Ululahu Kings 13:26 - Buka Blahi Ka Cheke Holo

²⁶ Kate nomhini mae profet khuekuꞌe thoutonu igne, mana ne cheke eghu, “Tuana nogna mae gloku God te huhughuni chekegna Lord na. Eghume Lord neke kuru meini lion igne mala ghasini nei faleheni eghu mana, igne ne horoghoto ka unha teke chekeni Lord na.”

Ululahu Kings 13:26 ပူးပေါင်းရင်းမြစ်များ

Profet Esikiel 9:6

Ghotilo aknu falehe hui goro mae biꞌo, mae majaghani, goro gaꞌase majaghani, idodi te gnafa baludi thudi mare re. Nu ihei te au fagaglana ka greregna na, ghotilo thosei aknu falehedi. Ghotilo ginauna funu aknu falehe mei ka nogu Sugablahi iara gno.” Aonu, mare ne fufunu aknu falehe mae mala baubatu te au ke ulugna Sugablahi na.

Ululahu Korin 11:30

Naugna igne, kmana ka ghotilo nigra nei fogra nei kehare la lehehi.

Proveb 11:31

Tahati laseni, naikno te keli na hata nogna taba te keli nabagna puhigna mana na. Naikno te diꞌa na ginauna na jaola hata nogna taba nabagna puhi te diꞌa na.

Nodi Khoje Hatimare Mae Jiu 119:120

Iara thono mhaghu nogu nigho fara ne ngegra thinigu na. Uve, kate ghathoni iara te fateni iagho naikno na, iara ne mhaghu nogu nigho fara.

Fapea Samuel 12:14

Nu puhimu iagho te diꞌa igne naoka ranghini Lord nei theome ghatho tahuni mana. Naugna igne thumu iagho te karha ka Batseba igne ginauna lehe.”

Fapea Samuel 12:10

Iagho tirou ghau iara neke blau khetogna mae Uraea na. Eghume, keha naikno nate karha mei ka vikemu iagho re ginauna lehe ka magra.’

Levitikas 10:3

Aonu mae Moses ne cheke eghu ka mae Eron, “Igne gaoghatho gna unha teke cheke eghu Lord ia: “ ‘Iara ginauna fakakhana te blahi iara ka iheire te mei namo ka iara na. Eghuteuna nogu naikno iara gre ginauna fafnaknoni nogu nolaghi iara na.’ ” Nu mae Eron ne au kmu kolho.

Ululahu Pita 4:17

Naugna narane God nate mala fatedi naiknore la fufunuhi. Mana ginauna na kulu fufunu ka nogna naikno thegna re. Te fufunu mana ka tahati na, ginauna thofno ninhigrana ranghidi iheire te theome fatutuani ni u Nonomho te Keli teke mei funu ka God thegna igne.

Ululahu Kings 13:25

Keha naikno te salaꞌu ka nabrou igne ne filoni thinigna nogna mae gloku God na thuru neu ka nabrou na, eghuteuna lion na kegra neu rhegna thinigna mana na. Aonu mare tei Betel ka namono aheva te au mae profet khuekuꞌe igne ne toutonu ka naiknore unha te filoni mare ka nabrou na.

Ululahu Kings 13:27

Aonu mana ne cheke eghu ka mae thugna re, “Ghotilo tarabana nogu dongki iara ia.” Eghuteuna mare ne tarabana nogna dongki mae kmadi na.