Ululahu Kings 17:1 - Buka Blahi Ka Cheke Holo

¹ Profet Elija mae gna Tisbe, ka nohi Gilead. Mana tei ne cheke eghu ka King Ehab, “Iara nogna mae gloku Lord, nodi God mae Israel te karha te tifa. Ka nanghagna Lord iara na cheke fadoglo ari ka iagho, ginauna na theome nakhete keha finogha. Jare ginauna theo kaisei nakhete ba nabubla nate soru mei na ghilei chekeni iara na teke soru mei nakhete na.”

Ululahu Kings 17:1 ပူးပေါင်းရင်းမြစ်များ

Jemes 5:17

Tahati laseni eigna mae profet Elija ia. Mana kaisei mae jateula tahati eghu kolho. Nu mana neke tarai heta ka God mala theome soru nakhete ka nauthoglu gne. Aonu theome nakhete naba thilo finogha namno nhigra.

Luku 1:17

Mana ginauna mala kulu tei ke ulugna Lord, eghu ka nogna nanheta nei nolaghi eghu God na mana jateula ngau mae profet Elija eghu. Mana mala loku fodudi mae kmadire ka mae thudire. Mana mala ke hata fapulodi iheire teke tutufu kau nabrou gaoghatho te doglo. Jaola, mana mala kulu tarabana naiknore malagna God.”

Ululahu Kings 22:14

Nu mae Maekaea ne cheke eghu, “Ka nanghagna Lord mae ihei te karha te tifa, iara ginauna cheke fadoglo ari kolho ka iagho unha teke chekeni Lord ka iara na.”

Fapea Kings 3:14

Aonu mae Elisa ne cheke eghu ka mae Joram, “Iara kaisei nogna mae gloku Lord mae ihei te au nolaghi fateote'o. Eghuteuna ka nanghagna mana, iara na cheke fadoglo ari ka iagho, jame theome au balumu iagho king Jehosafat gne meuna, iara ginauna theome togho nigho. Nu iara ginauna togho nigho, naugna iara ne ghatho tahuni King Jehosafat.

Thakle 11:6

Phei mae igre au nodi nolaghi te mala fothini maloa gne te mala theome soru mei nakhete kate toutonuni teu phiamare chekegna God na. Eghuteuna phiamare jaola au nodi nolaghi te mala figri khoꞌu na teke vuhai dadara na. Phiamare au nodi nolaghi te mala kuru meidi thua nafnata papara ka nauthoglu igne. Phiamare tangomana te eni igne niha fata phiamare te magnahagheni na.

Letas Teke Riso Tei Mae Pol Ka Khiloau Rom 11:2

God theome tangomana te susukudi nogna naikno teke kulu vavahi mana tifa re. Ghotilo lasenihi thoutonu eigna mae Elija ka grioriso te blahi ia, eigna mana neke susukudi naiknodi Israel re neke cheke faheta eghu ka God,

Luku 21:36

Eghuteuna ghotilo mala tarabana fabrahu. Tarai fabrahu eghu mala tangomana ghotilo te nheta teu te mala nabami te kafe rikhadi glepo te diꞌa fara nate mei ginau igre. Jaola ghotilo tarai fabrahu mala tangomana te mei kegra ke ulugu iara mae teke mei funu ka God.”

Luku 9:30

Eghuteuna phei mae megei nga ne thakle mei, mae Moses ghe mae Elija. Phiamare ne phae ka siasigla gna nogna nolaghi biꞌo God na ne toutonu neu balugna mae Jisas eigna narane te mala jifla kokoni mana nauthoglu igne, nei glepo teke ghathoni God na ginauna edi Jerusalem.

Matiu 7:29

Naugna mana theome nanaba ka nodi farirhiu hatimare mae velepuhigna vetula nogna mae Moses. Nu mana ne farirhiu balu nolaghi.

Ululahu Kings 18:1

Ka fatilo finogha te theome nakhete igre, Lord ne cheke eghu ka profet Elija. “Iagho tei filoni King Ehab. Eigna iara ginauna na theome raugha na kuru meini nakhete na.”

Diutronomi 10:8

Eghuteuna ka narane tuana, Lord neke vahini vikegna mae Livae mala palagna nogna Bokis Blahi Nhaꞌa cheke Lord na. Eghuteuna mae igre loku ka Suga Tapuale te Blahi na nei mala fablahidi naiknore ka nanghagna Lord. Igre nodi gloku mare te mei posa gognarogne.

Mae Khuru 27:23

Naugna bongi na kaisei nogna engel nogu God mae ihei te loku ranghini iara gne ne mei kegra rhegu iara

Luku 1:19

Engel na neke cheke fapulo ka mana, “Iara Engel Gabriel. Iara kegra ke ulugna God, nu mana kuru mei ghau iara ka iagho mala toutonu ranghi nigho iagho u nonomho te keli igne.

Ululahu Kings 18:15

Nu mae Elija ne cheke eghu ka mana, “Iagho thosei mhaghu. Iara nogna mae gloku Lord mae ihei te au nolaghi fateote'o te karha te tifa. Tutuani fara, ka nanghagna Lord, King Ehab ginauna filo ghau iara ka narane gognarogne.”

Ululahu Kings 18:10

Ka nanghagna Lord mae ihei te karha te tifa, iara thofno cheke kate tutuani ka iagho, King Ehab neke kurudi nogna mae glokure mala tei tongana ka kantri te gnafa ka nauthoglu igne mala hiro nigho iagho. Jame kaisei mae king chekeni te thosei au iagho ka nogna kantri na teuna, mana na eni kaisei cheke te nheta fara mala laseni te tutuani nogna cheke mana igne.

Jajis 12:4

Aonu Jefta ne kilo fodudi nogna armigna Gilead ne magra ka vikegna Efrem ne falehedi mare. Mana ne eni igne naugna vikegna Efrem igne ne cheke fapari eghudi mare, “Ghotilo vikegna Gilead igre tharuma'ei fara te mei au ka nodi namono Efrem ghe Manase!”

Jone 1:25

mare ne ghusna eghu ka mae Jone, “Jame iagho te theome mae Kraes nei theome mae Elija nei theome mae profet teuna. Naugna unha iagho te faꞌapublahi naikno gnea?”

Jone 1:21

Mare neke ghusna eghu ka mana, “Eghume mae ihei eghu sagho? Ba, iagho mae Elija?” Mana ne cheke eghu ka mare, “Theo, iara theome mae Elija.” Hatimare neke ghusna fapuloi ka mana, “Ba, iagho mae profet te ofoni teu ghehati gne?” Mae Jone ne cheke eghu ka mare, “Theo, iara theome mae profet tuana.”

Luku 9:54

Kate filoni igne, mae Jemes ghe mae Jone ne cheke eghu ka mae Jisas, “Lord, iagho magnahaghei ghami ghepa te chekeni khaꞌaghi na mala soru mei funu kligna mala roꞌedi naikno tuare?”

Luku 9:33

Kate namo jifla mae Moses ghe mae Elija na, mae Pita ne cheke eghu ka mae Jisas, “Velepuhi, thofno keli fara te au tahati agne na. Ghetilo na horo thilo grorofe agne, kaisei malamu iagho, kaisei malagna mae Moses, nei kaisei malagna mae Elija.” Mae Pita ne cheke eghu eigna mana theome laseni gaoghathogna unha te chekei na.

Matiu 27:49

Nu keha naikno ne cheke eghu, “Khudau mala filo nodani glahula mei mae Elija fakarhini mana!”

Matiu 27:47

Keha naikno te kegra teu jare na ne nomhini igne ne cheke eghu, “Tore! Mana kiloni mae profet Elija!”

Matiu 16:14

Mare ne cheke eghu ka mana, “Keha naiknore te chekei na iagho mae Jone Apublahi, eghuteuna keha naiknore te chekei na iagho mae profet Elija. Keha naiknore te chekeni na iagho mae profet Jeremaea, ba kaisei mae ka hatimare mae profet di tifa ra.”

Matiu 11:14

Nu te fatutuanidi ghotilo unha te chekedi mare igre, keli fara, ghotilo laseni mae Jone Apublahi gne ngala teke chekeni mae profet tifa ra, mae Elija na nake pulo mei tekunia.

Profet Jeremaea 15:19

Aonu Lord ne cheke eghu ka iara, “Nou cheke iagho igre fameomekro kolho. Jame figri iagho gaoghathomu na teke figri mei ka iara na, iagho ginauna nake nogu mae gloku iara. Eghuteuna jame te toutonuni iagho chekegu iara te keli igne ka naiknore, iagho ginauna na jateula foflogu eghu iara.

Profet Isaia 49:18

Ghotilo filo tafri mala filoni unha nate eni gognarogne! Kherami ghotilore ginauna nake pulo mei! Iara Lord mae ihei te karha te tifa te chekeni ka ghotilo igne, ghotilo ginauna glealeꞌa fara ka mare, jateula gaꞌase te tarabana te mala tolaghi, eghuteuna naꞌa glealeꞌa ka glepo te lalaoni naꞌa ra eghu.

Fapea Kings 5:16

Nu mae profet ne cheke eghu, “Theo. Iara nogna mae gloku Lord mae ihei te karha te tifa. Ka nanghagna mana, iara cheke kate tutuani, iara na theome hata kaisei glepo ka iagho.” Neuba Naman heta fara ka mae Elisa te mala hata namha na, nu mae Elisa ne theome magnahagheni ne theome hata.

Ululahu Kings 17:2

Eghuteuna Lord ne cheke eghu ka mae Profet Elija,

Ululahu Kings 17:12

Eghuteuna gaꞌase igne ne cheke eghu ka mana, “Thono kokhoni ghita fara! Ka nanghagna Lord nou God mae ihei te karha fabrahu te tifa te tifa, iara theo kaisei bret. Iara au kaisei kapu flaoa, nei katha oel eghu kolho. Iara mei hata katha gaju mala gahu katha gano tuana mala ghamu ghepa thugu. Tuana ngala leghu lahu gna ghemi gano ghepa na, jau ke leghu na ghepa ginauna lehe.”

Fapea Kings 1:3

Nu nogna engel Lord na mei ne cheke ka mae profet Elija, maegna Tisbe mala tei thafodi nogna mae gloku king gna Samaria, eigna mana kurudi mare mala tei Ekron. Eghuteuna engel ne cheke ranghini mae Elija mala cheke eghu mana ka mare, “Tore, naugna unha si ghotilo te magnahaghei tei toreni Baal-Sebub nodi god naiknodi Ekron grea? Ba, ne theo kaisei God te au agne Israel na?

Fapea Kings 5:20

mae Gehasi, nogna mae gloku mae Elisa igne ne ghaoghatho eghu ka nagnafagna thegna na, “Nogu mae funei iara gne snakreni mae Naman maegna Siria igne neke tei kolho. Mala unha si mana te theome hata glepo teke magnahaghei tufa mae Naman ka mana ra? Ka nanghagna Lord te karha te tifa, iara cheke tutuani fara, iara na ngolho tei ke leghugna mae Naman, eghuteuna iara ginauna hata keha glepo ka mana.”

Fapea Kronikols 6:26

“Jame te theome nakhete naugna nou naikno iagho gre ne tapla jafra ka nakhibo ranghi nigho iagho. Nu jame te tarai mei mare ka Sugablahi igne, eghuteuna fafnaknoni nanghamu iagho na, eghuteuna ke figri mare gaoghathodire me koko nakhibo igre naugna te paradi iaghore teuna.

Thoutonu Eigna Mae Job 12:15

Jame te loku fapulo mana nakhete na, nauthoglu igne ginauna na jateula kaisei namono nagou eghu na theo khoꞌu. Eghuteuna jame te snakredi mana khoꞌu biꞌo gre te britha na, ginauna na goigonidi gobigna lepore.

Profet Isaia 5:6

Iara ginauna lisa lao ka gnarho fachuchuru mala thafru ka vido igne, eghuteuna iara ginauna theome snakreni nakhete na mala soru mei ka nagare igne. Iara ginauna lisa lao vido igne mala vuhai namono nagou kolho.”

Profet Jeremaea 14:22

Ba, nodi god mae bongihehe igre au nolaghi te mala snakre mei nakhete ka ghehati na? Ba, maloa thegna kolho te au nolaghi te mala snakre mei nakhete ka ghehati na? Thono theo fara! Lord nomi God, kaisei iagho kolho te tangomana na. Ghehati fatutuani nigho iagho kolho, naugna iagho kolho te tangomana te edi gobigna lepore.

Profet Jeremaea 28:8

Funu tifa te ghilei mei posa ka narane igne, mae profet igre mare neke cheke eidi narane mala magra, narane hoholo biꞌo, narane mala fogra biꞌo teu igre mala kafe thokedi naikno te kmana ka namono nei kantri.

Profet Hagae 1:10

Ka puhi igne, iara theome snakre mei nakhete gne te theome karha fakeli ghemi gano ghotilo are.

Ululahu Kings 8:35

“Glahu te theome nakhete naugna nou naikno iagho gre tapla jafra ka nakhibo ranghi nigho iagho. Nu mare na tarai mei ka Sugablahi igne, mala cheke fakelini nanghamu iagho na. Eghuteuna mare na tughu nagnafa nei koko nakhibo eghu naugna iagho neke paradi mare.

Fapea Kings 4:38

Kaisei fata, narane te theo gano na ne thoke mei ka kantri Israel. Eghuteuna naiknore ne theome naba ghedi gano. Eghuteuna ka narane igre mae Elisa neke pulo Gilgal. Kaisei narane keha mae profet mei ne thafoni mana jare, eghuteuna mare gnokro soru ne fanomho ka mana. Mana ne chekeni kaisei nogna mae gloku mala nhaꞌa lao suspen biꞌo na ka khaꞌaghi na mala gahu susupu maladi hatimare mae profet.

Fapea Kronikols 21:12

Profet Elija fatei kaisei letas ka King Jehoram. Mana ne cheke eghu, “Lord nogna God kuꞌemu iagho Devet ia, mana ne cheke eghu ka iagho, ‘Kmamu iagho King Jehosafat, ghe kuꞌemu iagho King Asa ra, phiamare neke leghuni puhi te keli na, nu iagho theome leghuni puhi te keli na.