Ululahu Kings 14:10 - Buka Blahi Ka Cheke Holo

¹⁰ “ ‘Naugna eidi glepo igre, iara ginauna snakre mei puhi biꞌo mala roꞌeni tharaknamu iagho na mala theo kaisei ka ghotilo nate king ke leghumu iagho na. Iara ginauna kafe falehedi mae te gnafa re, neubane naikno sneka ba naikno snagla. Iara ginauna kafe fahui ghami ghotilo jateula mae te gnubra chara ra eghu.

Ululahu Kings 14:10 ပူးပေါင်းရင်းမြစ်များ

Fapea Kings 14:26

Ka narane tuare, Lord neke filoni naꞌau papara te thokedi naikno te gnafa Israel igre, neubane naikno sneka ba snagla, theo kaisei naikno te toghodi re.

Ululahu Kings 21:21

Eghume, igne unha te chekeni Lord eimu iagho na, ‘Iara ginauna snakre ari puhi biꞌo mala thoke nigho iagho. Iara ginauna falehe nigho iagho baludi naikno te gnafa ka vikemu iagho are.

Diutronomi 32:36

“Kate filoni Lord te glaꞌe soru nogna naiknore, eghuteuna phei ba thiloi kolho ka ghotilo te au na, mana ginauna chekeni te ghotilo theome nabami te au papara na. Eghuteuna mana ginauna keli ka ghotilo nogna mae glokure.

Profet Malakai 2:3

“Naugna igne, iara ginauna fagnafani vikemi ghotilo gne, eghuteuna iara ginauna ghiha tathami nei foflomi teu ghotilo are ka butu te atha fajifla ghotilo ka buluka teke fafara ghotilo are. Eghume ghotilo theome naba te eni nogna gloku pris, eghuteuna iara ginauna atha ghami ghotilo baludi butu tuare mala tei koko ka chara.

Profet Sefanaea 1:17

Lord ne cheke eghu, “Naiknore ei puhi diꞌa ranghi ghau iara, eghume iara ginauna na tusu ranghidi thua nafnata puhi biꞌo. Eghuteuna naikno igre ginauna jateula naikno te dofu ra eghu na theome laseni aheva te tei na. Eghuteuna dadaradire ginauna thofa jateula khoꞌu eghu, eghuteuna thinidire ginauna boto siri ka glose na.

Profet Emos 3:6

Jame te kufli kate posa mei magra ka namono na, ba, naiknore na theome mhaghu? Jame kaisei namono thoke mei tagna kaisei hoholo biꞌo, unha eghu te ghathoni ghotilo na? Lord neke theome kuru meini hoholo igne? Uve, cheke igre thofno tutuani fara!

Profet Esikiel 26:4

Mare ginauna goigoni gringni thinagna nomi namono ghotilo ana, eghuteuna paꞌe soru nomi suga mala toetoe ghotilo are. Uve, iara ginauna haglu fagae chara te gnafa ka nomi namono ghotilo ana, eghuteuna thina biꞌo kolho nate au teu ka namono te krogha tuana.

Profet Jeremaea 8:2

Eghuteuna mare ginauna atha nhubra te magnahaghedi fara naiknore mala raba tafri ke kligna glose, ba ke pari naprai, glaba nei nathunu. Tifa na, mare tuturupuku soru toredi nhubra igre mala toghodi. Nu nhubra igre ginauna jateula chara eghu ke kligna glose. Eghuteuna theo kaisei naikno nate salo nhubra igre te mala giugilui na.

Profet Isaia 14:23

Iara ginauna eni namono igne mala kaisei grano biꞌo mala jaola nodi namono nakrudu. Eghuteuna iara ginauna hata kaisei jajaro mala haglu koko gobigna lepore mala krogha namono igne.” Igne nogna nonomho Lord mae ihei te au nolaghi fateote'o.

Profet Isaia 14:19

Nu iagho na theo. Mare ginauna theome giugilu thinimu iagho na, nu mare na koko tei kolho thinimu iagho na mala boto jateula chara eghu. Ke kligna thinimu iagho na, mare ginauna koko thinidi mae soldia teke lehe balumu iagho ka magra ra. Eghuteuna naiknore ginauna tapla ke klignami ghotilo.

Profet Isaia 5:25

Ghotilo nogna naikno Lord, nu naugna ghotilo ne eni igne ne diꞌatagna fara mana. Mana ginauna falehe ghami ghotilo, naugna mana ne diꞌatagna fara ka ghotilo. Mana ginauna edi thogele igre mala nghali tongana, eghuteuna kmana naikno ginauna lehe, eghuteuna thinidi naikno te lehe igre ginauna na jateula chara eghu thuru tafri ka glalaba, ba leghu nabrou jateula chara eghu. Nu neuba Lord neke paradi, mana diꞌatagna fabrahu ka mare. Eghuteuna mana ginauna tarabana mala ke paradi ngala mare.

Nodi Khoje Hatimare Mae Jiu 83:10

Iagho neke falehedi phei mae igre ka namono biꞌo Endo, eghuteuna thinidire neke boto jare.

Thoutonu Eigna Mae Job 20:7

Neuba, mae te diꞌa igne ginauna dofini fabrahu kolho jateu charagna thegna eghu. Mae iheire teke laseni na ginauna theome laseni aheva te tei na.

Fapea Kings 21:13

Iara ginauna para ghami ghotilo, jateula teke paradi iara naiknodi Samaria balugna King Ehab nei vikegna teku mana ra. Iara ginauna hata fadelei ghami ghotilo mala famane gae namono igne, jateula tapera te famane titihi te gae, eghuteuna fapogru sukha teura eghu.

Fapea Kings 9:37

Thinigna na ginauna naga tafri jateula chara eghu pari ka glose na, mala theome tangomana kaisei naikno te cheke eghu na, ‘Igne Jesebel na.’ ”

Ululahu Kings 16:11

Ka narane te king mae Simri igre, mana ne aknu falehe mae te gnafa ka tharaknagna mae King Basa baludi kheragna mana re.

Ululahu Samuel 25:34

Lord mae ihei te karha te tifa igne ngala te fanogra ghau iara te theome goigoni nigho na. Iara cheke kate tutuani ka nanghagna Lord, jame theome faghosei mei thafo ghau iara iagho na, mae te gnafa nei nogna mae gloku teu mae Nabal ra jame lehe neke hamerane nga.”

Ululahu Samuel 25:22

Igne nogu cheke iara na. Iara ginauna aknu falehe gnafa mae biꞌo nei mae majaghani teu te au ka namonogna mae Nabal. Iara toreni Lord mala falehe ghau iara jame kafe karha teu keha te ghilei hamerane na!”

Ululahu Samuel 2:30

“Naugna igne iara Lord nodi God mae Israel, igne unha te chekeni iara na: Tifa na iara neke nhaꞌa cheke ka kuꞌemu iagho Eron ba iheire te gnafa ka tharaknagna mana na igre, mare ginauna mala mae pris mala edi fabrahu nogu gloku iara re. Nu gognarona, iara na cheke fadoglo ari ka iagho, u nhaꞌa cheke igne la gnafahi ka mae thumu iagho ra! Gognarona, mae ihei te ghatho tahu ghau iara na, iara ginauna ghatho tahuni mana. Nu mae ihei te tirogna ghau iara na, iara ginauna na jaola tiroguni mana.

Ululahu Kings 13:34

Igne nakhibogna mae Jeroboam, eghuteuna nakhibo igne ne goigoni vikegna mana na. Eghuteuna mare te gnafa ka vike igne ne kafe lehe.

Ululahu Kings 16:3

Eghume, iara ginauna goigoni nigho iagho baludi naikno te gnafa ka thabuknamu iagho igre. Iara ginauna goigoni ghami ghotilo jateula teke eni iara ka mae Jeroboam tifa ia eghu.

Profet Jeremaea 32:18

Leuleghu fata na, iagho namhadi nei kokhonidi eghu kmana thogha naikno. Nu jame te tapla jafra kaisei phagusu ka nakhibo na, iagho ginauna paradi naikno te leghudi puhi te diꞌa tuare baludi goro thudi nate karha mei ke leghudi re. God, iagho thofno keli fara, nei nolaghi fara eghu, eghuteuna nanghamu iagho na Lord, mae ihei te au nolaghi fateote'o.