Ululahu Kings 13:34 - Buka Blahi Ka Cheke Holo

³⁴ Igne nakhibogna mae Jeroboam, eghuteuna nakhibo igne ne goigoni vikegna mana na. Eghuteuna mare te gnafa ka vike igne ne kafe lehe.

Ululahu Kings 13:34 ပူးပေါင်းရင်းမြစ်များ

Ululahu Kings 14:10

“ ‘Naugna eidi glepo igre, iara ginauna snakre mei puhi biꞌo mala roꞌeni tharaknamu iagho na mala theo kaisei ka ghotilo nate king ke leghumu iagho na. Iara ginauna kafe falehedi mae te gnafa re, neubane naikno sneka ba naikno snagla. Iara ginauna kafe fahui ghami ghotilo jateula mae te gnubra chara ra eghu.

Ululahu Kings 12:30

Aonu naiknore ne tarai ka phei mumuju buluka igre. Ka puhi igne mana ne batudi naiknore mala tapla jafra ka nakhibo, eghuteuna neuba namono Dan gne ne thei brahu, naiknore tei jare mala tarai ka mumuju igne.

Fapea Kings 17:21

Ke leghugna te fotadi Lord Israel ghe Juda gre na, naiknodi Israel gre ne vahini mae Jeroboam, thugna mae Nebat igne te mala nodi king na. Mae Jeroboam lhotidi naiknore ka Lord, eghuteuna batudi ka nakhibo te thono diꞌa fara tulao.

Proveb 13:6

Puhi te keli na barani naikno te doglo na. Nu puhi te diꞌa na faleheni naikno te tapla jafra ka nakhibo na.

Fapea Kings 10:31

Nu King Jehu neke theome thofno leghu fakelidi nogna vetula Lord, nodi God mae Israel. Mana theome koko puhigna King Jeroboam te diꞌa tifa ra, eghuteuna mana neke batudi naiknodi Israel mala pogho soru ka phia mumuju buluka nalhaꞌudi igre.

Ululahu Kings 12:26

Mae Jeroboam ne cheke eghu ka nagnafagna na, “Nogu naikno iara igre ginauna nake figri ke pulo ka vikegna King Devet.

Ululahu Kings 14:1

Ka narane tuana, mae Abaeja thugna King Jeroboam igne ne fogra.

Ululahu Kings 14:16

Lord ginauna lisa koko ghita, naugna King Jereboam ne tapla jafra ka nakhibo, eghuteuna mana batudi naiknore mala jaola tapla jafra tahati ka nakhibo.”

Ululahu Kings 15:26

King Nadab jateula kmagna neu ne leghuni puhi te diꞌa na ne batudi naiknodi Israel ka puhi nakhibo.

Ululahu Kings 21:22

Iagho thono fakabruni fara nagnafagu iara na, eghuteuna iagho jaola batudi naikno di Israel ka nakhibo. Eghume, vikemu iagho gre ginauna lehe jateula vikegna King Jeroboam, thugna mae Nebat ia eghu. Eghuteuna vikemu iagho igre ginauna dofidi jateula vikegna King Basa, thugna mae Ahaeja ia eghu.’

Fapea Kings 10:29

Neuba, mae Jehu neke theome goigoni phei mumuju buluka nalhaꞌudi teke horo mae Jeroboam thugna mae Nebat ka gol. Mana neke lilisei kaisei Betel, eghuteuna keha na Dan. Mana neke batudi naiknodi Israel gre neke pogho soru ka phei mumuju igre.

Profet Jeremaea 28:16

Naugna igne, Lord ne cheke eghu: Theome raugha, iara ginauna atha fadelei nigho iagho ka nauthoglu igne. Ka finogha igne iagho ginauna lehe, naugna cheke te edi iagho igre batudi naiknore mala theome leghuni nogu cheke iara na.”

Profet Hosia 10:8

Vido blahi te mala tarai mare ka mumuju Bet-Aven igre ginauna groꞌe theo tokadi, eghuteuna olta te au ka vido blahi tuana ginauna thafru ka soro nei ka phono eghu. Eghuteuna iheire te magnahaghei te tei porure, mare ginauna na cheke eghu ka thogelere, “Mei toku tafru ghami!” Eghuteuna cheke eghu ka gukhure, “Soru mei ke klignami!”

Ululahu Kings 14:7

Iagho tei cheke ka mae Jeroboam eigna unha te chekeni Lord, nodi God maedi Israel, ‘Iara neke vahi nigho iagho ka naikno igre mala nodi mae mala batudi naiknodi Israel.

Ululahu Kings 14:11

Vikegna mae Jeroboam te lehe ke lamna namono biꞌo na, khuma ginauna ghamu thinidire. Eghuteuna keha te lehe mata re, nanghaji ginauna ghamu thinidire. Iara Lord te chekeni igne!’

Ululahu Kings 15:25

Ka fapea finogha te king mae Asa Juda igne, mae Nadab thugna King Jeroboam te king Israel na. Eghuteuna mana ne king nabagna phei finogha kolho.