Ululahu Kings 14:4 - Buka Blahi Ka Cheke Holo

⁴ Aonu khetogna mana na leghuni igne ne tei Saelo ka sugagna mae Profet Ahaeja. Gognaro na mae Ahaeja gne la khuekuꞌe farahi, eghuteuna phei tathagna re la dofuhi.

Ululahu Kings 14:4 ပူးပေါင်းရင်းမြစ်များ

Ululahu Kings 11:29

Kaisei narane mae Jeroboam ne jifla Jerusalem, eghuteuna profet Ahaeja maegna Saelo igne ne thafoni mana ka nabrou na ke kosi namono. Eghuteuna theo kaisei naikno te au teu jare na. Eghuteuna mae profet igne ne pipichi kolho ka kaisei pohe majaghani.

Ululahu Samuel 3:2

Eghuteuna jaola ka narane igre, mae Eli la kuekuꞌehi, eghuteuna phei tathagna re la diꞌahi, la theome tangomana hi te fifilo na. Kaisei bongi mana thuru neu ka nogna chogho na,

Eklesiasti 12:3

Ka narane tuare khamemi ghotilo are ginauna theome nheta nei fififri eghu. Eghuteuna ghahemi ghotilo are ginauna nigra, na theome nheta te mala nonolo na. Kheꞌimi ghotilo are ginauna na jaola brusu, eghuteuna phei thiloi kolho nate au na. Eghuteuna tathami ghotilo are ginauna na jaola diꞌa na theome filo fakeli.

Nodi Khoje Hatimare Mae Jiu 90:10

Nakarhami ghehati ka nauthoglu igne na thokeni kolho fitu salei finogha, jame te nheta thinimi ghehati gre na, ghehati ginauna thokeni kolho nhana salei finogha na. Neubane eghu ngau, kmana puhi nei diꞌanagnafa eghu thoke ghami ghehati. Uve, theome raugha ngala ghehati glehemi na.

Ululahu Kings 14:2

Aonu mae Jeroboam ne cheke eghu ka khetogna na, “Iara magnahaghei nigho iagho te lalaoni ka keha nafnata pohe te nhogri mala theome filo glani nigho mare te khetogna King Jeroboam teuna. Eghuteuna iagho tei Saelo mala filoni Profet Ahaeja. Mae tuana ngala teke vahi ghau iara te mala king gna Israel teku na.

Josua 18:1

Ke leghugna te magra te uludi nodi naokare, naiknodi Israel gre mei ne khapru ka namono Saelo ne lisei haghe nogna Suga Tapuale te Blahi Lord na ka vido igne.

Diutronomi 34:7

Mae Moses neke thokeni kaisei gobi varadaki finogha neke lehe nga. Mana nheta fabrahu, eghuteuna tathagnare jaola keli kolho.

Jenesis 48:10

Ka narane igne phei tathagna mae Jekop re la dofu hi naugna mana la mae khueku'e fara hi. Aonu mae Josep hata ne mei phei mae thugna re rhegna mana. Mae Jekop ne loku ka khamedi phia mae sitei re ne gnanghodi phia mare.

Jenesis 27:1

Kate la kueku'ehi tela dofuhi mae Isak phei tathagnare, mana ne ehani mae Iso, mae thugna ulu lahu na ne cheke eghu ka mana, “Thuguo.” Mae Iso ne cheke eghu, “Hoe, iara au teu ao.”