Ululahu Kings 16:8 - Buka Blahi Ka Cheke Holo

⁸ Ka varadaki namno finogha te king mae Asa Juda igre, Ela thugna mae Basa igne ne kegra king gna Israel. Mana neke king ka namono Tiasa phei finogha.

Ululahu Kings 16:8 ပူးပေါင်းရင်းမြစ်များ

Ululahu Kings 15:16

Ka narane King Asa te king Juda igre, King Basa neke king Israel, phiamare magra koba.

Ululahu Kings 16:7

Chekegna Lord na ne mei ka mae profet Jehu mala tei cheke ka King Basa nei tharaknagna, eigna Lord ginauna goigonidi mare. Naugna King Basa gne neke edi kmana glepo te thono diꞌa fara te theome doglo ka tathagna Lord jateula King Jeroboam nei tharaknagna teke edila tifa ra. Igre nafnata puhi te thono diꞌatagnadi fara Lord. Naugna Basa jaola neke falehedi vikegna Jeroboam.

Ululahu Kings 16:9

Simri kaisei mae komanda, mana mala magra ka King Ela. Mae Simri mae funeigna kaisei nogna tothoghei chariot. Aonu mae Simri ne hironi kaisei nabrou te mala faleheni King Ela. Kaisei narane, king au neu Tiasa, mana koꞌu waen neu ka sugagna mae Arasa mae ihei te mae biꞌo ka sugagna king.

Proveb 28:2

Kate magra farithedi naikno gna kaisei kantri, ginauna au kmana mae biꞌo, nu mae te autagna gaoghatho te keli nei lalase teuna ngala te mae biꞌo kantri na, mana ginauna eni kantri igne mala kegra heta.

Ululahu Kings 15:33

Ka fatilo finogha gna mae Asa te king gna Juda igne, mae Basa thugna King Ahaeja te king gna Israel na. Basa neke king ka namono biꞌo Tiasa varadaki fati finogha.

Ululahu Kings 16:6

Kate lehe mana na, mare ne giugiluni mana Tiasa. Thugna mana mae Ela neke king tughuni mana na.

Ululahu Kings 16:15

Ka varadaki fitu finogha te king mae Asa Juda igre, mae Simri ne king Israel ne au soru Tiasa, eghuteuna mana ne king fitu narane kolho. Ka narane tuare, armi gna Israel na mei ne kegra faligohoni namono biꞌo Gibeton ka kantri Filistia mala magra.

Ululahu Kings 16:21

Ke leghugna te lehe mae Simri igne, vikegna Israel na ne fnota pea ka phei tothoghei. Kehare magnahagheni mae Tibni thugna mae Genat te mala king gna Israel. Eghuteuna kehare magnahagheni mae Omri te mala king gna Israel na.

Ululahu Kings 16:23

Ka tolufulu kaisei finogha te king mae Asa Juda igre, mae Omri ne king Israel. Mana neke king nabotho phei finogha, ulu lahu na mana au neke king ka namono biꞌo Tiasa nabagna namno finogha.

Fapea Kings 15:14

Ka narane tuare, mae Menahem thugna mae Gadi igne jifla Tiasa ne mei Samaria, eghuteuna mana ne aknu faleheni mae King Salum neke king thegna tughuni mana.

Fapea Kings 15:23

Ka glimafulu finogha te king mae Asaraea Juda igre, King Pekahaea thugna King Menahem igne neke king Israel. Mana neke king ka namono biꞌo Samaria phei finogha.

Fapea Kings 21:19

Mae Amon neke varadaki phei finogha gna kate king mana na, eghuteuna mana neke funei Jerusalem phei finogha kolho. Idogna mana na neke Mesulemet, thugna mae Harus maegna ka namono Jotba.