Ululahu Kings 15:30 - Buka Blahi Ka Cheke Holo

³⁰ Glepo igne neke thoke mei ka tharaknagna King Jeroboam, naugna Lord God gna Israel igne neke diꞌatagna fara ka King Jeroboam ka nakhibo nei ka puhi te batudi mana naiknodi Israel ka nakhibo.

Ululahu Kings 15:30 ပူးပေါင်းရင်းမြစ်များ

Ululahu Kings 15:26

King Nadab jateula kmagna neu ne leghuni puhi te diꞌa na ne batudi naiknodi Israel ka puhi nakhibo.

Ululahu Kings 14:22

Naiknodi Juda igre ne edi glepo te diꞌa fara ka tathagna Lord. Kate edi mare nakhibo igre diꞌatagna Lord na thono brana fara tei salaꞌudi puhi te diꞌa teke edi kuꞌedi mare tifa ra.

Ululahu Kings 13:34

Igne nakhibogna mae Jeroboam, eghuteuna nakhibo igne ne goigoni vikegna mana na. Eghuteuna mare te gnafa ka vike igne ne kafe lehe.

Ululahu Kings 16:13

Puhi igre ne thoke mei, naugna King Basa ghe thugna mana Ela igre ne tapla jafra ka nakhibo, eghuteuna phiamare batudi naiknodi Israel gre ka nakhibo. Eigna mare ne pogho soru ka mumuju god. Eghuteuna Lord na thono diꞌatagna fara ka glepo te diꞌa te edi mare igre.

Ululahu Kings 21:21

Eghume, igne unha te chekeni Lord eimu iagho na, ‘Iara ginauna snakre ari puhi biꞌo mala thoke nigho iagho. Iara ginauna falehe nigho iagho baludi naikno te gnafa ka vikemu iagho are.