Ululahu Kings 15:5 - Buka Blahi Ka Cheke Holo

⁵ Naugna King Devet neke eni unha te doglo ka tathagna Lord na, eghuteuna mana theome huhughuni kaisei nogna cheke mana ka nakarhagna na. Kaisei glepo te diꞌa kolho teke eni mana ka mae Uraea, vikegna mae Het.

Ululahu Kings 15:5 ပူးပေါင်းရင်းမြစ်များ

Ululahu Kings 14:8

Ulu lahu na, iara neke hata fadelei ka vikegna king Devet nolaghi te mala funei frunidi naiknore neke tusu ari ka iagho. Nu iagho theome jateula nogu mae gloku iara mae Devet mae ihei teke thofno leghu ghau iara fabrahu ia eghu. Mana neke leghudi nogu cheke iara re, eghuteuna edi gobigna lepo te doglo ka tathagu iara na.

Luku 1:6

Nu puhidi repa igre doglo fara ke ulugna God, naugna repa ne thofno leghudi nogna vetula nei farirhiu teu God re.

Ululahu Kings 9:4

“Iagho mala leghuni kolho puhigu iara te doglo gne, jateula kmamu King Devet tifa ia eghu. Iagho mala leghudi nogu vetula iara gre, eghuteuna edi gobigna lepo teke chekedi iara ka iagho ra.

Mae Khuru 13:36

“Uve, kate karhagna tekeu mae Devet na, mana neke eni unha teke magnahagheni God na. Nu kate lao te lehe na, mare ne giugiluni mana baludi mae ku'egna re, eghuteuna thinigna mana na neke boto ngala ka gluma na.

Mae Khuru 13:22

Ke leghugna igne, God neke hata fadeleini mae King Sol eghuteuna ke vahini mae Devet mala ke mae king tughuni mana. Igne unha teke chekeni God eigna mana na, ‘Iara filo glanini mae Devet thugna mae Jesi. Mae igne ngala nafnata mae te magnahagheni iara na. Mana ginauna na edi gnafa unha mala edi mana teku iara re.’

Nodi Khoje Hatimare Mae Jiu 119:6

Jame te fanomho fakeli iara ka nou famane cheke iagho re meuna, naiknore ginauna theome tangomana te famamaja ghau iara na.

Nodi Khoje Hatimare Mae Jiu 51:1

God, kokhoni ghau iara, eigna nou namha nei nou lolokeli teu iagho ranghidi naiknore thofno biꞌo fara. Hata fadeleidi sagho puhigu iara te diꞌa gre.

Fapea Kronikols 34:2

King igne mana edi glepo te doglo re ka tathagna Lord, eghuteuna mana leghudi koba nogna baubatu te keli teke edi kuꞌegna King Devet tifa ra, nei edi fabrahu kolho unha glepo te doglo.

Fapea Kings 22:2

Mae Josia neke eni unha te doglo ka tathagna Lord na, eghuteuna mana neke leghuni fabrahu puhigna King Devet, mae kuꞌegna tifa ia, eghuteuna mana neke theome figri lao fei nheta ba fei maeri, nu mana neke eni kolho unha te doglo na.

Ululahu Kings 15:3

King Abaeja leghuni puhigna kmagna te diꞌa na. Mana theome ghatho tahuni Lord, nogna God na, jateula teke eni kuꞌegna King Devet tifa ia neku.

Diutronomi 17:20

Ka puhi igne mana ginauna theome fahaehaghe nei theome ghathoni ne keli fara thegna ne salaꞌudi kheragna Israel igre teuna. Eghuteuna mana ginauna theome ghatho ihoni nogna vetula Lord na. Jame te ghatho tahuni Lord mana na, mana ginauna king fabrahu kmana finogha, eghuteuna vikegna mana re ginauna jaola king fabrahu Israel.”

Nodi Khoje Hatimare Mae Jiu 119:102

Iagho themu ngala teke farirhiu ghau iara nou vetula na, eghume iara theome magnahaghei te lisa kokodi chekemu iagho re.

Ululahu Samuel 25:28

“Iagho atha fadelei najafragu iara nou gaꞌase gloku iagho gne. Lord ginauna vahi nigho iagho mala king, leghu fata na, mana ginauna vahini koba kaisei mae ka vikemu iagho na te mala king na, naugna iagho ne magra jateula te chekeni mana na neu. Nakarhamu iagho ginauna keli fabrahu jame te theome eni iagho kaisei puhi te diꞌa na.

Ululahu Kings 3:3

Neuba mae Solomon ne namhani Lord ne leghudi cheke te gnafa teke farirhiuni mae kmagna na. Nu mana jaola neke fafara nei gahu insens neku ka keha vido blahi ke kligna thogele.