeremaea 14:18

Jame te tei iara mata na, iara ginauna filodi iheire teke lehe ka magra ra. Eghuteuna jame te tei iara ke lamna namono na, iara na filodi naikno te lehe ka grofo ra. Hatimare mae profet nei hatimare mae pris teu igre mare toutonu eha tafri heva heva theome laseni unha te eni mare na.’ ”

Profet Jeremaea 5:2

Kate eni ghotilo kaisei nhaꞌa cheke na, ghotilo cheke tutuani kligna ka nanghagu iara Lord. Nu ghotilo chaichaghi nei tharuma'ei cheke eghu kolho.”

Profet Jeremaea 4:2

Jame te magnahaghei nhaꞌa cheke ghotilo ka nanghagu iara na, ghotilo cheke eghu, ‘Iara thofno nhaꞌa cheke ka nanghagna Lord mae ihei te karha te tifa.’ Jame te eni tutuani ghotilo igne na, iara ginauna fablahi ghami ghotilo naikno te gnafa ka nauthoglu igne.”

Fapea Samuel 15:21

Nu mae Itai ne cheke eghu ka mae Devet, “Ka nanghagna Lord mae ihei te karha te tifa, eghuteuna iagho mae ihei te mae king gna Israel, iara thofno nhaꞌa cheke kate tutuani. Namono aheva te tei iagho na, neuba iagho ne tei karha ba lehe, iara ginauna tei balumu.”

Ululahu Samuel 26:10

Te chekeni iara ka iagho na, Lord mae ihei te karha te tifa na ngala nate laseni narane nate lehe mana na, ka vido te kuekuꞌe ba ka vido te tei mana ka magra.

Ululahu Samuel 25:26

Funei, Lord kolho te lhoti nigho iagho te theome tughu fapulo glepo te diꞌa teke eni khetogu iara na. Iara cheke tutuani ka nanghagna Lord mae ihei te karha mala paradi nou naoka iagho gre nei jaola parani Nabal.

Ululahu Samuel 20:21

Eghuteuna iara ginauna kuruni kaisei mae sitei mala tei hirodi jatare. Glahu eha eghu tei iara ka mana, ‘Ei, jatare ke delamu iagho jare! Atha mei agne!’ Te nomhi iagho igne na, iagho jifla jare mei, naugna gobigna lepore keliu kolho. Iara nhaꞌa cheke ka nanghagna Lord te karha, gobigna lepore ginauna keliu kolho.

Ululahu Samuel 20:3

Nu mae Devet ne cheke eghu, “Mae kmamu iagho na lase nigho iagho te namha ghau fara iara na. Mana jame theome falalase ka iagho unha te magnahaghei eni mana na. Naugna mana theome magnahaghei te diꞌa nagnafamu iagho na. Ka nanghagna Lord te karha, iara cheke kate tutuani, iara namo lehehi.”

Ululahu Samuel 14:45

Nu mae soldia gre ne cheke faheta eghu ka mae Sol, “Sei! Mae Jonatan gne neke togho ghita neke uluni tahati magra ginei ia! Faꞌunha lehe si mana gnea? Ghehati thofno cheke kate tutuani ka nanghagna Lord mae ihei te karha te tifa, eigna theome tangomana kaisei naikno nate faleheni mana na. Neuba kaisei khakla ikoi ka phaꞌu gna mana na, theome tangomana kaisei naikno nate rathu koko na. Glepo teke eni mana ginei ia, God neke toghoni mana.” Ka cheke igre, mae soldia gre ne fakarhini mae Jonatan.

Ululahu Samuel 14:39

Iara cheke tutuani ka nanghagna Lord, mae ihei te karha nei togho ghita mala uluni tahati magra na, iara nhaꞌa cheke ke ulumi ghotilo, mae ihei te eni glepo te diꞌa igne, mana mala lehe. Neubane thugu iara mae Jonatan, ba mae ihei, mana mala lehe!” Nu mare te gnafa na ne theome ghagri kaisei cheke.

Matiu 26:7

Kate au teu mae Jisas jare na, kaisei gaꞌase ne mei ka mana. Naꞌa au kaisei famane botol sedi te sisiri keligna te biꞌo fara sileni gna na. Kate ima teu mae Jisas na, naꞌa toatofa sedi igne ka pha'ugna mae Jisas.

Jenesis 21:15

Hega ghe thugna nolo tafri ka namono nagou na ne ghilei peso khoꞌu na. Hega ne fagnokro soru mae sitei na ke parigna kaisei gaju ikoi na.

Ululahu Kings 17:11

Eghuteuna kate tei naikno biꞌo na te mala hata khoꞌu teuna, mae Elija ne eha eghu tei ka naꞌa, “Iagho jaola hata mei keha bret.”

Ululahu Kings 17:13

Nu mae Elija ne cheke eghu ka naꞌa, “Thosei nanga nou, iagho posa ka namono mala gahu gano te chekeni iagho tuana. Nu ulu lahu na iagho eni kaisei bret ikoi ka flaoa tuana mala hata mei ka iara. Eghuteuna ke leghu na iagho tangomana te eni unha te salaꞌui na malami ghopa thumu na.