Ululahu Kings 15:4 - Buka Blahi Ka Cheke Holo

⁴ Neuba, Lord ne ghathoni King Devet ne tusu ranghini mae Abaeja kaisei mae sitei nalhaꞌu mala tughuni mana Jerusalem mala king fruni Juda. Eghuteuna Lord ne reireghi fakelini fabrahu Jerusalem.

Ululahu Kings 15:4 ပူးပေါင်းရင်းမြစ်များ

Ululahu Kings 11:36

Iara ginauna snakreni thugna mana na mala funei frunini kaisei vike kolho, eghuteuna vikegna King Devet te mala funei fruni ni fabrahu Jerusalem. Igne namono teke vahini iara te mala pogho soruni ghotilo Nanghagu iara na.

Fapea Kronikols 21:7

Nu neuba, Lord theome magnahaghei te goigoni ni vikegna King Devet, naugna tifa na mana neke eni kaisei nhaꞌa cheke balugna King Devet. Te chekeni ka nhaꞌa cheke igne na, kaisei ka vikegna Devet igne te mala king fabrahu Juda, mala jateula kaisei juta eghu phae fabrahu.

Profet Isaia 37:35

Iara ginauna reireghini namono igne, uve, iara ginauna fakarhini Jerusalem. Naugna iara neke nhaꞌa cheke tifa ka nogu mae gloku King Devet.” Igne chekegna Lord.

Nodi Khoje Hatimare Mae Jiu 132:17

“Iara ginauna vahini kaisei mae ka mae iheire nate karha mei ke leghugna King Devet mala kaisei mae king biꞌo.

Nodi Khoje Hatimare Mae Jiu 18:28

Nogu Lord, iagho nogu juta iara, iagho hata fadelei gromno te toku tafru ghau iara igne.

Ululahu Kings 11:32

Nu mana ginauna funei fruni ni kaisei vike, naugna iara ne ghatho tahuni nogu mae gloku King Devet, eghuteuna iara ghatho tahuni Jerusalem, namono teke vahini iara na.

Ululahu Kings 11:12

Nu naugna teke ghatho tahuni iara mae kmamu iagho King Devet ia, iara ginauna na theome eni igne kate karha teu iagho na. Iara ginauna eni igne kate kegra king thumu iagho na.

Jenesis 12:2

“Iara ginauna na fabruarani vikemu iagho gne mala thovu. Eghuteuna iara ginauna na fablahi nigho nei naiknore ginauna na lase nigho iagho kaisei mae biꞌo fara. Eghuteuna keha naiknore ginauna na cheke fakeli nigho iagho, na cheke eghu fari thedi, ‘God na fablahi nigho jateula teke eni mana ka mae Ebram tifa ia eghu.’

Thakle 22:16

“Iara mae Jisas, iara neke kuru ari ka ghotilo nogu engel na mala toutonudi glepo igre ka ghotilo te au ka khiloau are. Iara neke karha mei ka vikegna mae kuꞌeda Devet. Iara jateula nathunu rane te siasigla ia eghu.”

Letas Teke Riso Tei Mae Pol Ka Khiloau Rom 11:28

Naugna mae Jiu gre mare tirodini u Nonomho te Keli na, mare nogna naoka God. Eghuteuna igne togho ghami ghotilo iheire te theome Jiura. Nu naugna nogna nhaꞌa cheke teke eni mana ka mae ku'edi mae Israel ra, God namhadi fara iheire mana teke vahidi.

Jone 8:12

Ke leghugna igne, mae Jisas ne cheke eghu ka naiknore, “Iara jateula u naphae eghu ka naiknogna nauthoglu igne. Ihei te leghu ghau iara na, mana ginauna theome totokhei kate romno na, nu mana na au kau naphae mala filoi u nabrou te karha na.”

Luku 2:32

Mana jateula kaisei juta eghu mala faphaedi naikno te theome mae Jiure mala filo glani nigho mare. Mana ginauna jaola hata mei nafnakno ka nou naikno Israel.”

Matiu 16:18

Eghume te chekeni iara ka iagho na, iagho mae Pita jateula kaisei thina eghu. Kate babana iara nogu khiloau na, thina igne ginauna na famamhaku hi. Eghuteuna, nogna nolaghi glehe na ginauna na theome tangomana nate tapla soruni nogu khiloau iara na.

Profet Jeremaea 33:2

Profet ne cheke eghu, “Lord mae ihei teke ghaoghaho nei vuavuha teku nauthoglu igne. Nanghagna Lord! Mana neke cheke eghu:

Profet Isaia 62:7

Tutuani, mare na theome gnafa ghilei ke eni fapulo Lord namono biꞌo Jerusalem. Ka puhi igne, naikno te gnafa ka nauthoglu igne ginauna ghatho tahuni namono biꞌo igne.”

Profet Isaia 14:32

Jame te kuru mei mare keha mae soldia ka tahati, tahati na cheke eghu ka mare, “Lord neke vahini Jerusalem mala nodi vido keli mala poru nogna naikno teke au papara ra.”

Profet Isaia 9:7

Puhigna mana te mala funei frunidi nogna naiknore ginauna thofno keli fara. Eghuteuna namono aheva te funei fruni mana igne ginauna au ka pharikeli fabrahu. Uve, mana ginauna kaisei king ka vikegna King Devet. Nogna nolaghi nei puhigna teu mana te mala fatedi naiknore ginauna au fabrahu tifa tifa. Lord, iagho au nou nolaghi fateote'o, eghuteuna iagho au nou gaoghatho rheta te mala edi gobigna lepo te magnahaghedi iagho themu re.

Nodi Khoje Hatimare Mae Jiu 87:5

Eghuteuna naiknore ginau cheke eghu eigna Saion, “Naikno ka kantri te gnafa igro neke jifla mei ngala ka vido igne.” God mae ihei te fnakno na ginau fanhetadi naikno te au ka namono tuana.

Fapea Samuel 21:17

Nu mae Abisae thugna Seruia igne mei ne toghoni King Devet ne faleheni mae te biꞌo fara jateula goigholi teu te nheta fara ka magra igne. Ke leghugna igne, nogna soldia mae Devet igre ne nhaꞌa cheke eghu, “Iagho thosei mei balumi ghehati ka magra. Eigna iagho jateula nodi juta eghu mae Israel, eghume ghehati theome snakreni kaisei naikno te mala falehe nigho iagho na.”

Diutronomi 4:37

Naugna mana neke namhadi fara kuꞌemi ghotilo tifa ra, mana neke vahi ghami ghotilo mala nogna naikno mana. Eghume ka nogna nolaghi mana, mana neke hata fajifla ghami Ijep.

Jenesis 26:5

Iara ginauna eni igne naugna mae kmamu iagho Ebraham ia neke nomhidi nogu cheke iara re nei leghudi nogu vetula te gnafa iara gre neku. Naugna igne iara ginauna na fablahi nigho iagho.”

Jenesis 19:29

Aonu kate roꞌedi te gnafa namono teke au ka sare na igre, God neke ghathoni unha teke toreni mae Ebraham eidi naikno te doglo ra ne fakarhi ni mae Lot. Nu mana ne roꞌeni namono aheva teke augna mana na.