Ululahu Kings 12:18 - Buka Blahi Ka Cheke Holo

¹⁸ King Rehoboam ne kuruni mae Adoniram, mae ihei te reireghidi mae gloku re, mala tei filodi hatimare mae mala baubatudi Israel, nu mare ne fada faleheni mana ka thina. Naugna igne, King Rehoboam faghose ne rikha ka nogna chariot na neke pulo Jerusalem.

Ululahu Kings 12:18 ပူးပေါင်းရင်းမြစ်များ

Ululahu Kings 4:6

Mae Ahisa igne, mana mae funeidi mae te loku ka suga gna king. Mae Adoniram, thugna mae Abda, mana mae funeidi nogna mae gloku fateo king.

Ululahu Kings 5:14

Mana ne vahini mae Adoram te mala jateula nodi phaꞌu mae teuna, eghuteuna mana tufa mae igre ka thilo tothoghei, eghuteuna ke lamnagna kaisei tothoghei na, au nabotho thogha mae. Tothoghei te gnafa ka thilo tothoghei igre tei loku kaisei nhigra Lebanon, eghuteuna ke pulo mei au phei nhigra ka namono.

Fapea Samuel 20:24

Mae Adoniram, te mala reireghidi mae gloku te huhurudi king te mala loku na. Mae Jehosafat thugna mae Ahilud, te mala tathaji rekod na.

Mae Khuru 5:26

Aonu, mae funei biꞌo baludi hatimare mae pulisire ne tei ka Sugablahi na mala ke hata fapulodi mae khurure. Nu mae pulisire ne theome loku lalamadi mae khurure, naugna mae pulisire mhaghudi naiknore glahula fadi falehedi ka thina.

Profet Emos 2:16

Ka narane igne, mae soldia te theome mhaghu nei frane teura ginauna lisa faleghu nodi glepo mala magrare na rikha kolho.” Igne chekegna Lord.

Fapea Kronikols 24:21

Nu king ne kaisei gaoghatho baludi nogna mae biꞌo re mala falehe mae pris igne. King ne chekedi mare ne fadini mana ka thina ne ghilei lehe ka glalaba ke ulugna nogna Sugablahi Lord.

Fapea Kronikols 10:18

Ke leghu, king ne kiloni Adoniram mae ihei te mala fiofilodi hatimare mae glokure mala tei filodi mae lida di Israel te au ke raru. Nu naiknodi Israel igre kegra haghe ne fada thina ni mana ne ghilei lehe mana. Nu King Rehoboam ghosei ka nogna chariot na rikha neke pulo Jerusalem.

Naba 14:10

Aonu naiknore kegra ne rodi fadi falehedi mae Moses ghe mae Eron ka thina. Nu siasigla gna nogna nolaghi Lord na ne soru mei ka Suga Thapuale te blahi na, ne sigla tongana ka naiknore.

Eksodas 17:4

Aonu mae Moses ne tarai ne cheke eghu ka Lord, “Lord, na faꞌunhadi sara naikno igrea? Naikno igre magnahaghei te fadi falehe ghau iara ka thina!”