Ululahu Kings 13:6 - Buka Blahi Ka Cheke Holo

⁶ Aonu King Jeroboam ne cheke eghu ka mae profet igne, “Iara magnahaghei nigho iagho te toreni God, nou Lord, mala togho ghau iara mala ke keli fapulo iara khamegu gne!” Aonu mae profet ne leghuni nogna cheke King na ne tarai ka Lord, eghuteuna khamegna King na neke keli fapulo jateula teke ululahu ia neu.

Ululahu Kings 13:6 ပူးပေါင်းရင်းမြစ်များ

Mae Khuru 8:24

Mae Simon ne cheke eghu ka mae Pita ghe mae Jone, “Phia mae, iara magnahaghei ghami ghopa te tarai ghau iara ka Lord. Tarai mala theome thoke ghau iara glepo te diꞌa te chekedi ghopa gre!”

Eksodas 10:17

Iara magnahaghei ghami ghopa teke kaisei fata atha koko nakhibogu iara gre gognaro na. Tarai ka nomi Lord God na, nei toreni mana mala brue teidi delei glepo te diꞌa tela para ghau iara igne.”

Eksodas 9:28

U gromno nei nakhete thina aes teu igne la thono goigoni ghami farahi ghehati, eghume ghopa toreni Lord mala atha fadelei mana glepo igne ka ghehati. Iara ginau na snakre tei ghami ghotilo. Ghotilo theome tangomana teke au teu ka vido igne na.”

Eksodas 8:8

Mae king ne kilodi mae Moses ghe mae Eron ne cheke eghu ka phiamare, “Jame toreni Lord ghopa me atha fadelei mana groma igre ka iara nei ka nogu naikno iara gre gu meu na, iara ginau na snakredi nomi naikno ghopa gre mala tei fafara ka mana.”

Naba 21:7

Aonu mare mei ka mae Moses, ne cheke eghu ka mana, “Ghehati la jafrahi naugna ghehati neke cheke faparini Lord nei iagho eghu. Eghume ghehati tore nigho iagho mala tarai ka Lord mala atha fadelei mana mogo phanaga igre ka ghehati!” Aonu mae Moses ne tarai ranghidi naiknore.

Eksodas 8:28

Aonu, mae king ne cheke eghu ka mae Moses, “Iara na snakre ghami ghotilo mala tei ghotilo mala fafara ka nomi Lord God na. Nu thosei tei fakhaba ghotilo eghu, nei thosei ghatho iho ghau iara ka nomi tharai na eghu.”

Thakle 3:9

Filo si ghotilo! Nogna tothoghei mae Satan te kilodi thedi naiknodi Jiu teu are theome thofno nogu naikno iara. Mare chaichaghi kolho. Uve, iara ginauna huhurudi mare mala mei pogho soru ke ulumi ghotilo, eghuteuna mare na cheke eghu, ‘Tutuani, God thofno namha ghami ghotilo!’

Letas Teke Riso Tei Mae Pol Ka Khiloau Rom 12:21

Thosei snakreni puhi te diꞌa na mala tapla fapari ghami, nu tapla faparini unha te diꞌa na kate eni unha te keli na.

Letas Teke Riso Tei Mae Pol Ka Khiloau Rom 12:14

Ghotilo toreni God mala fablahidi iheire te nenei ghami. Tutuani, thosei toreni God mala paradi.

Mae Khuru 7:60

Mana ne tuturupuku soru ne eha eghu fabiꞌo, “Lord, thosei ke tughu fapulo ranghidi u nakhibo igne!” Ke leghugna te chekeni igne, mae Stivin na ne lehe.

Luku 23:34

Mae Jisas ne cheke eghu, “Mama! Hata fadelei nakhibodi naikno igre, naugna mare theome laseni unha te eni na.” Eghuteuna mae soldiare ne lalahu khale mala laseni mae ihei nate hata nogna pohe mae Jisas re.

Matiu 5:44

Nu te chekeni iara ka ghotilo na, ghotilo mala kafe namhadi nomi mae naokare, nu taraidi naikno te para ghami re eghu.

Profet Jeremaea 37:3

Kaisei fata, King Sedekaea ne kilodi mae Jehukal, thugna mae Selemaea, ghe mae pris Sefanaea, thugna mae Masea mala tei toreni mae profet Jeremaea. Phei mae igre tei ne cheke eghu ka mana, “King magnahaghei nigho iagho te tarai ka Lord noda God mala togho ghita.”

Ululahu Samuel 12:23

Eghuteuna te iara na, iara ginauna tarai fabrahu ghami ghotilo. Jame te theome eni iara igne na, iara khibo ranghini Lord. Leuleghu fata na, iara ginauna farirhiu ghami ghotilo ka puhi te keli nei doglo eghu.

Ululahu Samuel 12:19

Mare ne cheke eghu ka mana, “Iagho tarai ka Lord nou God mala theome lehe ghehati. Gognarona ghehati laseni teke edi ghehati kmana glepo te diꞌa ra nu te diꞌa fara na teke toreni ghehati kaisei king ia.”

Naba 12:13

Aonu Moses ne tanhi tei ka Lord ne cheke eghu, “God, iara tore nigho iagho mala ke fakeli fapulo khabru igne ka naꞌa!”

Eksodas 12:32

Atha nomi sipu, nanigot, nei buluka teu are mala jifla Ijep. Nu toreni Lord ghotilo eghu mala fablahi ghau iara Mana.”

Ululahu Kings 13:5

Olta na jaola ne bagra pea, eghuteuna nakrofugna olta igne ne thofa soru pari ka glose na, thofno leghuni nogna cheke Lord teke chekeni mana igne.

Nodi Khoje Hatimare Mae Jiu 119:58

Ka gaoghathogu fateote'o na, iara tore nigho iagho mala kokhoni ghau iara jateula teke nhaꞌa chekeni iagho ia eghu.

Profet Sekaraea 7:2

Ka narane tuana, naiknodi namono Betel neke kuru teidi mae Saresa ghe Regem-Melek baludi nodi mae glokure mala tei ka nogna Sugablahi Lord mae ihei te au nolaghi fateote'o. Mare ne ghusna eghu ka hatimare mae pris nei profet teu ka Sugablahi na, “Leuleghu fata funu tifa te mei na, tahati tathaji puhi te mala thosei ghamu nei diꞌanagnafa nei tanhi teu ka falima nhigra leuleghu finogha naugna mae naoka neke goigoni nogna Sugablahi Lord. Ba? Keliu ngala te eni fabrahu glepo igne, ba theo?”

Eksodas 8:4

Groma tuare ginau na gasa haghe thoti ka thinigna mae king na, nei na jaola ka thinidi nogna mae funei nei naikno teu mana re.”