Ululahu Kings 16:7 - Buka Blahi Ka Cheke Holo

⁷ Chekegna Lord na ne mei ka mae profet Jehu mala tei cheke ka King Basa nei tharaknagna, eigna Lord ginauna goigonidi mare. Naugna King Basa gne neke edi kmana glepo te thono diꞌa fara te theome doglo ka tathagna Lord jateula King Jeroboam nei tharaknagna teke edila tifa ra. Igre nafnata puhi te thono diꞌatagnadi fara Lord. Naugna Basa jaola neke falehedi vikegna Jeroboam.

Ululahu Kings 16:7 ပူးပေါင်းရင်းမြစ်များ

Profet Hosia 1:4

Ke leghugna igne, God ne cheke eghu ka mae Hosia, “Iagho na kiloni thumu na, Jesrel. Gaoghathogna Jesrel teu igne, God ginauna joꞌu soru lamna glose. Naugna iara na theome raugha na parani tharaknagna mae Jehu eidi naikno te lehe ka namono Jesrel tifa ra. Eghuteuna iara ginauna fagnafadi mae king igre mala theo kaisei mae ka vikegna mae Jehu nate funei fruni ni kantri Israel.

Profet Isaia 2:8

Nodi namono mare igre jaola fodu ka mumuju, eghuteuna mare tarai ka mumuju teke horo kolho thedi tuare.

Nodi Khoje Hatimare Mae Jiu 115:4

Nu nodi god naikno bongihehere neke edi kolho ka silva nei gol.

Ululahu Kings 14:14

“Lord ginauna vahini kaisei mae mala king gna Israel. Eghuteuna king igne ginauna fagnafani tharaknagna King Jeroboam. Uve, gognaro na glepo igre la thofno thoke mei tutuani.

Mae Khuru 2:23

God neke leghuni nogna gaoghatho teke kulu nanhaꞌa tifa na ne snakreni mana mala lokini ghotilo. Eghuteuna ghotilo ne faleheni mana kate snakre lao ghotilo ka khamedi mae te diꞌa ra mala tupijuruni mare kau gaju fafatha.

Eksodas 20:5

Thosei tuturupuku soru tarai ka mumuju god nei keha tothoghaledi keha god delei. Naugna kaisei Iara ngala nou Lord nei God teu ghotilo te mala loku ranghini na. Iara ginau na theome keli tagu ka naikno te tuturupuku soru te tarai ka mumuju ba tothoghale igre. Jame te theome magnahaghei ghau iara ghotilo na, iara ginau na para ghami ghotilo eigna u nakhibo te eni ghotilo tuana. Theome ka ghotilo kolho eghu, nu iara ginau na jaola na paradi goro thumi, grami nei fapea grami teu ghotilo are.

Ululahu Kings 16:8

Ka varadaki namno finogha te king mae Asa Juda igre, Ela thugna mae Basa igne ne kegra king gna Israel. Mana neke king ka namono Tiasa phei finogha.

Fapea Kings 17:13

Lord neke kuru fajifladi nogna mae profet mala tei cheke eghu ranghidi naiknodi Israel nei Juda, “Ghotilo lilisei puhimi te diꞌa re, eghuteuna leghuni nogu cheke iara te au ka nogu vetula iara teke tusu lao iara ka kuꞌemi ghotilo tifa ra, eghuteuna nogu mae gloku iara hatimare mae profet ra neke mei toutonuhi ka ghotilo.”

Fapea Kronikols 16:7

Ka narane igre, Profet Hanani tei ne filoni King Asa, ne cheke eghu ka mana, “Naugna iagho ne theome fatutuani Lord nou God, nu iagho fatutuanini kolho king gna Siria, eghume iagho ginauna thoke nigho puhi biꞌo naugna nogna armi king gna Siria igne na rikha nigho.