Ululahu Kings 12:32 - Buka Blahi Ka Cheke Holo

³² Mae Jeroboam ne vahini kaisei narane biꞌo ka nabotho glimai gna narane fahana gna nhigra na, igne jateula kaisei nodi narane biꞌo eghu mae Juda. Mana neke horo kaisei olta Betel mala fafara ka phei mumuju buluka igre. Mana jaola neke fablahidi hatimare mae pris igre Betel mala loku ka vido blahi teke edi mana igre.

Ululahu Kings 12:32 ပူးပေါင်းရင်းမြစ်များ

Ululahu Kings 8:5

Aonu King Solomon baludi naiknodi Israel ne khapru ke ulugna Bokis Blahi igne, eghuteuna mare ne edi kmana fafara ka sipu, nei buluka. Eghuteuna theo kaisei naikno tangomana te kahadi sipu nei buluka teu igre naugna kaputudi glepo biꞌo fara.

Ululahu Kings 8:2

Aonu mare ne kafe mei ka King Solomon ka Narane biꞌo te mala Au ka Suga Naota Ikoi na, ka nhigra te kiloni mare Etanim, ka fafitu nhigra ka nodi finogha mare na.

Profet Esikiel 43:8

Tifa na, mae king igre neke lilisei grengathadi nodi suga re, namo fara rhegna grengatha gna nogu suga iara na. Kaisei gringni kolho te au farihotei te fotadi mare ka iara na. Nodi puhi te diꞌa mare igne fadidiꞌa nanghagu iara te blahi na. Eghume iara neke goigonidi mare, naugna iara neke diꞌatagu fara ka mare.

Ululahu Kings 13:33

Neuba glepo igre ne thoke mei ngau, nu King Jeroboam theome tughu puhigna te diꞌa na. Mana vahidi thua nafnata mae ngala te mala pris te mala loku ka vido blahi na. Ihei te magnahaghei pris na, Jeroboam faꞌuveni ngala.

Eksodas 32:5

Kate filoni Eron igne, mana ne horo kaisei olta ke ulugna buluka nalhaꞌugna tuana, ne cheke eghu ka naiknore, “Nathuꞌu, tahati ginauna eni kaisei gaghamu mala ghatho tahuni Lord.”

Jajis 17:5

Maeka horo haghe kaisei vido blahi malagna nogna mumuju na, eghuteuna mana edi keha mumuju mala au ka suga, nei kaisei pohe blahi te kiloi efod. Eghuteuna mana fablahini kaisei thugna te mala pris gna nogna vido blahi na.

Ululahu Kings 13:1

Kate kegra fafara teu mae Jeroboam ka olta na, kaisei nogna profet God ne mei ka mana. Mae profet igne kaisei maegna Juda, eghuteuna Lord neke chekeni mana mala jifla Juda tei Betel.