Ululahu Kings 16:2 - Buka Blahi Ka Cheke Holo

² “Ghema Basa, tifa na iagho neke kaisei fiti mae kolho, nu gognarona iara neke vahi nigho iagho mala king ranghidi nogu naikno iara te au Israel igre. Nu iagho tapla jafra fabrahu ka nakhibo jateula teke eni King Jeroboam tifa ia neu. Eghuteuna iagho jaola batudi naiknodi Israel igre ka nakhibo. Igne te thono diꞌataguni fara iara ka iagho na.

Ululahu Kings 16:2 ပူးပေါင်းရင်းမြစ်များ

Ululahu Kings 15:34

Mana jaola ne leghuni puhigna King Jeroboam te thono diꞌa fara na. Mana ne tapla jafra ka nakhibo ka tathagna Lord, eghuteuna mana jaola batudi naikno di Israel ka nakhibo.

Ululahu Kings 14:7

Iagho tei cheke ka mae Jeroboam eigna unha te chekeni Lord, nodi God maedi Israel, ‘Iara neke vahi nigho iagho ka naikno igre mala nodi mae mala batudi naiknodi Israel.

Ululahu Samuel 2:8

Mana tangomana te pala haghe nakarhadi mae te kuma re. Uve, mana tangomana te kuru teidi iheire te au ka nakarha te diꞌa. Mana tangomana te toghodi mare mala kheradi mae funei, eghuteuna mana tangomana te fafnaknodi mare, mala gnokro mare baludi goro mae biꞌo. “Mana tangomana te edi glepo igre naugna famamhaku gna nauthoglu igne au ka khamegna mana kolho, mana neke fakegra hagheni nauthoglu igne ka thina te maku igne.

Luku 1:52

Mana ne nhaꞌa sorudi mae funeire ka nodi sape nafnaknore, eghuteuna ke nhaꞌa haghedi mae iheire teke nhaꞌa faparidi thedire.

Matiu 5:19

Eghume, ihei te huhughuni kaisei phugra cheke ka vetula na, eghuteuna jaola meke farirhiudi keha naiknore mala ke huhughunila vetula na teuna, naikno tuana ginauna pari lahu ka naikno te funei frunidi God re. Eghuteuna ihei te leghuni vetula na eghuteuna jaola meke farirhiudi la keha naiknore mala leghuni la vetula na teuna, naikno tuana ginauna mae biꞌo lahu ka naikno te funei frunidi God re.

Ululahu Kings 15:26

King Nadab jateula kmagna neu ne leghuni puhi te diꞌa na ne batudi naiknodi Israel ka puhi nakhibo.

Ululahu Kings 14:16

Lord ginauna lisa koko ghita, naugna King Jereboam ne tapla jafra ka nakhibo, eghuteuna mana batudi naiknore mala jaola tapla jafra tahati ka nakhibo.”

Ululahu Samuel 26:19

Nogu funei nei nogu king, iagho fanomho ka cheke nate chekeni iara igne. Jame teke gaoghatho Lord te mala diꞌatamu iagho ka iara na, kaisei fafara jame teke figrini gaoghathogna mana na mala teke keli ka iara na. Nu jame teke keha maei kolho te eni ka iagho te mala diꞌatamu ka iara na, lisa lao ka Lord mala thoke mei puhi biꞌo ka mare. Naugna mare ne khi fajifla ghau iara ka namono gna Lord na, eghuteuna mare eni igne mala tei tarai iara ka keha god delei.

Ululahu Samuel 2:24

Ghopa koko puhi te diꞌa tuare! Puhi te edi ghopa tuare, nogna naikno Lord igre toutonudi re thono diꞌa fara!

Eksodas 32:21

Moses ne cheke eghu ka Eron, “Unha teke edi naikno gre ka iagho na mala batudi iagho ka nakhibo biꞌo te thono diꞌa fara igne?”

Profet Jeremaea 7:18

Goro suara salo gaju mei, eghuteuna mae kmadira eꞌei khaꞌaghi, eghuteuna idodira ngigno flaoa mala eꞌei bret mala fafara ka god gaꞌase Kuin Gna Kligna. Mare jaola toatofa waen ka keha god te mala pogho soru mare tadi re. Mare edi igre mala goigoni ghau iara kolho.