Ululahu Kings 15:14 - Buka Blahi Ka Cheke Holo

¹⁴ Neuba mana ne theome paꞌe soru nodi vido blahi keha god re, nu ka nagnafagna na mana thofno ghatho tahuni fabrahu Lord ka nakarhagna na.

Ululahu Kings 15:14 ပူးပေါင်းရင်းမြစ်များ

Ululahu Kings 22:43

King igne mana ne eni unha te doglo ka tathagna Lord na, jateula King Asa mae kmagna tifa ia neu. Nu mana theome paꞌe soru nodi vido blahi mae bongihehe te au ke kligna thogele re, eghuteuna naiknore theome gnafa te fafara nei gahu insens teu jare na.

Ululahu Kings 15:3

King Abaeja leghuni puhigna kmagna te diꞌa na. Mana theome ghatho tahuni Lord, nogna God na, jateula teke eni kuꞌegna King Devet tifa ia neku.

Ululahu Kings 8:61

Nu ghotilo mala thofno ghatho tahuni Lord noda God. Ghotilo mala thofno ghatho tahudi mala leghudi nogna vetula nei nogna cheke teu mana re, jateula te edi ghotilo gognaro igre eghu.”

Fapea Kings 12:3

Neuba, mana neke theome goigoni nodi vido mala tarai mae bongihehe igre, naugna igne, naiknore ne theome gnafa te fafara nei gahu insens teu jare na.

Fapea Kronikols 14:5

Eghuteuna mana paꞌe soru nodi vido blahi mala tarai ka mumuju god, nei hata koko olta mala gahu insens ka namono te gnafa Juda. Aonu nogna naikno mana re ne au ka pharikeli.

Fapea Kronikols 14:3

Mana hata fadelei nodi olta naikno bongihehe, nei jaola ne fadidiꞌa nodi vido blahi te mala tarai mare ka mumuju god, nei paꞌe soru thina te brahu fara te blahi fara ka mare igne, nei kato soru nodi mumuju god gaꞌase Asera.

Fapea Kings 14:4

Eghume mana theome paꞌe soru nodi vido mala tarai mae bongihehe re, eghuteuna naiknore fafara nei gahu insens eghu fabrahu ka vido blahi igre.

Fapea Kronikols 25:2

King igne mana edi unha te doglo ka tathagna Lord, nu mana theome edi ka nagnafa gna fateote'o.

Fapea Kronikols 16:9

Leuleghu fata na Lord filo fabrahu ka vido te gnafa ka nauthoglu igne, eghuteuna mana tangomana te farhetadi naikno te leghuni mana re. Nu iagho theome leghuni mana fabrahu, eghume mae naokare ginauna mei magra ka nou kantri iagho igne.”

Fapea Kings 15:4

Neubane eghu ngau, mana theome lhotidi naiknore te tei tarai ka keha vido blahi are, eghuteuna naiknore tei fafara nei gahu insens eghu fabrahu ka nodi vido blahi mala fafara mae bongihehe.

Ululahu Kings 11:4

Kate kueku'e mana na, khetogna mana igre batuni gaoghathogna mana na mala tarai ka mumuju god. Gaoghathogna mana na theome ghatho tahuni Lord, nogna God na. Mana ne theome jateula King Devet, mae kmagna teke ghatho tahuni Lord.

Ululahu Kings 3:2

Ka narane igre naiknore fafara kolho ka vido blahi ke kligna thogele, naugna mare neke theome eni nga neku nogna Sugablahi Lord na.

Ululahu Kings 3:3

Neuba mae Solomon ne namhani Lord ne leghudi cheke te gnafa teke farirhiuni mae kmagna na. Nu mana jaola neke fafara nei gahu insens neku ka keha vido blahi ke kligna thogele.