Ululahu Kings 13:18 - Buka Blahi Ka Cheke Holo

¹⁸ Mae profet khuekuꞌe igne ne cheke eghu, “Iara jaola kaisei mae profet jateula iagho eghu. Eghuteuna Lord neke kuruni kaisei engel neke mei cheke ka iara mala mei tali fapulo nigho iagho mala ke pulo ghamu nei koꞌu eghu ka sugagu iara na.” Nu mae khuekuꞌe igne chaghini mana kolho.

Ululahu Kings 13:18 ပူးပေါင်းရင်းမြစ်များ

Ululahu Jone 4:1

Uve kheraguro, gognaro na kmana mae profet chaichaghi ka nauthoglu gne. Eghume kate toutonu naiknore, thosei fatutuani nodi cheke te gnafare, nu faglanidi eghu glahula gaoghatho te au ka mare tuare neke mei funu ka God.

Matiu 7:15

Mae Jisas ne cheke eghu, “Fiofilo ghami ka mae profet chaichaghi are. Ke kosi na jateula te famane sipu eghu filodire. Nu tutuani, mare goigonidi naiknore jateula khuma fakaukathu eghu naugna gaoghathodire jafra fara.

Fapea Pita 2:1

Tifa na kmana mae profet chaichaghi farihotei naiknodi Israel. Eghuteuna hatimare mae velepuhi chaichaghire ginauna jaola kegra haghe farihoteimi ghotilo. Mare ginauna farirhiu chaichaghi ghami ghotilo nu theo kaisei naikno ghosei te filo glanini u najafra te eni mare na. Eghuteuna mare ginauna fariuriu fadiꞌa ghami ghotilo, naugna mae velepuhi igre neke figri tagruni nodi Lord Jisas, mae ihei teke fakarhidi ka nakhibo. Eghume God ginauna ghosei roꞌedi mare naugna mare neke leghuni nodi puhi thedire.

Naba 22:35

Nu engel na neke cheke eghu ka mae Balam, “Tei sagho baludi mare, nu chekedi kolho iagho unha teke cheke iara ka iagho ra eghu.” Aonu mae Balam ne tei baludi nogna mae funei mae Balak re.

Fapea Korin 11:3

Nu iara nanga nogu fara, glahula baubatu fajafradi mare gaoghathomi ghotilo re mala theome klino nei theome namhani eghu ghotilo Kraes. Glahu jateula mogo teke saosagroni Ivi ka chekegna te chaichaghi ia eghu.

Letas Teke Riso Tei Mae Pol Ka Khiloau Rom 16:18

Nafnata naikno igre theome loku ranghini Kraes noda Lord, nu mare leghudi kolho unha te magnahaghei thedire. Mare lase cheke famaemahe nei lase chaichaghidi iheire te theome raꞌe filo glanidi puhi te diꞌare.

Profet Esikiel 13:22

Iara theome magnahaghedi naikno te doglo gre te diꞌanagnafa na, nu ghotilo faglaꞌedi gaoghathodi naiknore ka nomi chaichaghi ghotilore. Ghotilo togho haghedi koba naikno te diꞌare, eghuteuna mare theome tangomana teke figri fapulo ka puhidi mare te diꞌa re, mala tangomana mare te fakarhadi nakarhadi thedire.

Profet Jeremaea 23:32

Uve, iara jaola theome magnahaghedi mae profet chaichaghi te toutonu eidi mifi te fodu ka chaichaghi igre. Mare toutonu eidi kmana chaichaghi biꞌo, eghuteuna batu fadeleidi nogu naikno iara re. Iara neke theome kurudi nei theome vahidi neku mae profet igre. Mae profet chaichaghi igre theome toghodi nogu naikno iara re.” Igne chekegna Lord.

Profet Jeremaea 23:17

Mae igre cheke famaemahe eghu koba ka iheire te tirodi ghau iara re, ‘Ghotilo ginauna au ka pharikeli.’ Eghuteuna iheire te maku jateula thina teu phaꞌudire igre, mare leghuni kolho nodi gaoghatho thedi re cheke eghu, ‘Theo kaisei puhi biꞌo nate thoke ghita tahati na.’ ”

Profet Jeremaea 5:31

Kate toutonu na, mae profet igre chaghidi naiknore. Hatimare mae pris jaola eni kolho unha te magnahagheni thedi na. Eghuteuna ghotilo nogu naikno iara gre thono magnahagheni fara puhi te eni mare igne. Nu iara ginauna fakokhoana ghami ghotilo, eghuteuna puhimi ghotilo te diꞌa igne ginauna hui. Eghuteuna ka narane igre unha nate eni ghotilo na?”

Profet Jeremaea 5:12

Naiknodi Israel igre mare cheke chaichaghi eigu iara Lord. Mare ne cheke eghu, “Lord ginauna na theome para ghita tahati, eigna theo kaisei puhi biꞌo nate thoke ghita na. Hatimare mae naokare na theome mei magra ka tahati, eghuteuna narane behu na ginauna theome mei thoke ghita.

Profet Isaia 9:15

Phaꞌudi mae igre na mae biꞌo igre, baludi naikno te fnakno nanghadire. Eghuteuna sekodi mae igre na hatimare mae profet te cheke chaichaghi koba igre.

Thakle 19:20

Nu kate magra na, mae ihei te saghe ka hose vegha na igne ne hata bosu na, balugna mae profet chaichaghi na. Mae profet chaichaghi igne mana neke eꞌei kofubobhoi ke ulugna bosu na tifa. Eghuteuna ka puhi igne mana chaichaghidi fara naiknore teke hata mare fagaglana gna bosu na nei pogho soru ka mumuju gna na. Aonu mae profet chaichaghi ghe bosu gre karha neu ne koko lao mare ka kholo khaꞌaghi te ngire ka thina te ngaja na.

Matiu 24:24

Naugna ginauna hatimare mae Kraes chaichaghi nei hatimare mae profet chaichaghi teu igre ginauna thakle mei. Mare ginauna edi kmana glepo te biꞌo nei kofubobhoi biꞌo eghu ka naiknore, mala fariuriu chaghidi nei baubatu fadiꞌadi eghu naikno te gnafa teke vavahi God re. Nu theome tangomana eghu.

Profet Jeremaea 23:14

Nu gognarona iara jaola filodi mae profet di Jerusalem igre. Mare jaola thofno diꞌa fara salaꞌudi keha mae profet tifa ra. Mare theome leghuni puhigna tholaghi na, eghuteuna nakarhadire fodu ka chaichaghi. Mare toghodi naikno te diꞌa puhidire mala theome gnafa mare kate eni puhi te diꞌa na. Naiknodi Jerusalem igre kafe diꞌa hui jateula phei namono biꞌo Sodom ghe Gomora tifa ra eghu.”

Jajis 13:3

Kaisei narane, engel nogna Lord na ne thakle ka khetogna Manoa na ne cheke eghu ka naꞌa, “Iara lase nigho iagho te theome au sua na, nu neuba, iagho ginauna bukla na au kaisei thumu nalhaꞌu.

Galesia 1:8

Nu neubane mae ihei, ba ghehati ba kaisei engel gna kligna, toutonuni u Nonomho te Keli te nhogri ka unha te toutonuni hi ghehati ka ghotilo igne, mae tuana nabagna na toreni God mala au papara mana ka namono Gehena.

Ululahu Timoti 4:1

Mae Tharunga te Blahi neke thono cheke fara eidi keha naiknore ginauna tei kokoni nodi fatutuani na ka narane te mei thogheiro re. Mare ginauna leghudi keha naitu te lase chaichaghi fara re, eghuteuna mare ginauna leghu dila nogna farirhiu mae Satan.

Ululahu Timoti 4:2

Nafnata farirhiu igre mei ka puhidi naikno te theome doglo nu lase chaichaghi fara, eigna gaoghathodi teke doglore la lehehi, jateula teke nhako ka khaꞌaghi te ngaja ia eghu.

Ululahu Kings 13:19

Aonu kate nomhini cheke igne, mae profet gna Juda igne neke pulo balugna mana, eghuteuna mana ne ghamu nei koꞌu neu balugna mana.

Ululahu Kings 20:35

Ka narane igne, cheke gna Lord na ne mei ka kaisei mae profet te au ka kaisei tothoghei profet. Lord neke cheke ka mae profet igne mala chekeni kaisei mae mala cheke eghu mana, “Puri ghau iara sagho!” Nu mae ihei teke cheke lao mana tagna igne ne tirogna.

Proveb 12:19

Cheke te tutuani na au fabrahu. Nu cheke te chaichaghi na theome au raugha kolho.

Proveb 12:22

Lord na theome magnahagheni mae ihei te fodu chaichaghi ka foflogna na. Nu keli tagna ka mae ihei te cheke kate tutuani fabrahu.

Proveb 19:5

Te chaghi ka fate na, iagho ginauna au papara. Te chaghi fabrahu na, iagho ginauna theome snagla.

Profet Isaia 36:10

Eghuteuna keha glepo na igne eghu, iara theome mei leghuni nogu gaoghatho thegu na mala mei magra ka ghotilo. Jame te theome togho ghau Lord na, iara ginauna theome mei agne mala roꞌeni nomi kantri ghotilo gne. Nu Lord thegna kilo mei ghau iara mala roꞌeni kantri igne.” ’ ”

Profet Jeremaea 29:31

“Iagho fatei cheke ka naiknodi Juda te au Babilonia ra. Iagho cheke eghu: ‘Neuba Lord ne theome kuru arini mae profet Semaea gna Nehelam igne ka ghotilo, mae profet chaichaghi igne fariuriu ghami ghotilo mala fatutuanidi ghotilo nogna chaghi thegnare.

Profet Jeremaea 29:32

Aonu Lord ne cheke eghu: Iara ginauna parani mae Semaea baludi tharakna gna manare, naugna mana ne batu fadeleidi nogu naikno iara re ne theome filodi unha glepo te keli te edi iara re. Eghume iara ginauna na thofno fahuini vikegna mana igne mala theo kaisei naikno ka mare te karha na.’ ” Igne cheke gna Lord.

Profet Esikiel 13:8

“Eghume Lord ne cheke eghu: Naugna ghotilo mae profet chaichaghi ra chekedi koba eidi mifi igre, iara Lord cheke tutuani ka ghotilo, iara thono fapari ghami ghotilo.

Jenesis 3:13

Aonu Lord God ne cheke eghu ka Ivi, “Ba, Ivi mala unha sagho te eni puhi ignea?” Naꞌa ne cheke eghu, “Mogo na neke cheke famaemahe ghau iara neke chaghi ghau iara mala ghamu iara sisi gna gaju na neku.”

Jenesis 27:24

Mae Isak ne kulu ghusna eghu ka mae Jekop, “Ba, iagho thofno mae thugu iara Iso?” Mae Jekop ne cheke eghu, “Uve.”

Ululahu Kings 22:22

“Lord ne cheke eghu ka mana, ‘Ka unha nate eni iagho na?’ Naitu igne ne cheke eghu, ‘Iara ginauna tei chekedi nogna profet mae Ehab igre mala cheke chaichaghi mare.’ “Lord ne cheke eghu, ‘Tei sagho gognarogne, mala tei mana ka magra.’ ”