Ululahu Kings 14:16 - Buka Blahi Ka Cheke Holo

¹⁶ Lord ginauna lisa koko ghita, naugna King Jereboam ne tapla jafra ka nakhibo, eghuteuna mana batudi naiknore mala jaola tapla jafra tahati ka nakhibo.”

Ululahu Kings 14:16 ပူးပေါင်းရင်းမြစ်များ

Ululahu Kings 16:2

“Ghema Basa, tifa na iagho neke kaisei fiti mae kolho, nu gognarona iara neke vahi nigho iagho mala king ranghidi nogu naikno iara te au Israel igre. Nu iagho tapla jafra fabrahu ka nakhibo jateula teke eni King Jeroboam tifa ia neu. Eghuteuna iagho jaola batudi naiknodi Israel igre ka nakhibo. Igne te thono diꞌataguni fara iara ka iagho na.

Ululahu Kings 15:34

Mana jaola ne leghuni puhigna King Jeroboam te thono diꞌa fara na. Mana ne tapla jafra ka nakhibo ka tathagna Lord, eghuteuna mana jaola batudi naikno di Israel ka nakhibo.

Ululahu Kings 15:30

Glepo igne neke thoke mei ka tharaknagna King Jeroboam, naugna Lord God gna Israel igne neke diꞌatagna fara ka King Jeroboam ka nakhibo nei ka puhi te batudi mana naiknodi Israel ka nakhibo.

Ululahu Kings 13:34

Igne nakhibogna mae Jeroboam, eghuteuna nakhibo igne ne goigoni vikegna mana na. Eghuteuna mare te gnafa ka vike igne ne kafe lehe.

Ululahu Kings 12:30

Aonu naiknore ne tarai ka phei mumuju buluka igre. Ka puhi igne mana ne batudi naiknore mala tapla jafra ka nakhibo, eghuteuna neuba namono Dan gne ne thei brahu, naiknore tei jare mala tarai ka mumuju igne.

Letas Teke Riso Tei Mae Pol Ka Khiloau Rom 14:13

Naugna igne funu gognaro na, tahati thosei fateni kherada fofodu na. Eghuteuna fiofilo ghami themi, thosei eni kaisei glepo te mala batuni kheramu fofodu na ka nakhibo.

Matiu 18:7

Thono diꞌa fara naiknogna nauthoglu igne, naugna kmana glepo te batu fadiꞌadi nodi fatutuani naiknore. Glepo igre ginauna edi fabrahu ngala, nu thono diꞌa fara mae ihei te edi glepo igre.

Profet Maeka 6:16

Glepo igre ginau thoke ghami ghotilo, naugna ghotilo ne leghudi fabrahu puhidi phei king te diꞌa igre, King Omri ghe thugna mana King Ehab. Eghume iara ginauna goigoni namono igne, eghuteuna naikno te gnafa ka kantri gne mare ginauna ghatho fapari ghami ghotilo nei cheke fadiꞌa ghami ghotilo.”

Profet Jeremaea 5:31

Kate toutonu na, mae profet igre chaghidi naiknore. Hatimare mae pris jaola eni kolho unha te magnahagheni thedi na. Eghuteuna ghotilo nogu naikno iara gre thono magnahagheni fara puhi te eni mare igne. Nu iara ginauna fakokhoana ghami ghotilo, eghuteuna puhimi ghotilo te diꞌa igne ginauna hui. Eghuteuna ka narane igre unha nate eni ghotilo na?”

Profet Isaia 40:24

Mare jateula wit te aongala joꞌu nga, te kotu haghe nu theome rheta nga meu kolho teura eghu. Eghuteuna kate eni Lord nuri brana na te brana na te mala ghaghafa na, wit igre ginauna na mojadi lehe, eghuteuna nuri na pala tei jateula chara te flalo te teihi ra eghu.

Nodi Khoje Hatimare Mae Jiu 81:12

Eghume iara lisa laodi mala patu gama mare, mala eni mare unha te magnahagheni thedi na eghu.

Eksodas 32:35

Ke leghu, Lord ne kuru mei kaisei fogra biꞌo ne thokedi naiknore, naugna mare neke tarai ka mumuju gna buluka teke horo Eron ka gol igne.

Eksodas 32:21

Moses ne cheke eghu ka Eron, “Unha teke edi naikno gre ka iagho na mala batudi iagho ka nakhibo biꞌo te thono diꞌa fara igne?”

Eksodas 32:25

Moses filodi naiknore ne tei tafri kolho, naugna Eron neke theome fariuriu lhotidi naikno igre. Eghume ka tathadi nodi naokare mare mamaja nei thofno fameomekro eghu kolho.

Ululahu Kings 15:26

King Nadab jateula kmagna neu ne leghuni puhi te diꞌa na ne batudi naiknodi Israel ka puhi nakhibo.

Ululahu Kings 16:19

Mana ne lehe naugna mana ne tapla jafra ka nakhibo, eghuteuna jaola mana edi kmana glepo te theome doglo ka tathagna Lord na jateula teke edi King Jeroboam tifa ra neu. Eghuteuna mana batudi naiknodi Israel mala jaola tapla jafra ka nakhibo.

Ululahu Kings 21:22

Iagho thono fakabruni fara nagnafagu iara na, eghuteuna iagho jaola batudi naikno di Israel ka nakhibo. Eghume, vikemu iagho gre ginauna lehe jateula vikegna King Jeroboam, thugna mae Nebat ia eghu. Eghuteuna vikemu iagho igre ginauna dofidi jateula vikegna King Basa, thugna mae Ahaeja ia eghu.’

Fapea Kings 3:3

Neuba, mana leghuni puhigna King Jeroboam, thugna Nebat te diꞌa tifa ia neke batudi naiknodi Israel ka nakhibo.

Diutronomi 32:30

Ghathodi nogu ghusna iara gre. Faꞌunha eghu tangomana kaisei soldia kolho te uludi kaisei thogha mae ka magra na? Faꞌunha eghu tangomana phei soldia kolho te ngolhi teidi nabotho thogha mae ka magra na? Ghotilo mala filo glani tuana: Glepo igne na thoke mei naugna Lord nomi vido keli mala poru ghotilo naiknomi Israel igne tei koko ghami ghotilo.

Ululahu Kings 16:13

Puhi igre ne thoke mei, naugna King Basa ghe thugna mana Ela igre ne tapla jafra ka nakhibo, eghuteuna phiamare batudi naiknodi Israel gre ka nakhibo. Eigna mare ne pogho soru ka mumuju god. Eghuteuna Lord na thono diꞌatagna fara ka glepo te diꞌa te edi mare igre.

Ululahu Kings 16:27

Keha glepo te edi King Omri nei nogna nolaghi biꞌo te mala funei frunidi naiknore, mare neke rioriso soru ka Buka Eidi Glepo Teke Edi Hatimare Mae King Di Israel.

Ululahu Kings 22:53

Mana loku ranghini nei tarai eghu ka Baal. Aonu Lord, nodi God maedi Israel igne ne thono diꞌatagna fara ka mana, jateula teke eni ka kmagna mana tifa ia neu.

Fapea Kings 10:31

Nu King Jehu neke theome thofno leghu fakelidi nogna vetula Lord, nodi God mae Israel. Mana theome koko puhigna King Jeroboam te diꞌa tifa ra, eghuteuna mana neke batudi naiknodi Israel mala pogho soru ka phia mumuju buluka nalhaꞌudi igre.

Fapea Kings 13:2

Mae king igne jaola ne theome keli ka tathagna Lord na, eghuteuna mana batudi naiknodi Israel ka nakhibo. Mana theome ke tughu puhigna te diꞌa na jateula King Jeroboam thugna mae Nebat tifa ia neu.

Fapea Kings 13:6

Nu puhi te diꞌa teke batudi mae Jeroboam naiknodi Israel re igne theome gnafa ka mare, eghuteuna mumuju gna god gaꞌase Asera igne au ngala jare Samaria.

Fapea Kings 14:24

Mae Jeroboam theome keli ka tathagna Lord na, naugna mana ne leghuni puhigna King Jeroboam, thugna mae Nebat tifa ia, eigna mana neke batudi naiknodi Israel re ka nakhibo.

Fapea Kings 15:9

Mae Sekaraea jateula mae kuꞌegna tifa ra neu ne edila unha te theome doglo ka tathagna Lord. Mana ne leghuni puhigna King Jeroboam thugna mae Nebat te diꞌa ia, eigna mana tifa na neke batudi naiknodi Israel re ka nakhibo.

Fapea Kings 15:18

Nu mana jaola neke theome keli ka tathagna Lord. Naugna ka narane te king mana te ghilei thokeni narane glehe gna na, mana leghuni puhigna King Jeroboam, thugna mae Nebat te diꞌa fara tifa ia, eigna mana neke batudi naiknodi Israel re ka nakhibo.

Fapea Kings 17:21

Ke leghugna te fotadi Lord Israel ghe Juda gre na, naiknodi Israel gre ne vahini mae Jeroboam, thugna mae Nebat igne te mala nodi king na. Mae Jeroboam lhotidi naiknore ka Lord, eghuteuna batudi ka nakhibo te thono diꞌa fara tulao.

Fapea Kings 17:23

ghilei leghu lahu na, Lord ne theome magnahaghedi te mei rhegnai re jateula teke chekedi nogna mae gloku mana hatimare mae profet ra. Aonu armi gna Asiria igne mei ne hata fajifladi ka nodi namono re mala tei au Asiria ka namono aheva te khaba fara, eghuteuna mare au ka kantri igne ghilei mei posa ka narane gognarogne.

Fapea Kings 21:16

King Manase jaola ne aknu falehe kmana naikno fara, aonu dadaradi naikno te theo kaisei nakhibodi igre ne fodu ka namono Jerusalem. Nu jaola, mana neke batudi naiknodi Juda igre neke edi glepo te diꞌa ka tathagna Lord.

Fapea Kings 23:15

King Josia tei ne paꞌe soru vido blahi nei olta eghu teke edi King Jeroboam, thugna mae Nebat, Betel tifa, eghuteuna mae Jeroboam neke batudi naiknodi Israel ka nakhibo. Mae Josia ne gnubra soru vido blahi igre ne vuhai nakrofu. Eghuteuna mana jaola ne gnubra mumuju gna god gaꞌase Asera jare.

Fapea Kronikols 28:19

Lord faparidi naiknodi Juda, naugna King Ehas ne batudi naiknore ka puhi te diꞌa na ne figri tagruni Lord.